ଭଦ୍ରକ,୨୪/୦୪: ଭଦ୍ରକ ଜିଲ୍ଲା କସିଆ ସାମୁଦ୍ରିକ ଥାନା ଅନ୍ତର୍ଗତ ଚାନ୍ଦିମାଳ ଡିହସାହି ଗ୍ରାମର ଅଘଟଣ। ପୋଖରୀରେ ପଡି ଦୁଇ ଭଉଣୀ ମୃତ । ମୃତ ଦୁଇ ଭଉଣୀ ହେଲେ ସାନକୃଷ୍ଣପୁର ପଞ୍ଚାୟତ ଡିହସାହି ଗାଁର ବସନ୍ତ ମଳିକଙ୍କ ଦୁଇ ଝିଅ କ୍ରିଷ୍ଣା ରାଣୀ (୭) ଓ କୋଏଲ ମଳିକ(୫) ବୋଲି ଜଣାପଡିଛି ।
ସୂଚନା ମୁତାବକ, ଗୁରୁବାର ସକାଳେ ଦୁଇ ଭଉଣୀ ଜେଜେମା ସହିତ ନିକଟସ୍ଥ ପୋଖରୀକୁ ଗାଧୋଇବାକୁ ଯାଇଥିଲେ । ଜେଜେମା ପୋଖରୀରେ ଗାଧୋଇ ଉଠିଆସି ଘରକୁ ଚାଲି ଆସିଥିଲେ। ହେଲେ ଦୁଇ ଝିଅ ଘରକୁ ଫେରି ନଥିଲେ । ଘରକୁ ନଫେରିବାରୁ ପରିବାର ଲୋକେ ଆସି ଖୋଜିଥିଲେ । ପରେ ପରିବାର ଲୋକେ ଉଭୟଙ୍କୁ ସଂଜ୍ଞାହୀନ ଅବସ୍ଥାରେ ପାଇ ତୁରନ୍ତ ବାସୁଦେବପୁର ଡାକ୍ତରଖାନା ନେଇଆସିଥିଲେ। ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଛନ୍ତି।
