ନୂଆଦିଲ୍ଲୀ,୨୯/୧୧: ସଂସଦର ଶୀତ ଅଧିବେଶନର ଚତୁର୍ଥ ଦିନରେ ବି ଚାଲିପାରିଲାନି ଗୃହକାର୍ଯ୍ୟ । ଆରମ୍ଭରୁ ବିରୋଧୀଙ୍କ ହୋହାଲ୍ଲାରେ ଅଚଳ ହୋଇଛି ଉଭୟ ଗୃହ । ଆଦାନୀ ଓ ମଣିପୁର ପ୍ରସଙ୍ଗରେ ଗୃହରେ ଆଲେଚନା ଦାବି କରି ବିରୋଧୀ ହଙ୍ଗାମା କରିଥିଲେ । ବାଚସ୍ପତି ଗୃହକାର୍ଯ୍ୟ ସୁରୁଖୁରୁରେ ଚଳାଇବାକୁ କହିଥିଲେ ସୁଦ୍ଧା କେହି କର୍ଣ୍ଣାପାତ କରିନଥିଲେ । ହଟ୍ଟଗୋଳ ସ୍ଥିତି ଉପୁଜିବାରୁ ରାଜ୍ୟସଭାକୁ ସୋମବାର ଯାଏ ମୁଲତବୀ ରଖାଯାଇଛି । ଅପରାହ୍ନ ୧୨ଟା ଯାଏ ଲୋକସଭାକୁ ମୁଲତବୀ ଘୋଷଣା କରିଛନ୍ତି ବାଚସ୍ପତି ଓମବିର୍ଲା ।
ପୂର୍ବାହ୍ନ ୧୧ଟାରୁ ଗୃହକାର୍ଯ୍ୟ ଆରମ୍ଭ ହୋଇଥିଲା । ସଭା ଆରମ୍ଭ ହେବା କ୍ଷଣି କଂଗ୍ରେସ ଓ ଅନ୍ୟ ବିରୋଧୀ ନେତା ଆଦାନୀ ଲାଞ୍ଚ ମାମଲା ଓ ମଣିପୁର ହିଂସା ପ୍ରସଙ୍ଗରେ ଆଲୋଚନା ନେଇ ଦାବି କରିଥିଲେ । ବାଚସ୍ପତିଙ୍କଠୁ ସନ୍ତୋଷଜନକ ଉତ୍ତର ନମିଳିବାରୁ ବିରୋଧୀ ହଙ୍ଗାମା କରିଥିଲେ । ବିରୋଧୀଙ୍କ ହଙ୍ଗାମା ନେଇ ରାଜ୍ୟସଭା ଅଧ୍ୟକ୍ଷ କହିଛନ୍ତି, ଏହା କଦାଚିତ୍ ଗ୍ରହଣୀୟ ନୁହେଁ । ଆମେ ବହୁତ ଖରାପ ମିସାଲ ସୃଷ୍ଚି କରୁଛେ । ଆମ କାର୍ଯ୍ୟ ଲୋକକେନ୍ଦ୍ରିକ ନୁହେଁ । ଆମେ ଅପ୍ରଙ୍ଗିତ ହେଉଛେ ।
#WATCH | Amid continuous sloganeering by Opposition MPs in Rajya Sabha, House Chairman Jagdeep Dhankhar said, "...This cannot be appreciated. We are creating a very bad precedent. Our actions are not public-centric. We are getting into irrelevance..."
— ANI (@ANI) November 29, 2024
House adjourned for the… pic.twitter.com/10gi18wUPo
ଆଦାନୀ ପ୍ରସଙ୍ଗ ଉଠାଇଲା କଂଗ୍ରେସ- ସାଂସଦ ଗୁରୁଜିତ ସିଂ ଆଦାନୀ ପ୍ରସଙ୍ଗରେ ଆଲୋଚନା ନେଇ ଦାବି କରିଥିଲେ । ସେ କହିଥିଲେ, ଚର୍ଚ୍ଚାର ସବୁଠୁ ବଡ ବିଷୟ ହେଉଛି ଆଦାନୀ । ତାଙ୍କ ଉପରେ ଭ୍ରଷ୍ଟାଚାର ଅଭିଯୋଗ ପରେ ତାଙ୍କ ସହ ଅନେକ ଦେଶ ଚୁକ୍ତିନାମା ସମାପ୍ତ କରିଛନ୍ତି । ଏଥିରେ ଭାରତର ଛବି ଖରାପ ହେଉଛି । ସଂସଦରେ ଏହା ଉପରେ ଆଲୋଚନା ଚାହୁଁଛୁ ।
ମଣିପୁର ପ୍ରସଙ୍ଗରେ ଉଠାଇଲା ଟିଏମସି- ସାଂସଦ ସାଗରିକା ଘୋଷ ମଣିପୁର ହିଂସା ପ୍ରସଙ୍ଗରେ ଆଲୋଚନା ନେଇ ଦାବି କରିଥିଲେ । ସେ କହିଥିଲେ ଗୃହ ଚଳାଇବା ସରକାରଙ୍କ ଦାୟିତ୍ବ । ଆମେ କେବଳ ଜନତାଙ୍କ ଜରୁରୀ ମୁଦ୍ଦା ଉଠାଇଛି । ମଣିପୁରରେ ୨୦ ସପ୍ତାହ ହେବ ଅଶାନ୍ତି ଲାଗି ରହିଛି । ପ୍ରଧାନମନ୍ତ୍ରୀ ଦିନେ ବି ମଣିପୁର ଗସ୍ତ କରିନାହାନ୍ତି । ମଣିପୁର କଣ ଭାରତର ଅଂଶ ନୁହେଁ । ସରକାର ଏହି ପ୍ରସଙ୍ଗ କାହିଁକି ଶୁଣୁନାହାନ୍ତି ।
ହଙ୍ଗାମା ଭିତରେ ୧୨ଟା ଯାଏ ଲୋକସଭା ମୁଲତବୀ- ରାଜ୍ୟସଭାରେ ହଙ୍ଗାମା ଭିତରେ ବି ଲୋକସଭାରେ ବିରୋଧୀଙ୍କ ହୋହାଲ୍ଲା ହୋଇଥିଲା । ଫଳରେ ଅପରାହ୍ନ ୧୨ଟା ଯାଏ ଲୋକସଭାକୁ ମୁଲତବୀ ଘୋଷଣା କରିଥିଲେ ବାଚସ୍ପତି ଓମବିର୍ଲା । ବାରମ୍ବାର ଗୃହ ଚଳାଇବାକୁ ବାଚସ୍ପତି ଆଗ୍ରହ୍ୟ କରିବା ପରେ ବି ଶୁଣି ନଥିଲେ ବିରୋଧୀ ।
