ନୂଆଦିଲ୍ଲୀ,୪।୧୧: ପୁଏର୍ଟୋ ରିକୋରେ ଆମେରିକା ଏକ ପୁରୁଣା ନୌସେନା ବେସ୍ ପୁଣିଥରେ ତିଆରି କରୁଛି। ଏହି ବେସ୍ ୨୦ ବର୍ଷ ହେବ ବନ୍ଦ ଥିଲା। ରଏଟର୍ସର ରିପୋର୍ଟ ଅନୁସାରେ, ସାଟେଲାଇଟ୍ ଫଟୋରୁ ଜଣାପଡୁଛି ଯେ, ସେଠାରେ ଶ୍ରମିକମାନେ ରନଓ୍ବେ ପର୍ଯ୍ୟନ୍ତ ଯାଉଥିବା ରାସ୍ତାକୁ ସଫା କରୁଛନ୍ତି ଓ ନୂଆ କଭର ପକାଉଛନ୍ତି। ଆମେରିକାର ଏହି ପଦକ୍ଷେପ ଭେନେଜୁଏଲାରେ ସମ୍ଭାବିତ ସାମରିକ ଅଭିଯାନର ପ୍ରସ୍ତୁତିର ସଙ୍କେତ ଦେଉଛି।
ଏହା ସହ ପୁଏର୍ଟୋ ରିକୋ ଓ ସେଣ୍ଟ କ୍ରାଇକ୍ସର ସିଭିଲିଆନ୍ ଏୟାରପୋର୍ଟରେ ମଧ୍ୟ ସୁବିଧା ବଢାଯାଉଛି। ଏହି ସ୍ଥାନ ଭେନେଜୁଏଲାରୁ ପ୍ରାୟ ୮୦୦ କିଲୋମିଟର ଦୂରରେ ରହିଛି। ବିଶେଷଜ୍ଞଙ୍କ କହିବା ଅନୁସାରେ ଏହା ଭେନେଜୁଏଲାର ରାଷ୍ଟ୍ରପତି ନିକୋଲାସ୍ ମାଦୁରେଙ୍କ ଉପରେ ଚାପ ପକାଇବାର ଚେଷ୍ଟା କରୁଛି। ରୁଜଭେଲ୍ଟ ରୋଡସ୍ ନାଭାଲ ବେସ୍ ପୁଏର୍ଟୋ ରିକୋର ପୂର୍ବ ଉପକୂଳରେ ରହିଛି। ଏହା ୧୯୪୦ ଦଶକରେ ତିଆରି ହୋଇଥିଲା ଓ କୋଲ୍ଡଓ୍ବାରର ସମୟ ଆମେରିକାର ଗୁରୁତ୍ୱପୂର୍ଣ୍ଣ ସାମରିକ କେନ୍ଦ୍ର ଥିଲା। ଏଠାରୁ ବିମାନ, ଜାହାଜ ଓ ସୈନିକ ମୁତୟନ ହେଉଥିଲେ। କିନ୍ତୁ ୨୦୦୪ ରେ ଏହାକୁ ବନ୍ଦ କରି ଦିଆଯାଇଛି। ସେବେଠାରୁ ଏହାକୁ ଖାଲି କରିବାକୁ ପଡିଥିଲା। ଏବେ ସାଟେଲାଇଟ୍ ଫଟୋରୁ ଦେଖିବାକୁ ମିଳୁଛି ଯେ, କନଷ୍ଟ୍ରକସନ୍ର କାମ ଜୋରରେ ଚାଲିଛି।
ଟେକ୍ସିଓ୍ବେ, ଯେଉଁ ଗୁଡିକ ବିମାନଗୁଡିକୁ ରନଓ୍ବେ ପର୍ଯ୍ୟନ୍ତ ନେଇଯାଏ, ତାକୁ ସଫା କରାଯାଉଛି। ଏହାର କାମ ଏତେ ଜୋରଦାର ଯେ, ବିଶେଷଜ୍ଞଙ୍କୁ ଲାଗୁଛି ଖୁବ୍ ଶୀଘ୍ର ବେସ୍ ବ୍ୟବହାର ପାଇଁ ପ୍ରସ୍ତୁତ କରାଯିବ। ଆମେରିକା ନୌସେନା ଆନୁଷ୍ଠାନିକ ଭାବରେ ଏହାର ସୂଚନା ଦେଇ ନାହାଁନ୍ତି। କିନ୍ତୁ ସୂଚନା ଅନୁସାରେ, ଏହା ଭେନେଜୁଏଲା ପକ୍ଷରୁ ନଜର ରଖିବା ପାଇଁ ରହିଛି। ଭେନେଜୁଏଲା ଦକ୍ଷିଣ ଆମେରିକାରେ ରହିଛି, ଯେଉଁଠି ବିବାଦ ବଢିଛି। ଆମେରିକାକୁ ସନ୍ଦେହ ରହିଛି ଏକଛତ୍ରବାଦୀ ଶାସନ ଚାଲିଛି ଓ ଲୋକତନ୍ତ୍ର ବିପଦରେ ରହିଛି। କେବଳ ଆର୍ମି ବେସ୍ ନୁହେଁ, ପୁଏର୍ଟୋ ରିକୋର ସିଭିଲିଆନ୍ ଏୟାରପୋର୍ଟସ ଉପରେ ସୁବିଧା ବଢାଯାଉଛି। ସେଣ୍ଟ କ୍ରାଇକ୍ସ ଦ୍ବୀପରେ ମଧ୍ୟ ଏହା ହେଉଛି। ଏହି ଏୟାରପୋର୍ଟ ସାଧାରଣ ଉଡାଣ ପାଇଁ ରହିଛି, କିନ୍ତୁ ଏବେ ଏହାକୁ ମଜବୁତ କରାଯାଉଛି। ରନଓ୍ବେ ଲମ୍ବା କରାଯାଉଛି। ଏହା ସହ ଷ୍ଟୋରେଜ୍ ମଧ୍ୟ ବଢାଯାଉଛି। ଏହି ସ୍ଥାନ ଭେନେଜୁଏଲାଠାରୁ କେବଳ ୮୦୦ କିଲୋମିଟର ଦୂରରେ ରହିଛି। ଯଦି ଦରକାର ପଡେ, ତେବେ ସେଠାରୁ ଦ୍ରୁତ ଗତିରେ ସାମରିକ ବିମାନ ପଠାଯାଇପାରେ।
ଭେନେଜୁଏଲାର ରାଷ୍ଟ୍ରପତି ନିକୋଲାସ ମାଦୁରୋ ଚିନ୍ତିତ ଅଛନ୍ତି। ୱାଶିଂଟନ ପୋଷ୍ଟର ଏକ ରିପୋର୍ଟ ଅନୁଯାୟୀ, ସେ ରୁଷ ଏବଂ ଚୀନରୁ ସାମରିକ ସହାୟତା ଲୋଡ଼ିଛନ୍ତି। ଆମେରିକାର କାର୍ଯ୍ୟକଳାପ ସୀମା ଆରପାରିରେ ସମ୍ଭାବ୍ୟ ଆକ୍ରମଣର ଆଶଙ୍କା ସୃଷ୍ଟି କରିଛି। ଖୁବ୍ ଶୀଘ୍ର, ଏକ ରୁଷୀୟ IL-76 କାର୍ଗୋ ବିମାନ ଭେନେଜୁଏଲାରେ ପହଞ୍ଚିଛି। ଏହି ବିମାନଟି ୱାଗନର ଗ୍ରୁପ୍ ସହିତ ଜଡିତ ଏକ କମ୍ପାନୀ ଆଭିଆକନ୍ ଜିଟୋଟ୍ରାନ୍ସର ଥିଲା। ୱାଗନର ହେଉଛି ରୁଷର ବିବାଦୀୟ ସାମରିକ ଗୋଷ୍ଠୀ ଯାହା ୟୁକ୍ରେନ ଯୁଦ୍ଧରେ ଲଢ଼ିଥିଲା। ଏହି ବିମାନରେ କ'ଣ ଥିଲା ତାହା ଜଣାପଡିନି। କିନ୍ତୁ ଏହା ସ୍ପଷ୍ଟ ଯେ ରୁଷ ଭେନେଜୁଏଲାକୁ ସମର୍ଥନ କରୁଛି।
