ନୂଆଦିଲ୍ଲୀ,୨୬/୦୪: ଆମେରିକା ଭିତ୍ତିକ ପ୍ରମୁଖ ଇ-ଯାନ କମ୍ପାନି ଟେସ୍ଲା ୬୦୨୦ ଲୋକଙ୍କ ନିଯୁକ୍ତି ଚାଲିଯିବ ବୋଲି ନ୍ୟୁଜ ଏଜେନ୍ସି ରୟଟର୍ସ ଏକ ରିପୋର୍ଟ ପ୍ରକାଶ କରିଛି । ଏଥିରେ କାର୍ଲିଫର୍ଣ୍ଣିଆ ପ୍ଲାଣ୍ଟର ୩୩୩୨ ଏବଂ ଟେକ୍ସାସ ପ୍ଲାଣ୍ଟର ୨୬୮୮ କର୍ମଚାରୀ ରହିଛନ୍ତି । ସେହିଭଳି ନ୍ୟୁୟର୍କ ସ୍ଥିତ ବଫେଲୋ ପ୍ଲାଣ୍ଟରେ ମଧ୍ୟ ୨୮୫ କର୍ମଚାରୀଙ୍କ ନିଯୁକ୍ତି ଚାଲିଯିବ ବୋଲି ଏହି ରିପୋର୍ଟରେ ପ୍ରକାଶ ପାଇଛି ।
କମ୍ପାନି ନୂଆ ମାର୍କେଟିଂ ଟିମ୍କୁ ୪ ମାସ ମଧ୍ୟରେ ଭାଙ୍ଗି ଦେଇଛି । ଏହି ଗ୍ଲୋବାଲ ଟିମ୍ର ନେତୃତ୍ୱ ନେଉଥିବା ସିନିଅର ମ୍ୟାନେଜର ଏଲେକ୍ସ ଇଂଗ୍ରାମ ଏବଂ ଜର୍ଜ ମିଲବର୍ଣ୍ଣଙ୍କ ସମେତ ୪୦ ଜଣିଆ ଟିମ୍କୁ କମ୍ପାନି ହଟାଇ ଦେଇଛି । କମ୍ପାନି ଏହାର ମୋଟ କର୍ମଚାରୀଙ୍କ ମଧ୍ୟରୁ ୧୦% କର୍ମଚାରୀଙ୍କୁ ବିଦା କରିବ ବୋଲି ନିକଟରେ ଏକ ରିପୋର୍ଟ ଆସିଥିଲା । ଏବେ କମ୍ପାନିରେ ମୋଟ ୧.୪୦ ଲକ୍ଷ କର୍ମଚାରୀ ଅଛନ୍ତି । ଆଗାମୀ ଦିନରେ୧୫ ହଜାର ଲୋକଙ୍କ ନିଯୁକ୍ତି ଯିବ ବୋଲି କୁହାଯାଉଛି ।