ନୂଆଦିଲ୍ଳୀ,୨୩।୫: ଗୁରୁବାର ଦିଲ୍ଲୀରେ ଆୟୋଜିତ ହୋଇଥିବା 'ମହିଳା ନ୍ୟାୟ ସମ୍ବାଦ'ରେ କଂଗ୍ରେସ ସାଂସଦ ରାହୁଲ ଗାନ୍ଧୀ ଏକ ବଡ଼ ଘୋଷଣା କରିଛନ୍ତି। ସେ କହିଛନ୍ତି, ମରାଜ୍ୟସଭା, ଲୋକସଭା ଏବଂ ବିଧାନସଭାରେ ମହିଳାମାନଙ୍କୁ ସମାନ ସ୍ଥାନ ଦିଆଯିବ। ସେଠାରେ ୫୦% ମହିଳା ରୁହନ୍ତୁ ତାହା ଆମେ ଚାହୁଁ। ସେଭଳି ସରକାରୀ ଚାକିରିରେ ମହିଳା ଙ୍କୁ ୫୦ ପ୍ରତିଶତ ସଂରକ୍ଷଣ ଦିଆଯିବ। ମହିଳାମାନେ ଅଂଶଗ୍ରହଣ ନକଲେ ଏହି ଦେଶ ଅଗ୍ରଗତି କରିପାରିବ ନାହିଁ ବୋଲି କହିଛନ୍ତି ରାହୁଲ।
ଉତ୍ତର-ପଶ୍ଚିମ ଦିଲ୍ଲୀର କଂଗ୍ରେସ ପ୍ରାର୍ଥୀ ଉଦିତ ରାଜଙ୍କୁ ଭୋଟ୍ ଦେବାକୁ ଆବେଦନ କରି ରାହୁଲ କହିଛନ୍ତି, ଉଭୟ ପୁରୁଷ ଓ ମହିଳା କାମ କରିବାକୁ ଯାଆନ୍ତି, କିନ୍ତୁ ଯେତେବେଳେ ମହିଳା ଘରକୁ ଫେରିବେ, ସେତେବେଳେ ତାଙ୍କର ଦ୍ୱିତୀୟ ସିଫ୍ଟ ଆରମ୍ଭ ହେବ। ସେ ପିଲାମାନଙ୍କୁ ପ୍ରତିପୋଷଣ କରନ୍ତି ଏବଂ ଅସୁସ୍ଥ ହେଲେ ସେମାନଙ୍କର ଯତ୍ନ ନିଅନ୍ତି। ସେମାନେ ଗରେ ରୋଷେଇ କରନ୍ତି, ସମସ୍ତଙ୍କର ଯତ୍ନ ନିଅନ୍ତି ଏବଂ ମହିଳାମାନଙ୍କୁ ଏଥିପାଇଁ କିଛି ଦିଆଯାଏ ନାହିଁ । ସେମାନେ ଏସବୁ କିଛି ଫ୍ରି’ରେ କରନ୍ତି। ଭାରତର ପୁରୁଷ ଯଦି ୮ ଘଣ୍ଟା କାମ କରେ ତେବେ ମହିଳାମାନେ ୧୬ ଘଣ୍ଟା କାମ କରନ୍ତି।
ମହିଳା ଓ ପୁରୁଷଙ୍କ ଖର୍ଚ୍ଚର ପ୍ରଣାଳୀ ମଧ୍ୟ ଅଲଗା ଅଲଗା। ମହିଳାମାନେ ଟଙ୍କା ସଞ୍ଚୟ କରନ୍ତି, ପିଲାଙ୍କ ବିଷୟରେ ଭାବନ୍ତି, ଆଗର ପ୍ଲାନିଂ କରିଥାନ୍ତି। ମହିଳାଙ୍କ ଆର୍ଥିକ ଚିନ୍ତାଧାରା ପୁରୁଷଙ୍କ ତୁଳନାରେ ଖୁବ୍ ଭଲ। ଏହି ୮ ଘଣ୍ଟା ପାଇଁ ସରକାର ମହିଳାମାନଙ୍କୁ ଟଙ୍କା ଦେବେ। ଆମେ ଚାହୁଁନାହୁଁ ଆପଣମାନେ ମାଗଣାରେ କାମ କର, ସେଥିପାଇଁ ଆମେ 'ମହାଲକ୍ଷ୍ମୀ ଯୋଜନା' ଆଣିଛୁ। ମହାଲକ୍ଷ୍ମୀ ଯୋଜନା ଅଧୀନରେ ମାସକୁ ୮,୫୦୦ ଟଙ୍କା ଅର୍ଥାତ୍ ବର୍ଷକୁ ଏକ ଲକ୍ଷ ଟଙ୍କା ମହିଳାଙ୍କ ବ୍ୟାଙ୍କ ଆକାଉଣ୍ଟକୁ ଯିବ।