ନୀଳଗିରି, ୧୦/୫ : ପବିତ୍ର ଅକ୍ଷୟ ତୃତୀୟାରେ ତୃତୀୟ ଶ୍ରୀକ୍ଷେତ୍ର ନୀଳଗିରିରେ ମହାପ୍ରଭୁଙ୍କ ରଥ ନିର୍ମାଣ କାର୍ଯ୍ୟ ଅନୁକୂଳ ହୋଇଛି। ଆଜି ବନଯାଗ ବିଧିରେ ପୂଜା କରିବେ କୁଳ ପୁରୋହିତ। ସକାଳେ ତିନି ଠାକୁରଙ୍କ ନୀତି ପୂଜା ଆରମ୍ଭ ହୋଇଥିଲା। ଏହାପରେ ଆଜ୍ଞାମାଳ ନେଇ ମଦନମୋହନ, ଭୂଦେବୀ, ଶ୍ରୀଦେବୀ, ରାମକୃଷ୍ଣ, ପଞ୍ଚୁ ପାଣ୍ଡଵ ମନ୍ଦିରରୁ ବାହାରି ରଥଦାଣ୍ଡରେ ରୀତିନୀତିରେ ପୂଜାର୍ଚ୍ଚନା ହୋଇ ହୋମ ଯଜ୍ଞ ଅନୁଷ୍ଠିତ ହୋଇଥିଲା।
ନୀଳଗିରି ରାଣୀ ପୂଜା କାର୍ଯ୍ୟରେ ରହି ବନ୍ଦାପନା କରିବା ପରେ ଅଖରେ ଚକ ଭିଡା ଯାଇଥିଲା। ଆଜି ଭଳି ଦିନରେ ବହୁ ଭକ୍ତଙ୍କ ସମାଗମ ହୋଇଥିଲେ। ଅନୁରୂପ ଭାବେ ମହିଳା ରଥ ପାଇଁ ରଘୁନାଥ ଜୀଉ ମଠ ତରଫରୁ ମଧ୍ୟ ରଥ ଅନୁକୂଳ ଆରମ୍ଭ ହୋଇଛି।