କୋଣାର୍କ, ୨୨/୦୪: କୋଣାର୍କ ସୂର୍ଯ୍ୟମନ୍ଦିରର ଭିତର ବାଲି ସୁରକ୍ଷିତ । ବାଲି କାଢ଼ିଲେ ମନ୍ଦିରକୁ ବିପଦ ନାହିଁ । ଏନେଇ ରିପୋର୍ଟ ଦେଇଛି ଆଇଆଇଟି ମାଡ୍ରାସ୍ । ହେରିଟେଜ୍ ସାଇଟର ଭିତରେ ଥିବା ବାଲି ସମ୍ପୂର୍ଣ୍ଣ ସରୁକ୍ଷିତ । ତେଣୁ ଖୁବଶୀଘ୍ର ବାଲି କଢ଼ା ପ୍ରକ୍ରିୟା ଆରମ୍ଭ ହେବ । ଏଥିପାଇଁ ସମସ୍ତ ବୈଷୟିକ କାର୍ଯ୍ୟ ଶେଷ ହୋଇଛି ବୋଲି ଏଏସ୍ଆଇ ପକ୍ଷରୁ କୁହାଯାଇଛି ।
ସୂଚନା ଅନୁଯାୟୀ, ଗତ ବର୍ଷ ଡିସେମ୍ବର ମାସରେ ସୂର୍ଯ୍ୟମନ୍ଦିରର ପଶ୍ଚିମ ପାଖ କାନ୍ଥରେ ଡ୍ରିଲିଂ କରାଯାଇ ବାଲିର ନମୂନା ସଂଗ୍ରହ କରାଯାଇଥିଲା । ଉକ୍ତ ବାଲିକୁ ସେହି ମାସ ୮ ତାରିଖରେ ପରୀକ୍ଷା ପାଇଁ ଆଇଆଇଟି ମାଡ୍ରାସକୁ ପଠାଇଥିଲା । ସେଠାରେ ଯାଞ୍ଚ ପରେ ଭିତର ବାଲି ପୂର୍ବପରି ସୁରକ୍ଷିତ ଥିବା ରିପୋର୍ଟ ପ୍ରକାଶ ପାଇଛି । ବାଲି କାଢ଼ିଲେ କୋଣାର୍କ ମନ୍ଦିରକୁ କୌଣସି ବିପଦ ନାହିଁ ବୋଲି ବିଶେଷଜ୍ଞ କହିଛନ୍ତି । ସେପଟେ ରିପୋର୍ଟ ଆସିବା ପରେ ଏଏସଆଇ ପକ୍ଷରୁ ବାଲି କାଢ଼ିବା ନେଇ ଚୂଡ଼ାନ୍ତ କରାଯାଇଛି ।
