ଭୁବନେଶ୍ଵର, ୨୮/୦୪ : ଟ୍ଵିନ୍ ସିଟିକୁ ରେଡ୍ ଆଲର୍ଟ। କଟକ ଓ ଭୁବନେଶ୍ଵରରେ ଅତି ଭୀଷଣ ଗ୍ରୀଷ୍ମ ପ୍ରବାହ ଜାରି। ଦିନ ସାଢେ ୧୧ଟା ସୁଦ୍ଧା ୪୧ ଡିଗ୍ରୀ ଟପିଲା ଭୁବନେଶ୍ଵର। ରାଜଧାନୀରେ ସର୍ବାଧିକ ୪୧.୬° ତାପମାତ୍ରା ରେକର୍ଡ। ତା ତଳକୁ ରହିଛି ବାଲେଶ୍ଵର। ଏଠାରେ ୪୦.୭ ଡିଗ୍ରୀ ତାପମାତ୍ରା ରେକର୍ଡ ହୋଇଛି। 

ସେହିପରି ଚାନ୍ଦବାଲିରେ ୪୦.୨ ଡିଗ୍ରୀ, କେନ୍ଦୁଝରରେ ୪୦ ଡିଗ୍ରୀ, ଝାରସୁଗୁଡାରେ ୩୯.୫°, ସମ୍ବଲପୁରରେ ୩୯.୪°, ରାଉରକେଲାରେ ୩୯.୪°, ହୀରାକୁଦରେ ୩୭.୮°C, ପୁରୀରେ ୩୪.୨°, ଗୋପାଳପୁରରେ ୩୩.୫°, ପାରାଦୀପରେ ୩୩.୪° ରେକର୍ଡ ହୋଇଛି। 

ସୂଚନା ଥାଉକି, ଆଗକୁ ରାଜଧାନୀରେ ୪୬ ଡିଗ୍ରୀ ଛୁଇଁବା ନେଇ ଆଶଙ୍କା କରାଯାଉଛି। ଉପକୂଳରୁ ପଶ୍ଚିମ, ଉତ୍ତର, ଦକ୍ଷିଣ ଆଉ ଆଭ୍ୟନ୍ତରୀଣ ସାରା ଓଡ଼ିଶା ଜଳୁଛି।