ନୂଆଦିଲ୍ଲୀ,୨୬।୭: ଲୋକସଭାରେ ଉତ୍କୃଷ୍ଟ ପ୍ରଦର୍ଶନ ପାଇଁ ୧୭ ସାଂସଦଙ୍କୁ ‘ସଂସଦ ରତ୍ନ’ ପୁରସ୍କାରରେ ସମ୍ମାନିତ କରାଯାଇଛି। ଏହି ସାଂସଦଙ୍କ ମଧ୍ୟରେ ଏନ୍ସିପି (ଏସପି) ନେତା ସୁପ୍ରିୟା ସୁଲେ, ବିଜେପି ନେତା ରବି କିଷନ, ନିଶିକାନ୍ତ ଦୁବେ ଓ ଶିବସେନା (ୟୁବିଟି) ନେତା ଅରବିନ୍ଦ ସାଓ୍ବନ୍ତ ପ୍ରମୁଖ ଅଛନ୍ତି, ତାଙ୍କୁ ୨୦୨୫ ର ସଂସଦ ରତ୍ନ ପୁରସ୍କାର ପାଇଁ ଚୟନ କରାଯାଇଛି। ଏହି ପୁରସ୍କାର ସାଂସଦଙ୍କୁ ଲୋକସଭାରେ ତାଙ୍କ ସ୍ବତନ୍ତ୍ର ଯୋଗଦାନ ପାଇଁ ଦିଆଯାଏ। '
‘ସଂସଦ ରତ୍ନ’ ପୁରସ୍କାର ବ୍ୟତୀତ ଏଥିରେ ଚାରୋଟି ସ୍ବତନ୍ତ୍ର ଜୁରୀ ପୁରସ୍କାର ରହିଛି, ଯାହାକି ସଂସଦୀୟ ଲୋକତନ୍ତ୍ରରେ ତାଙ୍କର ଲଗାତାର ତିନୋଟି କାର୍ଯ୍ୟକାଳରେ ଦିଆଯାଇଥିବା ଯୋଗଦାନକୁ ମାନ୍ୟତା ପ୍ରଦାନ କରିଥାଏ। ୧୬ ତମ ଲୋକସଭା ପରେ ନିଜର ସର୍ବଶ୍ରେଷ୍ଠ ପ୍ରଦର୍ଶନ ଜାରି ରଖିବା ପାଇଁ ସାଂସଦଙ୍କୁ ସଂସଦର ଏହି ସ୍ବତନ୍ତ୍ର ପୁରସ୍କାର ଦିଆଯାଇଛି। ଯେଉଁଥିରେ ବିଜେପି ନେତା ଭତ୍ତୃହରି ମହତାମ (ଓଡିଶା),କ୍ରାନ୍ତିକାରୀ ସମାଜବାଦୀ ପାର୍ଟି ନେତା ଏନ୍ ପ୍ରେମଚନ୍ଦ୍ରନ (କେରଳ), ଏନ୍ସିପି(ଏସ୍ପି) ନେତ୍ରୀ ସୁପ୍ରିୟା ସୁଲେ(ମହାରାଷ୍ଟ୍ର) ଓ ଶିବସେନା ନେତା ଶ୍ରୀରଙ୍ଗ ଅପ୍ପା ବାର୍ନୋ(ମହାରାଷ୍ଟ୍ର)ର ରହିଛନ୍ତି। ତାଙ୍କ ବ୍ୟତୀତ ଅନ୍ୟ ପୁରସ୍କାର ବିଜେପି ସାଂସଦଙ୍କ ଭିତରେ ବିଜେପିର ସ୍ମିତା ଉଦୟ ବାଘ, ଶିବସେନାର ନରେଶ ମହସ୍କେ, କଂଗ୍ରେସର ବର୍ଷା ଗାୟକଓ୍ବାଡ, ବିଜେପିର ମେଧା କୁଲକର୍ଣ୍ଣୀ, ବିଜେପିର ପ୍ରବୀଣ ପଟେଲ, ବିଦ୍ୟୁତ ବରନ ମାହାତୋ ଓ ଦିଲ୍ଲୀ ସୌକିୟା ମଧ୍ୟ ରହିଛନ୍ତି।
ଏହି ପୁରସ୍କାର ବ୍ୟତୀତ ସଂସଦର ପ୍ରଭାବଶାଳୀ ସ୍ଥାୟୀ କମିଟିକୁ ମଧ୍ୟ ସମ୍ମାନିତ କରାଯାଇଛି। ଯେଉଁଥିରେ ଭର୍ତ୍ତୃହରି ମହତାବଙ୍କ ଅଧ୍ୟକ୍ଷତାରେ ଥିବା ଆର୍ଥିକ ସ୍ଥାୟୀ କମିଟି ଓ ଡକ୍ଟର ଚରଣଜିତ୍ ସିଂହ ଚନ୍ନି (କଂଗ୍ରେସ)ର ଅଧ୍ୟକ୍ଷତାରେ କୃଷି ସମ୍ପର୍କିତ ସ୍ଥାୟୀ କମିଟି ରହିଛି। ପ୍ରାଇମ ପଏଣ୍ଟ ଫାଉଣ୍ଡେସନ୍ ଦ୍ବାରା ପ୍ରତିଷ୍ଠିତ ‘ସଂସଦ ରତ୍ନ’ ପୁରସ୍କାର ସେହି ସାଂସଦଙ୍କୁ ଦିଆଯାଇଥିବା ଯେଉଁମାନଙ୍କର ସଂସଦରେ ଗୁରୁତ୍ବପୂର୍ଣ୍ଣ ଭୂମିକା ରହିଛି। ସଂସଦରେ ଜନତାଙ୍କ ସମସ୍ୟା, ତର୍କରେ ଭାଗନେବା, ପ୍ରଶ୍ନ ପଚାରିବା ଓ ବିଧେୟକ ପାରିତ କାର୍ଯ୍ୟକ୍ରମରେ ଯୋଗଦାନ ଆଧାରରେ ପ୍ରଦାନ କରାଯାଇଥାଏ । ଏହି ପୁରସ୍କାର ପାଇଁ ବିଜେତାଙ୍କ ଚୟନ ଜଣେ ଜୁରୀଙ୍କ ଦ୍ବାରା କରାଯାଇଥାଏ। ଏହି ପକ୍ରିୟା ସମ୍ପୂର୍ଣ୍ଣ ଭାବରେ ନିରପେକ୍ଷ ହୋଇଥାଏ। ପୁରସ୍କାର ବ୍ୟତୀତ ସଂସଦର ପ୍ରଭାବଶାଳୀ ସ୍ଥାୟୀ କମିଟିକୁ ମଧ୍ୟ ସମ୍ମାନିତ କରାଯାଇଥାଏ। ‘ସଂସଦ ରତ୍ନ’ ପୁରସ୍କାରର ଆରମ୍ଭ ୨୦୧୦ ରେ ପ୍ରାଇମ ପଏଣ୍ଟ ଫାଉଣ୍ଡେସନ୍ ଦ୍ବାରା କରାଯାଇଥିଲା। ୨୦୨୫ ରେ ଏହି ଜୁରୀର ଅଧ୍ୟକ୍ଷ ହଂସରାଜ୍ ଅହୀର ଥିଲେ।
