ଭୁବନେଶ୍ୱର, ୨୬/୦୪: ଟ୍ରକ୍କୁ ଧକ୍କା ଦେଲା ହାଇୱା । ଘଟଣାସ୍ଥଳରେ ଚାଲିଗଲା ହାଇୱା ଡ୍ରାଇଭରଙ୍କ ଜୀବନ । ହାଇଓ୍ୱା ଭିତରେ ଚାପିହୋଇ ରହିଛି ଡ୍ରାଇଭରଙ୍କ ମୃତଦେହ । ମୃତ ଡ୍ରାଇଭରକୁ ଉଦ୍ଧାର କରିବା ପାଇଁ ଚେଷ୍ଟା ଚଳାଇଛି ଅଗ୍ନିଶମ ବାହିନୀ ଏବଂ ପୋଲିସ । ସୁନ୍ଦରଗଡ଼ ଜିଲ୍ଲା କୁନାଲ ପେଟ୍ରୋଲ ପମ୍ପ ନିକଟରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଏକ ଆରରନ୍ ବୋଝେଇ ଟ୍ରକ୍ ରାଉଲକେଲା ପଟୁ ଆସୁଥିଲା । ବାଟରେ ଆସୁଥିବା ବେଳେ ସୁନ୍ଦରଗଡ କୁନାଲ ପେଟ୍ରୋଲ ପମ୍ପ ନିକଟରେ ଏକ ଆଇରନ୍ ବୋଝେଇ ହାଇୱା ସହ ଧକ୍କା ହୋଇଥିଲା । ଯାହା ଫଳରେ ଗାଡ଼ି ଭିତରେ ଚାପି ହୋଇ ଘଟଣା ସ୍ଥଳରେ ହିଁ ହାଇୱା ଡ୍ରାଇଭରଙ୍କ ମୃତ୍ୟୁ ହୋଇଥିଲା । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସ ଏବଂ ଅଗ୍ନିଶମ ବାହିନୀକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ଏବଂ ଅଗ୍ନିଶମ ବାହିନୀ ପହଞ୍ଚି ମୃତ ଡ୍ରାଇଭରକୁ ଗାଡ଼ି ଭିତରୁ ଉଦ୍ଧାର କରିବାକୁ ଚେଷ୍ଟା ଚଳାଇଛନ୍ତି ।
