ନୂଆଦିଲ୍ଲୀ, ୧୯/୦୪ : ଆରମ୍ଭ ହୋଇଯାଇଛି ଗଣତନ୍ତ୍ରର ସବୁଠୁ ବଡ଼ ମହାପର୍ବ। ୨୧ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ଚାଲିଛି ଭୋଟ୍। ୧୦୨ ଆସନରେ ପ୍ରାର୍ଥୀଙ୍କ ଭାଗ୍ୟ କରୁଛନ୍ତି ଭୋଟର। ତେବେ ଦିନ ୧୧ଟା ସୁଦ୍ଧା ତ୍ରିପୁରା ଓ ମେଘାଳୟରେ ସର୍ବାଧିକ ମତଦାନ ହୋଇଛି।
ସୂଚନାନୁଯାୟୀ, ଦିନ ୧୧ଟା ସୁଦ୍ଧା ଆଣ୍ଡାମାନ ନିକୋବରରେ ୨୧.୮୨% ମତଦାନ ହୋଇଛି। ସେହିଭଳି ଅରୁଣାଚଳପ୍ରଦେଶରେ ୧୮.୭୪%, ଆସାମରେ ୨୭.୨୨%, ବିହାରରେ ୨୦.୪୨%, ଛତିଶଗଡ଼ରେ ୨୮.୧୨%, ଜାମ୍ମୁ କାଶ୍ମୀରରେ ୨୨.୬୦%, ଲାକ୍ଷାଦ୍ଵୀପରେ ୧୬.୩୩%, ମଧ୍ୟପ୍ରଦେଶରେ ୩୦.୪୬%, ମହାରାଷ୍ଟ୍ରରେ ୧୯.୧୭%, ମଣିପୁରରେ ୨୮.୧୯%, ମେଘାଳୟରେ ୩୨.୬୧%, ମିଜୋରାମରେ ୨୬.୫୬%, ନାଗାଲାଣ୍ଡରେ ୨୨.୮୨%, ପୁଡୁଚେରୀରେ ୨୮.୧୦%, ରାଜସ୍ଥାନରେ ୨୨.୫୧%, ସିକିମରେ ୨୧.୨୦%, ତାମିଲନାଡୁରେ ୨୩.୭୨%, ତ୍ରିପୁରାରେ ୩୪.୫୪%, ଉତ୍ତରପ୍ରଦେଶରେ ୨୫.୨୦%, ଉତ୍ତରାଖଣ୍ଡରେ ୨୪.୮୩%, ପଶ୍ଚିମବଙ୍ଗରେ ୩୩.୫୬% ଭୋଟିଂ ହୋଇଛି।
ସେପଟେ କୁଚବିହାରରେ ଏକ ଅଘଟଣ ଘଟିଛି। ବେଲତଲା ଅଞ୍ଚଳରେ ଏକ ସ୍କୁଲରେ ନିର୍ବାଚନ ଡ୍ୟୁଟିରେ ଥିବା ଜଣେ ବିଏସଏଫ ଯବାନଙ୍କ ମୃତ୍ୟୁ ହୋଇଛି। ମୃତ ଯବାନ ଜଣଙ୍କ ହେଉଛନ୍ତି ନିଲେସ କୁମାର। ଗତକାଲି ବିଳମ୍ବିତ ରାତିରେ ତାଙ୍କର ସ୍ଵାସ୍ଥ୍ୟାବସ୍ଥା ହଠାତ୍ ବିଗିଡ଼ି ଯାଇଥିଲା। ଏହାପରେ ତାଙ୍କୁ ଜିଲ୍ଲା ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି।
Also Read :-
ମତଦାନ କେନ୍ଦ୍ରରେ ପହଞ୍ଚି ଭୋଟ୍ ଦେଲେ ସାଉଥ୍ ଫିଲ୍ମର ଅଭିନେତା, ରଜନୀକାନ୍ତଙ୍କ ପାଇଁ ଲାଗିଲା ପ୍ରବଳ ଗହଳି