ପ୍ରମୂଖ ଖବର
  • ଅରବିନ୍ଦ କେଜ୍‌ରିଓ୍ବାଲ୍‌ଙ୍କୁ ଆଶ୍ୱସ୍ତି , ଅନ୍ତରୀଣ ଜାମିନ ପ୍ରଦାନ କଲେ ସୁପ୍ରମିକୋର୍ଟ
  • ||
  • ହେରାପଞ୍ଚମୀରେ ଆଧ୍ୟାତ୍ମିକ ପରିବେଶ: ନନ୍ଦିଘୋଷ ଭାଙ୍ଗିଲେ ମହାଲକ୍ଷ୍ମୀ, ଆଜ୍ଞାମାଳ ପାଇ ଶ୍ରୀମନ୍ଦିରକୁ ବାହୁଡ଼ିଲେ
  • ||
  • ପିଠିରେ ଯନ୍ତ୍ରଣା ଯୋଗୁଁ ଏମ୍ସରେ ଭର୍ତ୍ତି ହେଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ
  • ||
  • ଦିଲ୍ଲୀ ମଦନୀତି ସହ ମନି ଲଣ୍ଡରିଂ ମାମଲା, କେଜ୍‌ରିୱାଲଙ୍କ ପିଟିସନ ଉପରେ ସୁପ୍ରିମକୋର୍ଟରେ ଶୁଣାଣି
  • ||
  • ଆଗ ପଛ ହୋଇ ଆସିପାରେ ଦୁଇଟି ଲଘୁଚାପ: ୧୩ରୁ ବଢ଼ିବ ବର୍ଷା, ଦକ୍ଷିଣରେ ପ୍ରବଳ ଛେଚିବ
  • ||

ମୋବାଇଲରେ ଦେଖାଯିବ କଲର୍‌ଙ୍କ ନାଁ, ମୁମ୍ବାଇ, ହରିୟାଣାରେ ପରୀକ୍ଷଣ

ନୂଆଦିଲ୍ଲୀ ୧୬/୦୬: ଏବେ ଫୋନ୍‌ରେ ଅଜଣା ନମ୍ବରରୁ କଲ୍‌ ଆସିଲେ କଲର୍‌ଙ୍କ ନାଁ ଦେଖାଯିବ । ଟେଲିକମ୍‌ କମ୍ପାନିଗୁଡ଼ିକ ମୁମ୍ବାଇ ଏବଂ ହରିୟାଣାରେ ପରୀକ୍ଷାମୂଳକ ଭିତ୍ତିରେ ଏହି ସେବା ଆରମ୍ଭ କରିଛନ୍ତି । ଗଣମାଧ୍ୟମ ରିପୋର୍ଟ ଅନୁସାରେ, ଅନ୍ୟ ସହରଗୁଡ଼ିକରେ ବି ଏ ସେବା ଆରମ୍ଭ କରିବାକୁ ଯୋଜନା ରହିଛି । ଏହି ସେବାର ନାଁ କଲିଂ ନେମ୍‌ ପ୍ରେଜେଣ୍ଟେସନ୍‌(ସିଏନ୍‌ଏପି) ରଖାଯାଇଛି । ଏହା ସ୍ପାମ୍‌ ଏବଂ ଠକେଇ କଲ୍‌ଗୁଡ଼ିକୁ ରୋକିବାରେ ସହାୟକ ହେବ । 

ଇତିମଧ୍ୟରେ ଏଭଳି କଲ୍‌ ସଂଖ୍ୟା ବଢ଼ିବାରେ ଲାଗିଛି । ସରକାର ଏବଂ ଟେଲିକମ୍‌ ନିୟାମକ ଟ୍ରାଇର ଚାପ ପରେ କମ୍ପାନିଗୁଡ଼ିକ ଏହି ସେବାର ପରୀକ୍ଷଣ ଆରମ୍ଭ କରିଛନ୍ତି । ଏକ ଟେଲିକମ୍‌ କମ୍ପାନିର ଜଣେ ବରିଷ୍ଠ ଅଧିକାରୀଙ୍କ କହିବାନୁସାରେ, ସିଏନ୍‌ଏପି କିଭଳି କାର୍ଯ୍ୟ କରୁଛି, ତାହା ଜାଣିବା ପାଇଁ ଆମେ ସୀମିତ ସଂଖ୍ୟାରେ ଏହାର ପରୀକ୍ଷଣ ଆରମ୍ଭ କରିଛୁ । ଏହାଦ୍ୱାରା କଲ୍‌ ଆସିବାବେଳେ କଲର୍‌ଙ୍କ ନାଁ ଦେଖାଯିବ । ପରୀକ୍ଷଣର ଫଳାଫଳକୁ ଟେଲିକମ୍‌ ବିଭାଗ(ଡଟ୍‌) ପାଖକୁ ପଠାଯିବ, ଯାହାଦ୍ୱାରା ପ୍ରସ୍ତାବିତ ସେବାକୁ ନେଇ ଏକ ବ୍ୟବହାରିକ ନିଷ୍ପତ୍ତି ନିଆଯାଇପାରିବ ।

ଟ୍ରୁକଲର ଇଣ୍ଡିଆର ପରିଚାଳନା ନିର୍ଦ୍ଦେଶକ ଋଷିତ ଝୁନ୍‌ଝୁନ୍‌ୱାଲା ଏକ ସାକ୍ଷାତ୍‌କାରରେ କହିଛନ୍ତି ଯେ, ସିଏନ୍‌ଏପି ସେବା ଟ୍ରୁକଲର୍‌ର କଲର୍‌ ଆଇଡି ଆପ୍ଲିକେଶନ୍‌ ଭଳି ହେବ । କିନ୍ତୁ ଏହା ଦ୍ୱାରା ଆମର ବ୍ୟବସାୟ ଉପରେ କୌଣସି ପ୍ରତିକୂଳ ପ୍ରଭାବ ପଡ଼ିବ ନାହିଁ ।   ନିକଟରେ ସରକାର ଟେଲିକମ୍‌ କମ୍ପାନିଗୁଡ଼ିକୁ ଉକ୍ତ ସମସ୍ତ ଜାଲ୍‌ ଅନ୍ତରାଷ୍ଟ୍ରୀୟ କଲ୍‌ଗୁଡ଼ିକୁ ବ୍ଲକ୍‌ କରିବା ପାଇଁ ନିର୍ଦ୍ଦେଶ ଦେଇଛନ୍ତି, ଯେଉଁଗୁଡ଼ିକ କଲ୍‌ରେ ଭାରତୀୟ ନମ୍ବର ଭଳି ଦୃଶ୍ୟମାନ ହେଉଛି । ଡଟ୍‌ ପାଖକୁ ଏହା ଉପରେ ଅଭିଯୋଗ ଆସିଥିଲା । ଏହି କଲ୍‌ଗୁଡ଼ିକ ଜରିଆରେ ଲୋକଙ୍କ ସହ ସାଇବର ଅପରାଧ ଏବଂ ବିତ୍ତୀୟ ଠକେଇ କରାଯାଇଥାଏ ।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.