ମୁମ୍ବାଇ,୧୯/୧୧:ବଲିଉଡର ଜଣାଶୁଣା ଅଭିନେତ୍ରୀ ତଥା ଫ୍ୟାଶନ ଆଇକନ ସୁସ୍ମିତା ସେନ । ସେ ନିଜର ବ୍ୟକ୍ତିଗତ ଓ ବୃତ୍ତିଗତ ଜୀବନକୁ ନେଇ ଥାଆନ୍ତି ସବୁବେଳେ ଚର୍ଚ୍ଚାରେ । ତେବେ ଅଭିନେତ୍ରୀ ଆଜି ତାଙ୍କର ୪୯ତମ ଜନ୍ମଦିନ ପାଳନ କରୁଛନ୍ତି । ଏହି ଅବସରରେ ତାଙ୍କ ପାଇଁ ଫ୍ୟାନ୍ସଙ୍କ ଠାରୁ ଆରମ୍ଭ କରି ସେଲିବ୍ରିଟିଙ୍କ ପର୍ଯ୍ୟନ୍ତ ସମସ୍ତଙ୍କ ଠାରୁ ଛୁଟୁଛି ଶୁଭେଚ୍ଛାଡର ସୁଅ ।
ତେବେ ସୁସ୍ମିତା ସେନ ୧୯୭୫ ମସିହା ଆଜିର ଦିନରେ ହାଇଦ୍ରାବାଦରେ ଜନ୍ମଗ୍ରହଣ କରିଥିଲେ। ତାଙ୍କ ପିତା ବାୟୁସେନାରେ କମାଣ୍ଡର ଥିବା ବେଳେ ମାଆ ଜୁଏଲେରୀ ଡିଜାଇନର ଥିଲେ । ତେବେ ୧୯୯୪ରେ ସୁସ୍ମିତା ସେନ ମିସ ଇଣ୍ଡିଆ ଓ ମିସ୍ ୟୁନିଭର୍ସର ଟାଇଟଲ ହାତେଇଥିଲେ । ସେହି ସମୟରେ ମାତ୍ର ତାଙ୍କୁ ୧୮ ବର୍ଷ ବୟସ ହୋଇଥିଲା । ସୁସ୍ମିତା ସେନଙ୍କୁ ଭାରତର ପ୍ରଥମ ମହିଳା ମିସ୍ ୟୁନିଭର୍ସ ଆଖ୍ୟା ମଧ୍ୟ ଦିଆଯାଇଛି।ତେବେ ୧୯୯୪ମସିହାରେ ଯେତେବେଳେ ମିସ୍ ଇଣ୍ଡିଆ ପ୍ରତିଯୋଗିତା ଚାଲିଥିଲା । ସେତେବେଳେ ଉଭୟ ସୁସ୍ମିତା ସେନ୍ ଏବଂ ଐଶ୍ୱର୍ଯ୍ୟା ରାୟ ଫାଇନାଲିଷ୍ଟ ହୋଇଥିଲେ। କୁହାଯାଏ ଯେ ଅନ୍ତିମ ରାଉଣ୍ଡରେ ଉଭୟ ଐଶ୍ୱର୍ଯ୍ୟା ଏବଂ ସୁସ୍ମିତା ୯.୩୩ ମାର୍କ ହାସଲ କରିଥିଲେ ।
ଏହା ପରେ ବିଚାରପତିମାନେ ନିଷ୍ପତ୍ତି ନେଇଥିଲେ ଯେ ପ୍ରତ୍ୟେକଙ୍କୁ ଗୋଟିଏ ପ୍ରଶ୍ନ ପଚରାଯିବ ଏବଂ ସଠିକ୍ ଉତ୍ତର ଥିବା ବ୍ୟକ୍ତିଙ୍କୁ ବିଜେତା ଘୋଷିତ କରାଯିବ। ସୁସ୍ମିତା ସେନଙ୍କୁ ଏକ ପ୍ରଶ୍ନ ପଚରାଯାଇଥିଲା, ତୁମେ ତୁମର ଦେଶର ବୟନ ଐତିହ୍ୟ ବିଷୟରେ କିଛି ଜାଣିଛ କି? ଏହା କେବେ ଆରମ୍ଭ ହେଲା? ଏବଂ ଆପଣ କ’ଣ ପିନ୍ଧିବାକୁ ପସନ୍ଦ କରିବେ? ସୁସ୍ମିତା ଏହି ପ୍ରଶ୍ନଗୁଡିକର ସଠିକ୍ ଉତ୍ତର ଦେଇ ମିସ୍ ଇଣ୍ଡିଆର ମୁକୁଟ ଜିତିଥିଲେ ।ସେହିପରି ୨୦୧୪ରେ ସୁସ୍ମିତା ସେନ୍ ଅଟୋଇମ୍ୟୁନ ଆଡିସନ୍ ରୋଗରେ ଆକ୍ରାନ୍ତ ହୋଇଥିଲେ।ଏଥିପାଇ ଷ୍ଟେରୋଏଡ ମଧ୍ୟ କାମ କଲା ନାହିଁ। ପୂର୍ବତନ ମିସ୍ ୟୁନିଭର୍ସ ତାଙ୍କ ଶରୀରକୁ ସୁସ୍ଥ କରିବା ପାଇଁ ଅନେକ ଚିକିତ୍ସା ସହାୟତା ନେଇଥିଲେ। ତାଙ୍କର ଏହି ପ୍ରୟାସ ଫଳ ଦେଇଥିଲା ଏବଂ ୨୦୧୯ ରେ ସୁସ୍ମିତା ସେନ୍ ଏହି ରୋଗରୁ ମୁକ୍ତି ପାଇଥିଲେ।
