ନୂଆଦିଲ୍ଲୀ,୨।୨: ଓ୍ବାକଫ୍ (ସଂଶୋଧନ)ବିଲ୍ର ସମୀକ୍ଷା ପାଇଁ ଗଠିତ ସଂସଦର ମିଳିତ କମିଟି(ଜେପିସି)ର ରିପୋର୍ଟ ସୋମବାର ଲୋକସଭାରେ ଆଗତ କରାଯିବ। ସେଭଳି ପ୍ୟାନେଲରେ ଥିବା ବିରୋଧି ସାଂସଦଙ୍କ କହିବା ଅନୁସାରେ, ତାଙ୍କ ଅସହମତି ନୋଟ୍କୁ ବିନା କୌଣସି ସୂଚନାରେ ହଟାଇ ଦିଆଯାଇଛି। ଲୋକସଭା ସଚିବାଳୟ ଦ୍ବାରା ଜାରି ବୁଲେଟିନ୍ରେ କୁହାଯାଇଛି କମିଟି ଅଧ୍ୟକ୍ଷ ଜଗଦାମ୍ବିକା ପାଲ୍ ଓ ସଦସ୍ୟ ସଞ୍ଜୟ ଜାସଓ୍ବାଲ ସୋମବାର ଲୋକସଭାରେ ରିପୋର୍ଟ ଆଗତ କରିବେ। କମିଟି ଗୁରୁବାର ଲୋକସଭା ଅଧ୍ୟକ୍ଷ ଓମ୍ ବିର୍ଲାଙ୍କୁ ରିପୋର୍ଟ ଦେଇଥିଲେ।
କମିଟି ବୁଧବାର ବହୁମତରେ ରିପୋର୍ଟ ସ୍ବୀକାର କରିଛନ୍ତି। ଯେଉଁଥିରେ ଶାସକ ବିଜେପିର ସଦସ୍ୟଙ୍କ ଦ୍ବାରା ଦିଆଯାଇଥିବା ସଂଶୋଧନରେ ସାମିଲ କରାଯାଇଥିଲା। ଏହାପରେ ବିରୋଧି ଦଳ ଏହି ପକ୍ରିୟାଙ୍କୁ ଓ୍ବାକଫ୍ ବୋର୍ଡକୁ ନଷ୍ଟ କରିବାର ଚେଷ୍ଟା ବୋଲି କହିଛନ୍ତି। ଓ୍ବାକଫ୍(ସଂଶୋଧନ) ବିଲ୍ ଉପରେ ସଂସଦର ମିଳିତ କମିଟି ଡ୍ରାଫ୍ଟ ଆଇନ ଉପରେ ରିପୋର୍ଟକୁ ୧୫-୧୧ ବହୁମତରେ ଗ୍ରହଣ କରିଛି।
ବିରୋଧି ସଦସ୍ୟ ରିପୋର୍ଟ ଉପରେ ଅସହମତି ପ୍ରକାଶ କରିଛନ୍ତି। ବିଜେପି ସଦସ୍ୟ ଜୋର ଦେଇ କହିଛନ୍ତି, ଗତ ବର୍ଷ ଅଗଷ୍ଟରେ ଲୋକସଭାରେ ଆଗତ କରାଯାଇଥିବା ଏହି ବିଲ୍ ଓ୍ବାକଫ୍ ସମ୍ପତ୍ତିର ମ୍ୟାନେଜମେଣ୍ଟରେ ଆଧୁନିକତା, ପାରଦର୍ଶିତା ଓ ଜବାବଦେହୀ ଆଣିବାର ବ୍ୟବସ୍ଥା କରିଥାଏ। ଅନ୍ୟପକ୍ଷେ ବିରୋଧି ଏହାକୁ ମୁସଲିମ୍ ସମ୍ପ୍ରଦାୟର ସମ୍ବିଧାନିକ ଅଧିକାର ଉପରେ ଆକ୍ରମଣ ଓ ଓ୍ବାକଫ୍ ବୋର୍ଡରେ କାମରେ ହସ୍ତକ୍ଷେପ ବୋଲି ଘୋଷଣା କରିଛି।
