ଖପ୍ରାଖୋଲ,୨।୯ ନିଖୋଜ ଥିବା ମହିଳାଙ୍କ ମୃତଦେହ ଡ୍ୟାମ ନିକଟ ନାଳରୁ ଉଦ୍ଧାର ହୋଇଛି। ମହିଳା ଜଣକ ହେଲେ ଖପ୍ରାଖୋଲ ଥାନା ଅନ୍ତର୍ଗତ ମହୁରୁଣ୍ଡି ଗ୍ରାମର ଆଳ୍ଲାଦିନି ସାହାଣୀ ।
ଖପ୍ରାଖୋଲ ଥାନା ଅନ୍ତର୍ଗତ ମହୁରୁଣ୍ଡି ଗ୍ରାମର ଆଳ୍ଲାଦିନି ସାହାଣୀ (୩୫) ନିଖୋଜ ହୋଇଥିବା ନେଇ ଥାନାରେ ଅଭିଯୋଗ ହୋଇଥିଲା । ଶନିବାର ଦିନ ମହୁରୁଣ୍ଡି ଡ୍ୟାମ ନିକଟ ଏକ ନାଳରେ ଅନିରୁଦ୍ଧ ସାହାଣୀଙ୍କ ସ୍ତ୍ରୀ ଆଲ୍ଲାଦିନି ସାହାଣୀଙ୍କ ମୃତଦେହ ପଡ଼ିଥିବା ଗ୍ରାମର କିଛି ବ୍ୟକ୍ତି ଦେଖିବାକୁ ପାଇ ପୋଲିସକୁ ଖବର ଦେଇଥିଲେ । ପୋଲିସ ଘଟଣା ସ୍ଥଳରେ ପହଞ୍ଚି ମାଜିଷ୍ଟେ୍ରଟଙ୍କ ଉପସ୍ଥିତିରେ ମୃତଦେହକୁ ଜବତ କରି ବ୍ୟବଛେଦ ପାଇଁ ପଠାଇଛି। ପୋଲିସ ଏକ ମାମଲା ରୁଜୁ କରି ଘଟଣାର ଅଧିକ ତଦନ୍ତ କରୁଛି।