ଇସଲାମାବାଦ : ପହଲଗାମ ଆତଙ୍କୀ ହମଲାର ପରଦିନ ହିଁ ଭାରତ ପାକିସ୍ତାନ ଉପରେ ନେଇଥିବା ଦୃଢ କାର୍ଯ୍ୟାନୁଷ୍ଠାନ। ୬ ଦଶକରୁ ଚାଲି ଆସୁଥିବା ସିନ୍ଧୁ ଜଳ ଚୁକ୍ତିକୁ ରୋକିବାକୁ କରିଥିବା ଘୋଷଣା। ଏବେ ସୁଦ୍ଧା ଏହି ଚୁକ୍ତିର କୌଣସି ବିଶେଷ ପ୍ରଭାବ ପାକିସ୍ତାନ ଉପରେ ଦେଖିବାକୁ ମିଳିନାହିଁ ,କାରଣ ସିନ୍ଧୁ ସମେତ ସବୁ ନଦୀ ଜଳର ପ୍ରବାହକୁ ବଦଳାଇବା ପାଇଁ କୌଣସି ନୂଆ ବ୍ୟବସ୍ଥା କରାଯାଇ ନାହିଁ। କିନ୍ତୁ ଭାରତ ଯେଉଁ ଭଳି ନୂଆ ପ୍ରକଳ୍ପ ଉପରେ ଜୋରସୋରରେ କାମ ଆରମ୍ଭ କରି ଦେଇଛି , ଏଥିରେ ପାକିସ୍ତାନରେ ଭୟର ସ୍ଥିତି ରହିଛି। ଏହି ମଧ୍ୟରେ ପାକିସ୍ତାନୀ ଖବରକାଗଜ ଡନ୍ ଚିନ୍ତା ବ୍ୟକ୍ତ କରିଛି ଯେ, ଭାରତ ପକ୍ଷରୁ ଚେନାବ ନଦୀ ଉପରେ ନିର୍ମିତ ରଣବୀର କେନାଲର ଲମ୍ୱ ଦୁଇ ଗୁଣା କରାଯାଇ ପାରେ। ବର୍ତ୍ତମାନ ଏହି କେନାଲର ଲମ୍ୱ ୧୨୦ କିଲୋମିଟର। ପାକିସ୍ତାନକୁ ଭୟ ଘାରିଛି ଯେ, ଯଦି ଏହି ପ୍ରକଳ୍ପକୁ ପୂରା କରାଯାଏ ତ ଏଠାରେ ତାର ପାଣିର ଅଭାବ ହୋଇଯିବ।
ଡନ୍ ରୟଟର୍ସ ଅନୁସାରେ, ଯେଉଁ ଖବର ପ୍ରକାଶିତ କରିଛି, ଏହାର ଶୀର୍ଷକ-ନୂଆ ସିନ୍ଧୁ ନଦୀ ପ୍ରୋଜେକ୍ଟର ମାଧ୍ୟମରେ ପାକିସ୍ତାନର ୱାଟର ସପ୍ଲାଇ ହ୍ରାସ କରିବାର ପ୍ଲାନ। ଏହି ଖବରର ସୂତ୍ରାନୁସାରେ କୁହାଯାଇଛି ଯେ, ଯଦି ଚେନାବ ନଦୀରେ ଏହି କେନାଲକୁ ବଢାଇ ଦିଆଯାଏ , ଭାରତ ପ୍ରତି ସେକେଣ୍ଡ ୧୫୦ କ୍ୟୁବିକ୍ ମିଟର ପାଣିକୁ ଡାଇଭର୍ଟ କରି ପାରିବ। ବର୍ତ୍ତମାନ ୪୦ କ୍ୟୁବିକ୍ ମିଟରର ପାଣି ହିଁ ଡାଇଭର୍ଟ ହୋଇଥାଏ। ଚେନାବ ନଦୀର ଜଳର ପାକିସ୍ତାନର ପଞ୍ଜାବରେ ବଡ଼ ସ୍ତରରେ କୃଷିକାର୍ଯ୍ୟ ଓ ଜଳ ସେଚନରେ ବ୍ୟବହାର ହୋଇଥାଏ। ପାକିସ୍ତାନର ସୂତ୍ରାନୁସାରେ, ଭାରତରେ ଅସ୍ତ୍ର ବିରତି ପରେ ମଧ୍ୟ ଏହା ଉପରେ ମାନସ ମନ୍ଥନ ଚାଲିଛି। ଡନ୍ର ଖବରରୁ ବୁଝାପଡ଼େ କି ପାକିସ୍ତାନରେ ଏହି କେନାଲର ବିସ୍ତାର ପ୍ରୋଜେକ୍ଟରେ କେମିତି ଚିନ୍ତାଜନକ ସ୍ଥିତି ଅଛି।
କହି ରଖୁଛୁ କି, ଏବେସୁଦ୍ଧା ଭାରତ ଏହି କେନାଲର ବିସ୍ତାରକୁ ନେଇ କୌଣସି ଟିପ୍ପଣୀ କରି ନାହିଁ, କିନ୍ତୁ ରୟଟର୍ସ ଖବରର ଆଧାରରେ ହିଁ ପାକସ୍ତାନରେ ଭୟର ସ୍ଥିତି ରହିଛି। କହି ରଖୁଛୁ କି, ବିଦେଶ ମନ୍ତ୍ରୀ ଏସ.ଜୟଶଙ୍କର ଗୁରୁବାର ମଧ୍ୟ କହିଥିଲେ ଯେ, ଯେବେ ସୁଦ୍ଧା ପାକସ୍ତାନର ଆତଙ୍କବାଦର ନୀତି ଜାରି ରହିବ, ସେପର୍ଯ୍ୟନ୍ତ ସିନ୍ଧୁ ଜଳ ଚୁକ୍ତି ଉପରେ ରୋକ୍ ଲାଗିବ।
ପାକିସ୍ତାନ ଏହି ଚୁକ୍ତିକୁ ରୋକିବା ଯୋଗୁଁ ଖୁବ୍ ବିଚଳିତ ଅଛି। ତାର କହିବା ହେଲା କି, ଯଦି ପାଣିକୁ ଡାଇଭର୍ଟ କରାଯାଏ ତ ପୁଣି ଏହି ଯୁଦ୍ଧ ଭଳି କାର୍ଯ୍ୟ ହେବ।
ସୂଚନା ଯେ, ସିନ୍ଧୁ ଏବଂ ଏହାର ସହାୟତ ନଦୀ ଗୁଡ଼ିକର ଜଳରେ ହିଁ ପାକିସ୍ତାନର ୮୦ ପ୍ରତିଶତ ଜଳସେଚନ ଉପରେ ନିର୍ଭର କରିଥାଏ। ସୂଚନାକାରୀଙ୍କ କହିବାନୁସାରେ , ଭାରତ ପକ୍ଷରୁ ଡ୍ୟାମ୍ , କେନାଲ ଆଦି ତିଆରି କରିବାରେ ସମୟ ଲାଗିବ। ଏଥିରେ ସିନ୍ଧୁ ଜଳ ଚୁକ୍ତିର ପ୍ରଭାବ ମଧ୍ୟ ପାକିସ୍ତାନକୁ ବର୍ଷ ବର୍ଷ ପରେ ନଜର ଆସିବ।
