ଭୁବନେଶ୍ଵର, ୦୭/୦୩ : ନବରଙ୍ଗପୁର ଜିଲ୍ଲା ସୀମାନ୍ତରେ ବାଘ ଆତଙ୍କ। ଛତିଶଗଡ଼ କାଙ୍କେର ଜିଲ୍ଲା ଦୁଧବା ଓ ମାକିଡ଼ିଖୁନା ଗ୍ରାମରେ ଏକ କଲରାପତରିଆ ବାଘ ଆତଙ୍କ ଖେଳାଇଛି। କୁକୁଡ଼ା ଖାଇବାକୁ ଜଣେ ବ୍ୟକ୍ତିଙ୍କ କାନ୍ଥରେ ଚଢୁଥିବା ଦେଖିବାକୁ ମିଳିଛି। ଏହି ଘଟଣା ବେଳର ଦୃଶ୍ୟ ସିସିଟିଭିରେ କଏଦ ହୋଇଛି।
ସୂଚନାନୁଯାୟୀ, କାଙ୍କେର ଜିଲ୍ଲାର ଦୁଧବା ଗ୍ରାମରେ ଗୁରୁବାର ଦିନ ଦ୍ଵିପ୍ରହରରେ ଜଣେ ଶିକ୍ଷକଙ୍କ ଘରେ ଏକ କଲରାପତରିଆ ବାଘ ପଶିଥିଲା। ଖବର ପାଇ ବନ କର୍ମଚାରୀ ବାଘକୁ ଧରିବାକୁ ଏକ ଜାଲ ବିଛାଇଥିଲେ। ହେଲେ ବାଘଟି ଖସି ଯାଇଥିଲା। ରାତିରେ କୁକୁଡ଼ା ଖାଇବାକୁ ନିକଟସ୍ଥ ମାକିଡ଼ିଖୁନା ଗ୍ରାମର ଜଣେ ବ୍ୟକ୍ତିଙ୍କ ଘରେ ପଶିବାକୁ ଚେଷ୍ଟା କରିଥିଲା। ବାଡ଼ରେ କଲରାପତରିଆ ଚଢିଥିବା ସିସିଟିଭି ଫୁଟେଜରେ ଦେଖିବାକୁ ମିଳିଥିଲା। ତେବେ ଉଭୟ ଗ୍ରାମରେ ଗତକାଲି ବାଘକୁ ନେଇ ହୋଇଥିବା ଭିଡିଓ ଏବେ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି। ଛତିଶଗଡ଼ ବନ ବିଭାଗ ସ୍ଥାନୀୟ ଅଞ୍ଚଳର ଲୋକମାନଙ୍କୁ ସତର୍କ ରହିବା ପାଇଁ କହିଛି। ଏହା ସହ ସନ୍ଧ୍ୟା ହେଲେ କେହି ଘରୁ ବାହାରକୁ ନବାହାରିବାକୁ ବନ ବିଭାଗ କହିଛି।
ଏହି ଖବରଟିକୁ ପଢନ୍ତୁ-ନେହେରୁବଙ୍ଗଳା ମାଛଧରା ବନ୍ଦରରେ ଭୟାବହ ଅଗ୍ନିକାଣ୍ଡ, ଜଳିଗଲା ୬ ବୋଟ୍ ଏବଂ ୫ ଟାପା
