ନୂଆଦିଲ୍ଲୀ,୧୯/୧: କାରଟିଏ କିଣିବାକୁ ଅନେକଙ୍କ ସ୍ବପ୍ନ ଥାଏ । କାର୍ ପ୍ରେମୀଙ୍କ ପାଇଁ ଖୁସି ଖବର । ଆସିଗଲା ପ୍ରଥମ ସୋଲାର କାର୍ । ଦେଶରେ ଯାନବାହାନ ଇଣ୍ଡଷ୍ଟ୍ରୀରେ ଦ୍ରୁତ ଗତିରେ ପରିବର୍ତ୍ତନ ହେଉଛି । ଗୋଟିଏ ପଟେ ଇଲେକ୍ଟ୍ରିକ କାର ଦେଖିବାକୁ ମିଳୁଥିବାବେଳେ ଏବେ ଭାରତୀୟ ବଜାରରେ ସୋଲାର ପାୱାର କାରର ଏଣ୍ଟ୍ରୀ ହୋଇଛି । ଦର ବି ସୁହାଇଲା ଭଳି ରହିଛି । ମାତ୍ର ୩.୨୫ ଲକ୍ଷ ଟଙ୍କାରେ କିଣି ନିଅନ୍ତୁ ସୋଲାର କାର ।  ଭାରତୀୟ ମୋବିଲିଟି ଗ୍ଲୋବାଲ ଏକ୍ସପୋ ୨୦୨୫ରେ ଭାୟାଭା ମୋବିଲିଟି ଦେଶର ପ୍ରଥମ ସୋଲାର ପାୱାର ଇଲେକ୍ଟ୍ରି କାର ଲଞ୍ଚ କରିଛି । କାରରେ ୫୦ ପଇସାରେ ଗୋଟିଏ କିମି ରନିଙ୍ଗ କଷ୍ଟ ରହିଛି । ଏହା ସହିତ ଥରେ ଚାର୍ଜ କଲେ ୭୦ ସ୍ପିଡରେ ୨୫୦ କିମି ଚାଲିବ ବୋଲି ଦାବି କରିଛି କମ୍ପାନୀ ।

ମାତ୍ର ୮୦ ପଇସାରେ ଗଡିବ ୧କିମି- କମ୍ପାନୀ ଦାବି କରିଛି କି ମାତ୍ର ଗୋଟିଏ କିଲୋମିଟର ଯିବାକୁ ୮୦ପଇସା ଖର୍ଚ୍ଚ ହେବ । ଏହା ଦେଶର ପ୍ରଥମ ସୋଲାର ପାୱାର ଇଲେକ୍ଟ୍ରିକ କାର । ଏହା ଆଗରେ ସିଙ୍ଗଲ ସିଟ ଏବଂ ତା ପାଖକୁ ଏକ ଛୋଟ ସିଟ୍ ରହିଛି ଯେଉଁଠି ଛୋଟ ପିଲାଟିଏ ବସିପାରିବ । ଡ୍ରାଇଭିଂ ସିଟକୁ ୬ ପ୍ରକାର ଆଡଜେଷ୍ଟ କରାଯାଇପାରିବ । କାରରେ ରିଭର୍ସ ପାର୍କିଂ କ୍ୟାମେରା ମଧ୍ୟ ରହିଛି ।

ଭାୟାଭା ଇଭିଏ ସୋଲାର କାର ପ୍ରାଇସ-

ନୋଭା- ୩.୨୫ ଲକ୍ଷ ଟଙ୍କା

ଷ୍ଟେଲା-୩.୯୯ ଲକ୍ଷ ଟଙ୍କା

ଭେଗା-୪.୪୯ ଲକ୍ଷ ଟଙ୍କା

ଏହା ବି ପଢନ୍ତୁ...ଆକ୍ଟିଭା ଇ’ର ମୂଲ୍ୟ ଘୋଷଣା କଲା ହୋଣ୍ଡା, ଜାଣନ୍ତୁ କେତେ ରହିଛି ଏକ୍ସ ସୋରୁମ୍ ଦର

୪୫ ମିନିଟରେ ଫୁଲ ଚାର୍ଜ- କାରରେ ୧୮kwhର ଲିଥିୟମ-ଆୟନ ବ୍ୟାଟେରୀ ରହିଛି । ଲିକୁଇଡ ଇଲେକ୍ଟ୍ରିକ ମୋଟର ରହିଛି । ଯାହା ୧୨kwh ପାୱାର ଏବଂ ୪୦Nm ଟ୍ରାକ ଜେନେରେଟ କରିବ । କମ୍ପାନୀ ଦାବି କରିଛି କି ସିଙ୍ଗଲ ଚାର୍ଜରେ ଏହା ୨୫୦ କିମି ଚାଲିବ । ମାତ୍ର ୪୫ ମିନିଟରେ କାର ଫୁଲ ଚାର୍ଜ ହୋଇଯିବ ।