ଲୁସେନ (କତାର),୦୨/୧୨: ରେଡ୍ବୁଲ ଚାଳକ ମ୍ୟାକ୍ସ ଭର୍ଷ୍ଟାପେନ ଚଳିତ ଫର୍ମୁଲା-ୱାନ ସିଜନରେ ଚାମ୍ପିଅନ ହେବା ସହ କ୍ୟାରିୟରରେ ଚତୁର୍ଥ ବିଶ୍ୱ ଟାଇଟଲ ହାସଲ କରିସାରିଛନ୍ତି । ସିଜନର୨୩ତମ ରେସ୍ କତାର ଗ୍ରାଁପ୍ରିରେ ସେ ବେଶ ନାଟକୀୟ ଭାବେ ଚାମ୍ପିଅନ ହୋଇଥିଲେ। ମ୍ୟାକଲରେନ ଚାଳକ ଲାଣ୍ଡୋ ନୋରିସ ଏବଂ ଭର୍ଷ୍ଟାପେନଙ୍କ ମଧ୍ୟରେ କଡ଼ା ଟକ୍କର ହୋଇଥିଲା । ଶେଷରେ ନୋରିସଙ୍କ ତ୍ରୁଟି ହିଁ ତାଙ୍କ ପରାଜୟର କାରଣ ପାଲଟି ଥିଲା । ତାଙ୍କୁ ମିଳିଥିଲା ପେନାଲ୍ଟି । ଏହାପରେ ଭର୍ଷ୍ଟାପେନ ବିଜୟ ଲାଭ କରିଥିଲେ।
ଭର୍ଷ୍ଟାପେନ ୧:୩୧:୦୫.୩୨୩ ଟାଇମିଂ ସହ ପ୍ରଥମ,ଫରାରିର ଚାର୍ଲ୍ସ ଲେକଲେର୍କ (ଅତିରିକ୍ତ +୬.୦୩୧ ସେକେଣ୍ଡ) ଦ୍ୱିତୀୟ ଏବଂ ମ୍ୟାକଲରେନର ଓସ୍କାର ପାଏଷ୍ଟ୍ରି (+୬.୮୧୯ ସେକେଣ୍ଡ) ତୃତୀୟ ସ୍ଥାନ ହାସଲ କରିଥିଲେ । ସିଜନର ଅନ୍ତିମ ରେସ୍ ଆବୁଧାବିରେ ହେବ। ଏହା ଆସନ୍ତା ୮ ତାରିଖରେ ଖେଳାଯିବ ।
