ଇସଲାମାବାଦ – ବର୍ତ୍ତମାନ ସମୟରେ ଇରାନ-ଇସ୍ରାଏଲ ଇତ୍ତେଜିତ ସ୍ଥିତିରେ। ଏ ଭିତରେ ଇସ୍ରାଏଲକୁ ଖୋଲା ଧମକ ଦେଇଛି ଇରାନ। କହିଛି ଯଦି ଇସ୍ରାଏଲ ଆକ୍ରମଣ କରେ ତ ତାର ଚିହ୍ନବର୍ଣ୍ଣ ହଜିଯିବ। ପାକିସ୍ତାନକୁ ନିଜର ତିନି ଦିବସୀୟ ଗସ୍ତ ବେଳେ ଇରାନର ରାଷ୍ଟ୍ରପତି ଇବ୍ରାହିମ ରାୟସି , ଇସ୍ରାଏଲକୁ ଏମିତି କହି ଟାର୍ଗେଟ କରିଛନ୍ତି।
ଇବ୍ରାହିମ ରାୟସି କହିଛନ୍ତି , ଇରାନୀ କ୍ଷେତ୍ରରେ ହମଲାରେ ବିପଜ୍ଜନକ ପରିବର୍ତ୍ତନ ଆସିବ ଏବଂ ସେ ନିଶ୍ଚିତ ହୋଇ ପାରିବ ନାହିଁ କି ଜାୟୋନିବାଦୀଙ୍କ ପାଖରେ କିଛି ରହିବ ନା ନାହିଁ। ରାୟସି ଜୋର ଦେଇ କହିଛନ୍ତି, ଯଦି ଇରାନ ଉପରେ ହମଲା ହୁଏ ତ ଇସ୍ରାଏଲର ଚିହ୍ନବର୍ଣ୍ଣ ହଜିଯିବ। ଇରାନ ସ୍ଥିତ ମେହର ନ୍ୟୁଜ୍ର ରିପୋର୍ଟ ଅନୁସାରେ , ଇବ୍ରାହିମ୍ ରାୟସି , ଯିଏକି ସୋମବାର ନିଜ ଯାତ୍ରା ଆରମ୍ଭ କରିଥିଲେ , ଲାହୋର ବିଶ୍ୱବିଦ୍ୟାଳୟରେ ଏହା କହିଛନ୍ତି।
ଇବ୍ରାହିମ୍ ରାୟସି କହିଛନ୍ତି , ଯଦି ଜାୟୋନି ଶାସନ ପୁଣି ଥରେ ଭୁଲ୍ କରେ ଏବଂ ଇରାନର ପବିତ୍ର ଭୂମିରେ ହମଲା କରେ , ତ ସ୍ଥିତି ଅଲଗା ପ୍ରକାରର ହେବ ଏବଂ ଏହା ସ୍ପଷ୍ଟ ନୁହେଁ ଯେ ଏହି ଶାସନର କିଛି ବଳକା ରହିବ ନା ନାହିଁ । ରାୟସି କହିଛନ୍ତି, ୧୩ ଅପ୍ରେଲରେ ଇସ୍ରାଏଲ ଉପରେ ତେହରାନର ଜବାବୀ ହମଲା, ୧ ଅପ୍ରେଲରେ ଇରାନୀ ବାଣିଜ୍ୟ ଦୂତାବାସ ଉପରେ ହମଲାର ଜବାବ ଦେଇ ଦେଶ ଦଣ୍ଡିତ କରିଛି।
ସେ ଆହୁରି କହିଛନ୍ତି , ମହାନ ଇରାନୀ ରାଷ୍ଟ୍ର ଡାମାସ୍କସ ଠାରେ ଇରାନୀ ବାଣିଜ୍ୟ ଦୂତାବାସ ଉପରେ ହମଲା ପାଇଁ , ଜାୟୋନି ଶାସନକୁ ଦଣ୍ଡିତ କରିଛି, ଯାହା ସବୁ ଅନ୍ତରାଷ୍ଟ୍ରୀୟ ଆଇନ ବିରୋଧରେ ଥିଲା। ୧୩ ଅପ୍ରେଲର ହମଲାକୁ , ଇରାନ ୧ ଅପ୍ରେଲରେ ଡାମାସ୍କସରେ ନିଜର ଦୂତାବାସ ପରିସରରେ ଇସ୍ରାଏଲର ଘାତକ ହମଲାର ପ୍ରତିଶୋଧକୁ ଦର୍ଶାଇଛି , ଆଉ ଇସ୍ରାଏଲକୁ ଟାର୍ଗେଟ୍ କରି ମିସାଇଲ ଓ ଡ୍ରୋନ୍ରେ ହମଲା କରିଥିଲା ବୋଲି କହିଛି। ଏଥରେ ଅଧିକାଂଶ ଅସ୍ତ୍ରଶସ୍ତ୍ରକୁ ରୋକି ଦିଆଯିବା ସହ ନିଷ୍କ୍ରିୟ କରି ଦିଆ ଯାଇଥିଲା।
ରୟଟର୍ସର ରିପୋର୍ଟ ମୁତାବିକ , ଶୁକ୍ରବାର ଇରାନୀ ସହର ଇସଫହାନରେ ଇସ୍ରାଏଲ ଦ୍ୱାରା କରାଯାଇ ଥିବା ବିସ୍ଫୋରଣର ଶବ୍ଦ ଶୁଭୁଥିଲା, କିନ୍ତୁ ଇରାନ ହମଲାକୁ କମ୍ ମହତ୍ତ୍ୱ ଦେଇ କହିଛି ସେ ଜବାବୀ କାର୍ଯ୍ୟାନୁଷ୍ଠାନ ନେବ ନାହିଁ।