ନୂଆଦିଲ୍ଲୀ – ଆମେରିକୀୟ ଫୋର୍ସେସ୍ ଭେନେଜୁଏଲାର ରାଜଧାନୀରେ ପଶି ଯେତେବେଳେ ରାଷ୍ଟ୍ରପତି ନିକୋଲସ ମାଦୁରୋଙ୍କୁ ଅପହଣ କରିନେଲେ , ତ ଏହାର କିଛି ଘଣ୍ଟା ପୂର୍ବରୁ ହିଁ ଚୀନର ବିଶେଷ ଦୂତ ସହ ତାଙ୍କୁ ସାକ୍ଷାତ୍ କରିଥିଲେ। ଚୀନର ରଣନୀତିକ ଓ ଆର୍ଥିକ ସମ୍ୱନ୍ଧ ଭେନେଜୁଏଲା ସହ ଖୁବ୍ ଗଭୀର ରହିଛି। ଆମେରିକା ପରେ ଚୀନ ଭେନେଜୁଏଲାର ଦ୍ୱିତୀୟ ସବୁଠୁ ବଡ଼ ବ୍ୟାବସାୟିକ ପାର୍ଟନର। ଏହି ସ୍ଥିତିରେ ନିକୋଲସ ମାଦୁରୋଙ୍କ ଗିରଫଦାରୀ ଓ ଭେନେଜୁଏଲାର ତୈଳ ଓ ବଜାର ଉପରେ ଆମେରିକା ନିୟନ୍ତ୍ରଣରେ ଚୀନକୁ ଲାଗିଛି ଝଟକା। ବିଶେଷକରି ଏହି କଥାରେ ଚୀନର ବଡ଼ କ୍ଷତି ହୋଇଛି , ଯେଉଁ ଅନୁସାରେ ଆମେରିକା ସର୍ତ୍ତ ରଖିଛି ଯେ, ଭେନେଜୁଏଲାର ବଜାରରେ ଆମେରିକୀୟ ସାମଗ୍ରୀର ହିଁ ସପ୍ଲାଇ ହେବ। ଏହି ସ୍ଥିତିରେ ଚୀନର ହାତରୁ ଏକ ବଡ଼ ବଜାର ଖସି ଯାଇଛି।
ଏହାସହ ମଧ୍ୟ ପଢନ୍ତୁ : ଟ୍ରମ୍ପଙ୍କ ନୂଆ ପ୍ଲାନ୍ ! ଭାରତ ଉପରେ ଲଗାଇବେ ୫୦୦% ଟାରିଫ୍, ଆସନ୍ତା ସପ୍ତାହରେ ପାସ୍ ହେବ ବିଲ୍ !
ତଥାପି ଚୀନ ପାଇଁ ଏହି ମୁସ୍କିଲରେ ମଧ୍ୟ ଏକ ବଡ଼ ଆଶା ରହିଛି। ଏକ୍ସପର୍ଟ୍ସଙ୍କ କହିବାନୁସାରେ, ଡୋନାଲ୍ଡ ଟ୍ରମ୍ପ ସରକାର ଯେଉଁ ମୁନରୋ ଡକ୍ଟ୍ରିନର ଉଲ୍ଲେଖ କରି ଏହା କହୁଛନ୍ତି ଯେ, ଲାଟିନ ଆମେରିକାର ଏକ ଭାଗରେ ତାଙ୍କ ଦେଶର ହକ୍ ରହିଛି। ଏହି ଦଲିଲକୁ ଆଗକୁ ବଢାଇ ଚୀନ ପକ୍ଷରୁ ତାଇୱାନ ଉପରେ ଦାବି ମଜବୁତ କରାଯାଇ ପାରେ। ୧୯ ତମ ଶତାବ୍ଦୀ ମୁନରୋ ଡକ୍ଟ୍ରିନ୍ ଚର୍ଚ୍ଚାରେ ଥିଲେ। ଗତ ବର୍ଷ ଟ୍ରମ୍ପ ପ୍ରଶାସନ ରାଷ୍ଟ୍ରୟ ସୁରକ୍ଷା ନୀତିର ଯେଉଁ ପ୍ରକାଶନ କରି ଥିଲା , ଏଥିରେ ତାଙ୍କର ଦୀର୍ଘ ଦିନ ପରେ ଅବତାରଣ କରାଯାଇ ଥିଲା। ଏହି ନୀତି ଅନୁସାରେ , ଆମେରିକା ସେହି ଲାଟିନ ଆମେରିକୀୟ ଦେଶ ଗୁଡ଼ିକ ଉପରେ ନିଜର ଦାବି ପ୍ରକାଶ କରିବାର ଚେଷ୍ଟା ଅଛି , ଯାହା ପାଖରେ ସଂସାଧନ ବହୁ ସଂଖ୍ୟାରେ ଅଛି।
ଏହି ସ୍ଥିତି ଚୀନକୁ ମଧ୍ୟ ଉସୁକାଇବା ଓ ବଳ ପ୍ରଦାନ କରିବାକୁ ଯାଉଛି , ଯଦି ଆମେରିକା ଭେନେଜୁଏଲା ଉପରେ ନିୟନ୍ତ୍ରଣ ସ୍ଥାପିତ କରିପାରେ ତ ପୁଣି ତାଇୱାନରେ ଚୀନ ଏମିତି କରିପାରିବ ନାହିଁ।ଡୋନାଲ୍ଡ ଟ୍ରମ୍ପ ପ୍ରଶାସନଙ୍କ ପକ୍ଷରୁ ଭେନେଜୁଏଲାକୁ ଲଗାତାର ଏହି ଧମକ ଦିଆଯାଉ ଥିଲା ଯେ, ସେ ଚୀନ , ଇରାନ ,ରୁଷ୍ ଓ କ୍ୟୁବାରୁ ନିଜ ସଂପର୍କ ଶେଷ କରୁ। ସେତେବେଳେ ତାକୁ ତୈଳ ଉତ୍ପାଦନର ମଞ୍ଜୁରୀ ଦିଆଯାଇ ପାରେ।
ଟ୍ରମ୍ପଙ୍କ ପକ୍ଷରୁ ଲଗାତାର ଏହି କଥା ଉପରେ ଅଭିଯୋଗ କରାଯାଉ ଥିଲା ଯେ, ପ୍ରକୃତରେ ଚୀନ ଏତେ ବଡ଼ ପରିମାଣରେ ଭେନେଜୁଏଲାରେ ନିବେଶ କାହିଁକି ହେଉଛି।କେବଳ ଏତିକି ନୁହେ ଟ୍ରମ୍ପ ପ୍ରଶାସନ ତ ଗ୍ରୀନଲ୍ୟାଣ୍ଡ ଯାଏ ଦାବି ପ୍ରକାଶ କରିଛି ଏବଂ ଏଥିରୁ ୟୁରୋପରେ ମଧ୍ୟ ଉତ୍ତେଜନା ସ୍ଥିତି ସୃଷ୍ଟି ହୋଇ ଯାଇଛି।
