ଭୁବନେଶ୍ଵର, ୨୦/୦୪ : ମୋବାଇଲ୍ରେ ବ୍ୟସ୍ତ ଥିବା ବେଳେ ଧକ୍କା ଦେଲା ଟ୍ରେନ୍। ଚାଲିଗଲା ଯୁବକଙ୍କ ଜୀବନ। ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ଅନୁଗୁଳ -ସୁକିନ୍ଦା ନୂତନ ରେଳପଥର ମହୁପାଳ ଗାଁ ନିକଟରେ ଏହି ଘଟଣା ଘଟିଛି। ଟ୍ରେନ୍ ଧକ୍କାରେ ଜଣେ ଯୁବକ ପ୍ରାଣ ହରାଇଛନ୍ତି।
ସୂଚନାନୁଯାୟୀ, ବଡ଼ସୁଆଁଳୋ ପଞ୍ଚାୟତ ଅନ୍ତର୍ଗତ ମହୁପାଳ ଗାଁର ଗିରିଶ ପ୍ରଧାନ ଶୌଚ ହେବା ପାଇଁ ଗାଁ ପାଖ ଟ୍ରେନ ଲାଇନ ନିକଟକୁ ଯାଇଥିଲେ। ସେ ମୋବାଇଲ୍ରେ ବ୍ୟସ୍ତ ଥିବା ବେଳେ ଟ୍ରେନ୍ ଆସୁଥିବା ନେଇ ଜାଣି ପାରିନଥିଲେ। ଫଳରେ ଟ୍ରେନ୍ଟି ତାଙ୍କୁ ଧକ୍କା ଦେଇଥିଲା। ଏହି ଦୁର୍ଘଟଣାରେ ଗିରିଶଙ୍କ ମୃତ୍ୟୁ ହୋଇଛି। ପୋଲିସ ପହଞ୍ଚି ମୃତଦେହକୁ ଜବତ କରି ତଦନ୍ତ ଜାରି ରଖିଛି। ଅସାବଧାନତା କାରଣରୁ ତାଙ୍କର ମୃତ୍ୟୁ ହୋଇଥିବା ପରିବାର ଲୋକେ ପ୍ରକାଶ କରିଛନ୍ତି।
ଏହି ଖବରଟିକୁ ପଢନ୍ତୁ-ନଦୀ କୂଳରୁ ନିଖୋଜ ମହିଳାଙ୍କ କଙ୍କାଳ ଉଦ୍ଧାର, ସ୍ଵାମୀ ଅଟକ
