ଭୁବନେଶ୍ଵର, ୩୦/୦୧ : ବିଧାନସଭାର ଶେଷ ଅଧିବେଶନ ଲାଗି ବାଚସ୍ପତି ଡାକିଲେ ସର୍ବଦଳୀୟ ବୈଠକ। ବାଚସ୍ପତିଙ୍କ ପ୍ରକୋଷ୍ଠରେ ଆସନ୍ତା ୪ ତାରିଖ ସନ୍ଧ୍ୟା ସାଢେ ୬ଟାରେ ବୈଠକ ବସିବ। ସେହିପରି ୫ ତାରିଖରେ ବସିବ ବିଜେଡି ବିଧାୟକ ଦଳ ବୈଠକ। ପୂର୍ବାହ୍ନ ୧୦ଟା ୧୫ରେ ବୈଠକ ବସିବ ବୋଲି ସୂଚନା ଦେଲେ ଶାସକ ଦଳ ମୁଖ୍ୟ ସଚେତକ ପ୍ରଶାନ୍ତ ମୁଦୁଲି। ଏହି ବୈଠକରେ ଗଠନ ମୂଳକ ସହଯୋଗ ଓ ପରାମର୍ଶ କରାଯିବ ବୋଲି ଆଶା ରଖାଯାଇଛି। 

ସାଇନ ବୋର୍ଡରେ ଓଡ଼ିଆ ଭାଷା ବାଧ୍ୟତାମୂଳକ

ସୂଚନାନୁଯାୟୀ, ଫେବୃଆରୀ ୫ ତାରିଖରୁ ୧୩ ତାରିଖ ପର୍ଯ୍ୟନ୍ତ ବିଧାନସଭାର ଶେଷ ବଜେଟ ଅଧିବେଶନ ବସିବ। ଏହି ଅଧିବେଶନରେ କାମଚଳା ବଜେଟ ଆଗତ ହେବ । ଏଥିରେ ମୋଟ ୭ଟି କାର୍ଯ୍ୟ ଦିବସ ରହିଛି । ଆଗକୁ ନିର୍ବାଚନ ଥିବାରୁ ଏହା ଷୋଡ଼ଶ ବିଧାନସଭାର ଶେଷ ଅଧିବେଶନ । ଏଥିଲାଗି ଏହା ବେଶ୍ ଗୁରୁତ୍ବପୂର୍ଣ୍ଣ ବୋଲି କୁହାଯାଉଛି । ଏଥିରେ ୪ ମାସର କାମ ଚଳା ବଜେଟ ଆସିବ । ନିର୍ବାଚନ ଥିବାରୁ ଏହି ବଜେଟରେ ରାଜ୍ୟ ସରକାର କେତେକ ନୂଆ ଯୋଜନା ଘୋଷଣା କରିପାରନ୍ତି । ଏହାପରେ ସରକାର ଭାଙ୍ଗିବେ ରାଜ୍ୟ ସରକାର ।