PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ବିଜେବି କଲେଜ ହଷ୍ଟେଲରୁ ଛାତ୍ରୀଙ୍କ ମୃତଦେହ ଉଦ୍ଧାର
  • ||
  • ୨୦୨୨-୨୩ ବଜେଟ୍‌ : ଶିକ୍ଷା ଓ ଦକ୍ଷତା ବିକାଶ କ୍ଷେତ୍ର ପାଇଁ ୨୭,୩୨୪କୋଟି ଟଙ୍କା ଆବଣ୍ଟନ
  • ||
  • ଉଦୟପୁର ହତ୍ୟାକାଣ୍ଡ ଘଟଣା : କୋର୍ଟ ୪ ଅଭିଯୁକ୍ତଙ୍କୁ ୧୦ଦିନର NIA ରିମାଣ୍ଡରେ ପଠାଇଲେ
  • ||
  • ଭୁବନେଶ୍ବର ପରେ କଟକରେ ମାସ୍କ ପିନ୍ଧିବା ବାଧ୍ୟତାମୂଳକ
  • ||
  • ପୁରୀ : ଗୁଣ୍ଡିଚା ମନ୍ଦିର ରୋଷଘର ଚୁଲି ଭାଙ୍ଗିଲେ ଦୁର୍ବୃତ୍ତ, ୨୦ରୁ ଅଧିକ ଚୁଲି ଭାଙ୍ଗି ଥିବା ସୂଚନା
  • ||
  • ଭୁବନେଶ୍ୱର: ବିଧାନସଭାର ମୌସୁମୀ ଅଧିବେଶନ ଆରମ୍ଭ: ପ୍ରଥମ ଦିନରେ ଶୋକ ପ୍ରସ୍ତାବ ପାରିତ, ଆସିବ ପୂର୍ଣ୍ଣାଙ୍ଗ ବଜେଟ୍
  • ||
  • ନୂଆଦିଲ୍ଲୀ; ଫୁଟ୍‌ ଉପରେ ବିମାନ କ୍ୟାବିନରେ ଦେଖିବାକୁ ମିଳିଲା ଧୁଆଁ; ଦିଲ୍ଲୀ ବିମାନବନ୍ଦରରେ ଜରୁରୀକାଳୀନ ଅବତରଣ କଲା ସ୍ପାଇସଜେଟ୍‌
  • ||
  • ଭୁବନେଶ୍ୱର: ୪ରେ ଲଘୁଚାପ, ଆଜିଠୁ ବଢ଼ିବ ବର୍ଷା
  • ||
  • ଚୌଦ୍ୱାର : ଜଗା ଦର୍ଶନ ସାରି ଘରକୁ ଫେରୁଥିବା ବେଳେ ବୋଲେରୋକୁ ପିଟିଲା ଟ୍ରକ: ଜଣେ ମୃତ, ୯ ଗୁରୁତର
  • ||
  • ପୁରୀ: ଦାରୁବ୍ରହ୍ମଙ୍କ ପତିତପାବନ ଯାତ୍ରା: ଆଜି ଜନ୍ମବେଦିକୁ ବିଜେ କରିବେ ଚତୁର୍ଦ୍ଧାମୂର୍ତ୍ତି
  • ||
  • ବାରିପଦା: ଆଜି ଗଡ଼ିବ ଦ୍ୱିତୀୟ ଶ୍ରୀକ୍ଷେତ୍ର ରଥ, ସୁଭଦ୍ରାଙ୍କ ରଥକୁ ଟାଣିବେ ମହିଳା ଶ୍ରଦ୍ଧାଳୁ
  • ||
  • କଟକ: ଆଜିଠୁ ମିଳିତ ପୁଲିସ୍‌ ସେବା ପରୀକ୍ଷା, ୩୪ କେନ୍ଦ୍ରରେ ପରୀକ୍ଷା ଦେବେ ୨୯ ହଜାର ୬୪୪ ପରୀକ୍ଷାର୍ଥୀ
  • ||

ପୁଣି ସାଲିଆସାହିରୁ ଧଳା ଜହର: ୨.୩ ଲକ୍ଷର ବ୍ରାଉନ୍‌ସୁଗର ଜବତ, ବେପାରୀ ଗିରଫ

ଭୁବନେଶ୍ୱର,୯ ।୩(ବ୍ୟୁରୋ): ସାଲିଆସାହିରୁ ପୁଣି ଜବତ ହୋଇଛି ବ୍ରାଉନ୍‌ସୁଗର । ଗତକାଲି ସାଲିଆସାହି ଲୋକେ ଦୁଇ ବ୍ରାଉନ୍‌ସୁଗର ବେପାରୀଙ୍କୁ ଧରି ନିସ୍ତୁକ ମାଡ଼ ମାରିଥିବା ବେଳେ ଆଜି ସେହିଠାରୁ ପୁଣି ବ୍ରାଉନ୍‌ସୁଗର ଜବତ ହୋଇଛି । କମିଶନରେଟ୍‌ ପୁଲିସର କୁଇକ୍‌ ଆକ୍ସନ୍‌ ଟିମ୍‌(କ୍ୟୁଏଟି) ଓ ନୂଆପଲ୍ଲୀ ଥାନା ପୁଲିସ ଏଠାରୁ ୨ ଲକ୍ଷ ୩୦ ହଜାର ଟଙ୍କାର ବ୍ରାଉନ୍‌ସୁଗର ଜବତ କରିବା ସହ ଜଣେ ବେପାରୀକୁ ଗିରଫ କରିଛନ୍ତି । ଗିରଫ ବେପାରୀଙ୍କ ନାମ ରିଙ୍କୁ ନାୟକ(୨୩) । ଘର ସାଲିଆସାହି । ବ୍ରାଉନ୍‌ସୁଗର ସହ ରିଙ୍କୁଙ୍କ ଠାରୁ ୧୪୬୦ ଟଙ୍କା, ମୋବାଇଲ୍‌ ଫୋନ୍‌ ଓ ଏକ ବାଇକ୍‌ ଜବତ ହୋଇଛି ।
ପୁଲିସ ସୂଚନା ଅନୁଯାୟୀ, ରିଙ୍କୁ ଦୀର୍ଘଦିନ ଧରି ସାଲିଆସାହିରେ ବ୍ରାଉନ୍‌ସୁଗର କାରବାର କରି ଆସୁଥିଲେ । ଆଜି ମଧ୍ୟାହ୍ନରେ ସେ ସାଲିଆସାହିସ୍ଥିତ ଇନ୍ଦିରା ଗାନ୍ଧି ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଫାର୍ମାସ୍ୟୁଟିକାଲ କଲେଜ ନିକଟରେ ଗ୍ରାହକଙ୍କୁ ବିକିବାକୁ ଅପେକ୍ଷା କରିଥିଲେ । ବିଶ୍ୱସ୍ତ ସୂତ୍ରରୁ ଖବରପାଇ କ୍ୟୁଏଟି ଓ ନୂଆପଲ୍ଲୀ ଥାନା ପୁଲିସ ସେଠାରେ ଚଢ଼ଉ କରିଥିଲେ । ରିଙ୍କୁଙ୍କ ପକେଟ୍‌ ଯାଞ୍ଚ କରିବା ସମୟରେ ସେଥିରୁ ୨୩ ଗ୍ରାମ ବ୍ରାଉନ୍‌ସୁଗର ମିଳିଥିଲା । ଯାହାର ମୂଲ୍ୟ ୨ ଲକ୍ଷ ୩୦ ହଜାର ଟଙ୍କା ହେବ । ଏଥିସହ ତାଙ୍କ ଠାରୁ ୧୪୬୦ ଟଙ୍କା, ମୋବାଇଲ୍‌ ଫୋନ୍‌ ସହ ସେ ବ୍ୟବହାର କରୁଥିବା ବାଇକ୍‌କୁ ପୁଲିସ ଜବତ କରି ତାଙ୍କୁ ଥାନାକୁ ଆଣିଥିଲା ।
ରିଙ୍କୁଙ୍କୁ ଜେରା ବେଳେ ସେ ଖୋର୍ଦ୍ଧା ଓ ଜଳେଶ୍ୱରରୁ ବ୍ରାଉନ୍‌ସୁଗର ଆଣି ସାଲିଆସାହି ସମେତ ବିଭିନ୍ନ ବସ୍ତିରେ ବିକ୍ରି କରୁଥିବା ମାନିଥିଲେ । ସେ ବ୍ରାଉନ୍‌ସୁଗର ହୋମ୍‌ ଡେଲିଭରି ମଧ୍ୟ କରୁଥିବା ପୁଲିସକୁ ସୂଚନା ଦେଇଥିଲେ । ତେଣୁ ରିଙ୍କୁଙ୍କୁ ଗିରଫ କରା ଯାଇଛି । ଆସନ୍ତାକାଲି ତାଙ୍କୁ କୋର୍ଟ ଚାଲାଣ କରାଯିବ ବୋଲି ପୁଲିସ କହିଛି ।