ଆଠଗଡ,୩୦।୪: ଆଠଗଡ଼ର ଚକ୍ରଗର ଗାଁରେ ଅବକାରୀ ବିଭାଗର ଚଢାଉ। ବେଆଇନ ଭାବରେ ପକ୍ରିୟାକରଣ କରାଯାଉଥିବା ମଦକୁ ଜବତ କରିଛି ଅବକାରୀ ବିଭାଗ। ଚଢାଉ ବେଳେ ପ୍ରାୟ ୬୯୬୫ ଲିଟର ପୋଚ ଓ ୮୭୫ ଲିଟର ଦେଶୀ ମଦ ଜବତ କରାଯାଇଛି। ଏହାଛଡା ଦେଶୀ ମଦ ତିଆରିରେ ବ୍ୟବହୃତ ଅନ୍ୟ ଜିନିଷକୁ ମଧ୍ୟ ଜବତ କରିଛି।
ଅବକାରୀ ବିଭାଗର ଟିମ୍ ଘଟଣାସ୍ଥଳରେ ଜବତ କରିଥିବା ସାମଗ୍ରୀକୁ ନଷ୍ଟ କରିଛି। ଏହି ମାମଲାରେ ଦୁଇ ଅଭିଯୁକ୍ତ ଘଟଣାସ୍ଥଳରୁ ଫେରାର ହୋଇଯାଇଛନ୍ତି। ତେବେ ସେମାନଙ୍କ ବିରୋଧରେ ମାମଲା ରୁଜୁ କରାଯାଇଛି। ଚଢାଉ ବେଳେ ଆଠଗଡ ରେଞ୍ଜର ଆଇଆଇସି, ଓଆଇସି, ନରସିଂହପୁର ଏକ୍ସାଇଜ୍ ଷ୍ଟେସନ୍ ଓ ଏଏସ୍ଆଇ ଏବଂ ଅନ୍ୟ ଷ୍ଟାଫ୍ମାନେ ସାମିଲ ଥିଲେ।
