ଆନନ୍ଦପୁର,୨୮/୧୧: ଓଲଟି ପଡିଲା ଟ୍ରାକ୍ଟର । ଟ୍ରାକ୍ଟର ତଳେ ଚାପିହୋଇ ନାବାଳକ ମୃତ । ମୃତକ ବାତୋ ଗାଁର ୧୪ବର୍ଷର ବାଳକ ରାଜ ଜେନା ବୋଲି ଜଣାପଡ଼ିଛି । କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ରାମଚନ୍ଦ୍ରପୁର ଥାନା ବାତୋ ଗାଁରେ ଏଭଳି ଏକ ଦୁଃଖଦ ଘଟଣା ଘଟିଛି । 

ସୂଚନା ମୁତାବକ, ଗୁରୁବାର ସକାଳୁ ଚହୋଇ ଘରକୁ ଫେରିବା ସମୟରେ ଗାଁକୁ ଯାଉଥିବା ଏକ ଟ୍ରାକ୍ଟରରେ ଡ୍ରାଇଭର ନିକଟରେ ବସିଯାଇଥିଲେ । ରାସ୍ତାରେ ଏକ ଉଠାଣିଆ ସ୍ଥାନକୁ ଟ୍ରାକ୍ଟରଟି ଅତିକ୍ରମ କରୁଥିଲା । ଏହି ସମୟରେ କାଳେ ପଡିଯିବେ, ସେଥିପାଇଁ ଭୟରେ ରାଜ ଟ୍ରାକ୍ଟରରୁ ତଳକୁ ଡେଇଁ ପଡିଥିଲେ । ଫଳରେ ଡ୍ରାଇଭର ନିୟନ୍ତ୍ରଣ ହରାଇବାରୁ ଦୁର୍ଘଟଣାଗ୍ରସ୍ତ ହୋଇ ରାଜଙ୍କ ଉପରେ ଓଲଟି ପଡିଥିଲା ଟ୍ରାକ୍ଟର । ଟ୍ରାକ୍ଟର ତଳେ ଚାପିହୋଇ ରାଜର ମୃତ୍ୟୁ ହୋଇଥିଲା । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ଆନନ୍ଦପୁର ମେଡିକାଲ ପଠାଇଛି । ଦୁର୍ଘଟଣା ଗ୍ରସ୍ତ ଟ୍ରାକ୍ଟରକୁ ଜବତ କରି ଅଧିକ ତଦନ୍ତ କରୁଛି ପୋଲିସ ।