ନୂଆଦିଲ୍ଲୀ,୨୭/୦୪: ଦିଲ୍ଲୀର ଅରୁଣ ଜେଟଲି ଷ୍ଟାଡୟମରେ ଆଇପିଏଲ୍ର ୪୩ତମ ମୁକାବିଲାରେ ମୁହାଁମୁହିଁ ହୋଇଛନ୍ତି ମୁମ୍ବାଇ ଓ ଦିଲ୍ଲୀ କ୍ୟାପିଟାଲ୍ସ। ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା ମୁମ୍ବାଇ। ତେବେ ମଇଦାନକୁ ପ୍ରଥମେ ଓହ୍ଲାଇଥିବା ଦିଲ୍ଲୀ ନିର୍ଦ୍ଧାରିତ ଓଭରରେ ୪ ଓ୍ବିକେଟ ହରାଇ ୨୫୭ ରନ୍ କରିଛି । ପ୍ରଥମେ ବ୍ୟାଟିଂ କରିବାକୁ ଆସିଥିବା ଦିଲ୍ଲୀ ପକ୍ଷରୁ ଓପନର୍ ଜ୍ୟାକ୍ ଫ୍ରେଜର ମ୍ୟାକଗର୍କ ୨୭ ଟି ବଲରେ ୮୪ ରନ୍ ଅର୍ଦ୍ଧଶତକୀୟ ଇନିଂସ ଖେଳିଥିଲେ।
ଏହି ବ୍ୟାଟର ତାଙ୍କ ଇନିଂସରେ ୧୧ ଚୌକା ଓ ୬ ଛକା ମାରିଥିଲେ। ଏହା ବ୍ୟତୀତ ଟ୍ରିଷ୍ଟନ ଷ୍ଟବ୍ସ ୨୫ ବଲରେ ୪୮ ରନ୍ କରିଥିଲେ। ୧୭ ଟି ବଲରେ ୪୧ ରନ୍ର ଚମତ୍କାର ଇନିଂସ ଖେଳିଥିଲେ। ଅଭିଷେକ ପୋରେଲ ୨୭ ବଲରେ ୩୬ ରନ୍ ସଂଗ୍ରହ କରିଥିଲେ। ଦିଲ୍ଲୀ କ୍ୟାପିଟାଲ୍ସ ଅଧିନାୟକ ଋଷଭ ପନ୍ତ ୧୯ ଟି ବଲରେ ୨୯ ରନ୍ ସଂଗ୍ରହ କରିଥିଲେ। ଏବେ ମୁମ୍ବାଇ ୨୫୮ ରନ୍ର ବିଜୟ ଲକ୍ଷ୍ୟକୁ ପିଛା କରି ମଇଦାନକୁ ଓହ୍ଲାଇଛି।
