ରାଉରକେଲା, ୯।୩ : ଟ୍ରକକୁ ପଛରୁ ଧକ୍କା ଦେଲା ବାଇକ। ଏଥିରେ ୨ ଜଣ ଯୁବକଙ୍କ ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ହୋଇଛି। ସୁନ୍ଦରଗଡ଼ ଜିଲା ଲହୁଣୀପଡା ଥାନା ୧୪୩ ନମ୍ୱର୍ ଜାତୀୟ ରାଜପଥରେ ଘଟିଛି ଦୁର୍ଘଟଣା । ଗୁରୁତର ଯୁବକଙ୍କୁ ରାଉରକେଲା ସ୍ଥାନାନ୍ତର କରାଯାଇଛି।
ଲହୁଣୀପଡ଼ା ଥାନା ଗୌଡୁଣିପୋଷ ଛକ ନିକଟରେ ବାଇକ୍ ଆରୋହୀ ଭାରସାମ୍ୟ ହରାଇ ଏକ ଟ୍ରକକୁ ପଛରୁ ଧକ୍କା ଦେଇଥିଲା। ଏଥିରେ ଜଣଙ୍କର ଘଟଣା ସ୍ଥଳରେ ମୃତ୍ୟୁ ଘଟିଥିଲା। ଅନ୍ୟ ଜଣେ ଡାକ୍ତରଖାନାରେ ରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି । ଦୁଇ ମୃତକଙ୍କ ମଧ୍ୟରୁ ଜଣେ ଚାନ୍ଦିପୋଷ ଥାନା ଅଞ୍ଚଳର ହୋଇଥିବା ବେଳେ ଅନ୍ୟ ଜଣେ ମୃତକ କେବଳଙ୍ଗ ଥାନା ଅଞ୍ଚଳର । ଦୁର୍ଘଟଣାରେ ଗୁରୁତର ଯୁବକ ଜଣକ ହେଲେ ଚାନ୍ଦିପୋଷ ଥାନା ମୁଣ୍ଡା ସାହିର ଦାମୁ ମୁଣ୍ଡା । ଲହୁଣୀପଡା ଥାନା ପୋଲିସ୍ ଦୁଇ ମୃତଦେହ କୁ ପୋଷ୍ଟମର୍ଟମ୍ ପାଇଁ ପଠାଇଇଥିବା ବେଳେ ବାଇକ ପିଟି ଥିବା ଟ୍ରକ୍ କୁ ଜବତ କରି ତଦନ୍ତ କରୁଛି ।
