ଭୁବନେଶ୍ଵର, ୦୭/୦୫ : ରାଜଧାନୀରେ ହେବ ହାଇ ଭୋଲଟେଜ ପ୍ରଚାର। ଆସନ୍ତା ୧୦ ତାରିଖରେ ଭୁବନେଶ୍ଵରରେ ରୋଡ ଶୋ' କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସନ୍ଧ୍ୟା ୬ଟାରେ ରୋଡ ଶୋ' ହେବ। ମାଷ୍ଟର କ୍ୟାଣ୍ଟିନରୁ ବାଣୀବିହାର ପର୍ଯ୍ୟନ୍ତ ହେବ ରାଲି କରିବେ ମୋଦି। ଏହି ରୋଡ ଶୋ’ରେ ଯୋଗ ଦେବାକୁ ଅପରାଜିତା ଷଡ଼ଙ୍ଗୀ ଅପିଲ କରିଛନ୍ତି। ଅଡିଓ ବାର୍ତ୍ତା ମାଧ୍ୟମରେ ସେ ଲୋକମାନଙ୍କୁ ଅପିଲ କରିଛନ୍ତି।

ମତଦାନ ତାରିଖ ପାଖେଇ ଆସୁଛି । ପ୍ରଚାର ଜୋର୍‌ ଧରିବାରେ ଲାଗିଲାଣି । ସବୁ  ପ୍ରମୁଖ ଦଳଙ୍କ ପ୍ରଚାରକୁ ଜୋରଦାର୍ କରୁଛନ୍ତି । ଏହି ପରିପ୍ରେକ୍ଷୀରେ ଆସନ୍ତା ୧୧ରେ କନ୍ଧମାଳ ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଫୁଲବାଣୀରେ ଏକ ବିଶାଳ ଜନସଭାରେ ଯୋଗ ଦେଇ  ଭୋଟ୍‌ ମାଗିବେ ପ୍ରଧାନମନ୍ତ୍ରୀ ।