ସୋନପୁର: କଂଗ୍ରେସରୁ ଇସ୍ତଫା ଦେବା ପରେ ଆଜି ବିଜେପିରେ ସାମିଲ ହୋଇଛନ୍ତି ପୂର୍ବତନ ହକି ଖେଳାଳି ପ୍ରବୋଧ ତିର୍କୀ ।ସୋନପୁରରେ ଆୟୋଜିତ ଅମିତ ଶାହଙ୍କ ସଭାରେ ପଦ୍ମ ଧରିଛନ୍ତି ପ୍ରବୋଧ । ଏହି ସମୟରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ରାଜ୍ୟ ବିଜେପି ସଭାପତି ମନମୋହନ ସାମଲ, ବିରୋଧୀ ଦଳ ନେତା ଜୟନାରାୟଣ ମିଶ୍ର ପ୍ରମୁଖ ଉପସ୍ଥିତ ଥିଲେ । 

ଓଡ଼ିଶା ଆସୁଛନ୍ତି ରାଜନୀତିର ଚାଣକ୍ୟ ଅମିତ ଶାହ

ସେପ୍ଟେମ୍ବର ୪ , ୨୦୨୩ରେ କଂଗ୍ରେସରେ ସାମିଲ ହୋଇଥିବା ପ୍ରବୋଧ ତିର୍କୀଙ୍କୁ ଦଳ ଚଳିତ ନିର୍ବାଚନରେ ତଳସରା ବିଧାନସଭା ଆସନରୁ ପ୍ରାର୍ଥୀ କରିଥିଲା । ହେଲେ ହଠାତ ଦଳ ଏହି ଆସନରେ ପ୍ରାର୍ଥୀ ବଦଳାଇବାକୁ ନିଷ୍ପତ୍ତି ନେବା ସହ ଦେବେନ୍ଦ୍ର ଭିତରିଆଙ୍କୁ ପ୍ରାର୍ଥୀ କରିଥିଲା । କଂଗ୍ରେସ ଟିକେଟ ପାଇ ନିର୍ବାଚନ ଲାଗି ପ୍ରଚାର ଆରମ୍ଭ କରିସାରିଥିବା ପ୍ରବୋଧ ତିର୍କୀଙ୍କୁ ପରିବର୍ତ୍ତନ କରି ପୂର୍ବତନ ବିଧାୟକଙ୍କ ଭାଇଙ୍କୁ ଦଳ ପ୍ରାର୍ଥୀ କରିବା ପରେ ସେ ଭୋଭୋ ହୋଇ କାନ୍ଦିଥିଲେ । 

ନିର୍ବାଚନ ବେଳେ ମାଓ ଅଞ୍ଚଳରେ ସୁରକ୍ଷା ଚିନ୍ତା

ଅପ୍ରତ୍ୟାଶିତ ଭାବେ ଟିକେଟ୍ କାଟିବା ପ୍ରବୋଧଙ୍କୁ ବହୁତ ଆଘାତ ଦେଇଥିଲା। ତାଙ୍କ ପ୍ରତି ଏହା ଅତ୍ୟନ୍ତ ଦୁର୍ଭାଗ୍ୟର ବିଷୟ ବୋଲି ସେ କହିଥିଲେ । ଆଉ ନିଜର କ୍ଷୋଭ ପ୍ରକାଶ କରି ଏପ୍ରିଲ ୨୧ରେ ଦଳ ଛାଡ଼ିଥିଲେ ପ୍ରବୋଧ ତିର୍କୀ। ଆଉ ଆଜି ବିଜେପିର ବରିଷ୍ଠ ନେତୃତ୍ବଙ୍କ ଉପସ୍ଥିତିରେ ପଦ୍ମ ଧରିଛନ୍ତି ପ୍ରବୋଧ ତିର୍କୀ । ସୋନପୁର ବିଜେପିର ବିଜୟ ସଂକଳ୍ପ ସଭାରେ ପ୍ରବୋଧ ପଦ୍ମ ଶିବିରରେ ଯୋଗ ଦେଇଛନ୍ତି ।