ଚଣ୍ଡୀଗଡ଼, ୨୯/୦୭ : ହରିୟାଣାରେ ଡବଲ୍ ଟ୍ରିପଲ୍ ବିବାହକୁ ନେଇ ଚର୍ଚ୍ଚା। ଅନ୍ୟ ରାଜ୍ୟ ତୁଳନାରେ ଏକାଧିକ ପତ୍ନୀ ରଖିବାକୁ ପସନ୍ଦ କରନ୍ତି ହରିୟାଣା ପୁରୁଷ। ଏଠି ସଉକ ପାଲଟିଛି ବହୁ ବିବାହ ପ୍ରଥା। ପରିବାର ପରିଚୟ ପତ୍ର ଡାଟାରୁ ବଡ଼ ଖୁଲାସା। ୨୭୬୧ ଜଣ ଲୋକଙ୍କର ଅଛି ଦୁଇଟି ଲେଖାଏଁ ପତ୍ନୀ। ସେହିପରି ୧୫ ଜଣ ରଖିଛନ୍ତି ତିନି ତିନିଜଣ ସ୍ତ୍ରୀ।
ହରିୟାଣା ସରକାର ପରିବାର ପରିଚୟ ପତ୍ର ବା ଫ୍ୟାମିଲି ଆଇଡି ସହ ଯୋଡ଼ିଛନ୍ତି ସମସ୍ତ ସରକାରୀ ଯୋଜନା। ଯଦି କେହି ହରିୟାଣା ନିବାସୀ ହୋଇଥାନ୍ତି ତାହେଲେ ବିନା ପିପିପି କାର୍ଡରେ କୌଣସି ସରକାରୀ ଯୋଜନାର ଲାଭ ଉଠାଇ ପାରିବେ ନାହିଁ। ଏଥିପାଇଁ ଲୋକମାନେ ସେମାନଙ୍କ ସମସ୍ତ ବିବରଣୀ ପିପିପି କାର୍ଡରେ ଦେଉଛନ୍ତି। ପରିବାର ପରିଚୟ ପତ୍ର ଏକ ଧର୍ମନିରପେକ୍ଷ ଆଇଡି କାର୍ଡ। ଏଥିରେ ଧର୍ମ ସମ୍ଵନ୍ଧୀୟ କୌଣସି ସୂଚନା ନାହିଁ। ତେବେ ସରକାରୀ ଯୋଜନା ପାଇଁ ପ୍ରତ୍ୟେକ ନାଗରିକଙ୍କ ଜାତି ଅନିବାର୍ଯ୍ୟ ବୋଲି ଲେଖାଯାଇଛି।
ପିପିପି ଅନୁଯାୟୀ, ନୁଁହରେ ୩୫୩ ଜଣ ଦୁଇ ଥର ବିବାହ କରିଛନ୍ତି। ସେହିପରି ଅମ୍ବାଲାରେ ୮୭ ଜଣ, ଭିୱାନୀରେ ୯୯ ଜଣ, ଚରଖି ଦାଦରୀରେ ୩୦ ଜଣ, ଫରିଦାବାଦରେ ୨୬୭ ଜଣ, ଫତେହାବାଦରେ ୧୦୪ ଜଣ, ଗୁରୁଗ୍ରାମରେ ୧୫୭ ଜଣ, ହିସାରରେ ୧୫୨ ଜଣ, ଝଜ୍ଜରରେ ୭୨ ଜଣ, ଜିନ୍ଦରେ ୧୪୬ ଜଣ, କ୍ୟାଥଲରେ ୯୨ ଜଣ, କରନାଲରେ ୧୭୧ ଜଣ, କୁରୁକ୍ଷେତ୍ରରେ ୯୬ ଜଣ, ମହେନ୍ଦ୍ରଗଡ଼ରେ ୮୧ ଜଣ, ପଲବଲରେ ୧୭୮ ଜଣ, ପଞ୍ଚକୁଳାରେ ୪୪ ଜଣ, ପାନିପତରେ ୧୨୯ ଜଣ, ରେୱାଡିରେ ୮୦ ଜଣ, ରୋହତକରେ ୭୮ ଜଣ, ସିରସାରେ ୧୩୦ ଜଣ, ସୋନିପତରେ ୧୩୪ ଜଣ, ଯମୁନାନଗରରେ ୧୧୧ ଜଣଙ୍କର ଦୁଇଟି ଲେଖାଏଁ ପତ୍ନୀ ରହିଛି। ଭିୱାନୀରେ ୨, ଫରିଦାବାଦରେ ୨, ହିସାରରେ ୧, ଝଜ୍ଜରରେ ୧, ହିନ୍ଦରେ ୧, କରନାଲରେ ୨, କୁରୁକ୍ଷେତ୍ରରେ ୧, ନୁଁହରେ ୧, ପଲବଲରେ ୧, ରେଡ଼ାଡିରେ ୧, ଏବଂ ସୋନିପତରେ ୨ ଜଣଙ୍କର ତିନୋଟି ଲେଖାଏଁ ସ୍ତ୍ରୀ ଅଛି।
