ନୂଆଦିଲ୍ଲୀ,୨।୮:  ଆରଜେଡି ନେତ ତେଜସ୍ୱୀ ଯାଦବଙ୍କ ବଡ଼ ବୟାନ। ସେ କହିଛନ୍ତି, ନିର୍ବାଚନ କମିଶନଙ୍କ ଦ୍ବାରା ଶୁକ୍ରବାର ଜାରି ଡ୍ରାଫ୍ଟ ଭୋଟର ଲିଷ୍ଟରେ ମୋ ନାଁ ନାହିଁ। ପାଟନାରେ ଏକ ସାମ୍ବାଦିକ ସମ୍ମିଳନୀରେ ତେଜସ୍ବୀ କହିଛନ୍ତି, ମୁଁ ବିହାରରେ ମତଦାନ ସୂଚୀର ସ୍ପେସାଲ ଇଣ୍ଟେନସିଭ୍ ରିଭିଜନ୍‌(ଏସଆଇଆର) ବେଳେ ମୁଁ ନିର୍ବାଚନ ସମୟରେ ଗଣନା ଫର୍ମ (Enumeration Forms) ପୂରଣ କରିଥିଲି। କିନ୍ତୁ ମୋର ନାଁର ଡ୍ରାଫ୍ଟ ଭୋଟର ତାଲିକାରେ ନାହିଁ। ମୁଁ ଆଗାମୀ ବିଧାନସଭା ନିର୍ବାଚନରେ କିପରି ଲଢ଼ିବି? ତେଜସ୍ୱୀ ଯାଦବ କହିଛନ୍ତି ଯେ ଯେତେବେଳେ ସେ ନିର୍ବାଚନ କମିଶନଙ୍କ ପୋର୍ଟାଲରେ ତାଙ୍କର ECIP (ଇଲେକ୍ଟର ଫଟୋ ପରିଚୟ ପତ୍ର) ନମ୍ବର RAB2916120 ପ୍ରବେଶ କରି ସର୍ଚ୍ଚ  କରିଥିଲେ, ସେତେବେଳେ ଏଥିରେ 'ନୋ ରେକର୍ଡ ଫାଉଣ୍ଡ’ ଦେଖାଯାଇଥିଲା।

ତଥାପି, ନିର୍ବାଚନ କମିଶନ ତେଜସ୍ୱୀ ଯାଦବଙ୍କ ଦାବିର ସତ୍ୟତା ଯାଞ୍ଚ କରିବା ସମୟରେ କହିଛନ୍ତି ଯେ ତାଙ୍କ ଡ୍ରାଫ୍ଟ ଭୋଟର ତାଲିକାରେ ତାଙ୍କ ରହିଛି।  ନିର୍ବାଚନ କମିଶନ ଭୋଟର ତାଲିକାର ଡ୍ରାଫ୍ଟ ମଧ୍ୟ ପ୍ରକାଶ କରିଛନ୍ତି, ଯେଉଁଥିରେ ତେଜସ୍ୱୀଙ୍କ ନାମ, ବୟସ, ପିତାଙ୍କ ନାମ, ଘର ନମ୍ବର ସହିତ ତାଙ୍କ ଫଟୋ ରହିଛି। ଆରଜେଡି ନେତାଙ୍କ ଅଭିଯୋଗ ଉପରେ, ନିର୍ବାଚନ କମିଶନ ତୁରନ୍ତ ଜବାବ ରଖିଛନ୍ତି।  ଇସି କହିଛନ୍ତି,'ତେଜସ୍ୱୀ ଯାଦବ ଅଭିଯୋଗ କରିଛନ୍ତି ଯେ ତାଙ୍କ ନାଁ ଭୋଟର ତାଲିକାରୁ ବାଦ ଦିଆଯାଇଛି। ଆମେ ତାଲିକା ସେୟାର କରିଛୁ ଏବଂ ତାଙ୍କୁ ତାଙ୍କ ନାଁ ଭଲ ଭାବରେ ଯାଞ୍ଚ କରିବାକୁ ଅନୁରୋଧ କରୁଛୁ।' 

ନିର୍ବାଚନ କମିଶନଙ୍କ ଦ୍ୱାରା ସେୟାର କରାଯାଇଥିବା ରେକର୍ଡରେ, ତେଜସ୍ୱୀ ଯାଦବଙ୍କ ECIP ନମ୍ବର RAB0456228 ଥିଲା। ନିର୍ବାଚନ କମିଶନଙ୍କ ଦ୍ୱାରା ସେୟାର କରାଯାଇଥିବା ଡ୍ରାଫ୍ଟ ଭୋଟର ତାଲିକାରେ ତେଜସ୍ୱୀ ଯାଦବଙ୍କ ନାମ କ୍ରମିକ ସଂଖ୍ୟା ୪୧୬ ରେ ରେକର୍ଡ କରାଯାଇଛି।