ନୂଆଦିଲ୍ଲୀ,୧୭/୦୫: ଆତଙ୍କୀସ୍ଥାନର ମୁହଁଫୁଟାଣି ଛାଡିଗଲା । ସବୁ ସତ ମାନିଲା । ମୁହଁଟାଣ ଦେଖାଉ ଥିବା ପାକିସ୍ତାନ ଶେଷରେ ମାନିଲା । ଭାରତର ଆକ୍ରମଣକୁ ସ୍ୱୀକାର କରିଛି ପାକିସ୍ତାନ । ପାକ୍ ପ୍ରଧାନମନ୍ତ୍ରୀ ଶେହବାଜ ସରିଫ୍ ପ୍ରଥର ଥର ପାଇଁ ସାର୍ବଜନିକ ରୂପରେ ଭାରତ ଦ୍ୱାରା ହୋଇଥିବା ଅପରେସନ୍ 'ସିନ୍ଦୂର' ଜରିଆରେ ରାୱଲପିଣ୍ଡର ନୂର ଏୟାରବେସ୍ ଓ ଅନ୍ୟ ସୈନ୍ୟ ଘାଟିରେ ହୋଇଥିବା ମିସାଇଲ ମାଡ଼କୁ ସ୍ୱୀକାର କରିଛନ୍ତି ।
Pakistan PM Shahbaz Sharif says, "At around 2:30 am on 10 May, General Syed Asim Munir called me on secure line and informed me that India's ballistic missiles have hit Nur Khan Airbase and other areas... Our Air Force used homegrown technology to save our country, and they even… pic.twitter.com/3QFbiij3O6
— ANI (@ANI) May 16, 2025
ନୂର ଖାନ୍ ଏୟାରବେସ୍ରେ ଭାରତର ମିସାଇଲ ମାଡ଼କୁ ସ୍ୱୀକାର କରି ଶେହବାଜ ସରିଫ୍ କହିଛନ୍ତି, '' ମେ ୯ ଓ ୧୦ ତାରିଖ ରାତି ୨ଟା ୩୦ରେ ପାକିସ୍ତାନ ଆର୍ମି ଚିଫ୍ ଅସିମ୍ ମୁନୀର ଫୋନ୍ କରିଥିଲେ । କହିଥିଲେ ଭାରତର ବାଲାଷ୍ଟିକ ମିସାଇଲ ନୂର ଏୟାରବେସ୍ ଓ ଅନ୍ୟ ସୈନ୍ୟ ଠିକଣାରେ ଆକ୍ରମଣ କରିଛି । ଆମର ବହୁତ କ୍ଷତି ହୋଇଛି । ଆମ ବାୟୁସେନା ଦେଶକୁ ବଞ୍ଚେଇବାକୁ ସ୍ୱଦେଶୀ ଟେକନିକ୍ ଆପଣେଇଥିଲା ।''
ଶେହବାଜ ସରିଫ୍ ଇସଲାମାବାଦ ସ୍ଥିତ ପାକିସ୍ତାନ ମନ୍ୟୁମେଣ୍ଟରେ ଆୟୋଜିତ ଏକ କାର୍ଯ୍ୟକ୍ରମରେ ଭାରତର ଆକ୍ରମଣକୁ ସ୍ୱୀକାର କରିଛନ୍ତି । ଭାରତର ଜବାବୀ ଆକ୍ସନରେ ବହୁ ଏୟାରବେସ୍ ଛାରଖାର ହୋଇଛି । ଭୟଙ୍କର କ୍ଷତି ସହିଥିବା ନେଇ ଶେଷରେ ମାନିଛି ପାକିସ୍ତାନ । ଶେହବାଜଙ୍କ ସ୍ୱୀକାରୋକ୍ତି ସମୟର ବୟାନ ଏବେ ସୋସିଆଲ ମିଡିଆରେ ଭାଇରାଲ ହେଉଛି ।
ଅଧିକ ପଢନ୍ତୁ...ବହୁ ପରିମାଣରେ ଜଳ ଛାଡ଼ିବାକୁ ଯାଉଛି ଭାରତ , ଏହି ପ୍ରୋଜେକ୍ଟକୁ ନେଇ ଭୟରେ ପାକିସ୍ତାନ
କହି ରଖୁଛି କି, ଏପ୍ରିଲ ୨୨ରେ ପହଲଗାମ ବୈସନର ଘାଟିରେ ହୋଇଥିବା ଆତଙ୍କୀ ଆକ୍ରମଣରେ ୨୬ ନୀରିହ ପର୍ଯ୍ୟଟକଙ୍କର ମୃତ୍ୟୁ ହୋଇଥିଲା । ଏଥିରେ ଜଣେ ନେପାଳୀ ନାଗରିକ ଥିଲେ । ପହଲଗାମ ଆତଙ୍କୀ ଆକ୍ରମଣ ସାରା ଦେଶକୁ ଦୋହଲାଇ ଦେଇଥିଲା । ଧର୍ମ ପଚାରି ସ୍ତ୍ରୀ ଆଗରେ ସ୍ୱାମୀକୁ ଗୁଳି ଚଳାଇଥିଲେ ଆତଙ୍କବାଦୀ । ଏହି ଆକ୍ରମଣର ପ୍ରତିଶୋଧ ନେବାକୁ କ୍ରୋଧର ନିଆଁରେ ଜଳୁଥିଲେ ଦେଶବାସୀ । ଶେଷରେ ମେ ୬ ବିଳମ୍ବିତ ରାତିରେ ଭାରତୀୟ ସେନାର ଅପରେସନ୍ 'ସିନ୍ଦୂର' ଆରମ୍ଭ ହୋଇଥିଲା । ଲୁହ-ଲହୁର ହିସାବ ନେଇଥିଲା ଭାରତ । ପାକିସ୍ତାନ ଓ ପିଓକେ ସମେତ ୯ଟି ଆତଙ୍କୀ ଆଡ୍ଡାରେ ମିସାଇଲ ମାଡ଼ କରି ମାଟିରେ ମିଶାଇ ଦେଇଥିଲେ ଭାରତୀୟ ସେନା । ଏଥିରେ ୧୦୦ ଆତଙ୍କୀ ନିପାତ ହୋଇଥିଲେ । ପାକିସ୍ତାନର ଏକାଧିକ ଏୟାରବେସ୍କୁ ଧ୍ୱଂସ ହୋଇଥିଲା । ସରଗୋଡ଼ା, ରହିମ ଏୟାର ଖାନ୍ ଓ ନୂର ଖାନ୍ ସମେତ ଏକାଧିକ ଏୟାରବେସ୍ ଛାରଖାର ହୋଇଥିଲା ।
