ଦିଗପହଣ୍ଡି,୦୪/୧୧: ପୁଞ୍ଜିକଇଁଆ ଛକ ନିକଟରେ ଥିବା ସାଇକେଲ ମାର୍ଟ ସହ ଦୁଇଟି ଦୋକାନରେ ଲାଗିଲା ନିଆଁ । ୩ ଟି ଦୋକାନରେ ନିଆଁ ଲାଗି ବ୍ୟାପକ କ୍ଷତି ହୋଇଛି । ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ୍ ପୁଞ୍ଜିକଇଁଆ ଛକ ନିକଟରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ପୁଞ୍ଜିକଇଁଆ ଛକ ନିକଟରେ ଥିବା ସାଇକେଲ ମାର୍ଟ ସହ ଦୁଇଟି ଦୋକାନରେ ହଠାତ୍ ନିଆଁ ଲାଗି ଯାଇଥିଲା । କେହି କିଛି ଭାବିବା ପୂର୍ବରୁ ଏହା ଭୟାନକ ରୂପ ନେଇଥିଲା । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସ ଏବଂ ଅଗ୍ନିଶମ ବାହିନୀକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ସାମାନ୍ୟ ବିଳମ୍ବରେ ପହଞ୍ଚିଲା ଅଗ୍ନିଶମ ବାହିନୀର ଏକ ଟିମ୍ । ସେଠାରେ ପହଞ୍ଚି ନିଆଁ ଆୟତ୍ତ କରିବାରେ ସଫଳ ହୋଇଛି ଅଗ୍ନିଶମ ବାହିନୀ । ଘଟଣାସ୍ଥଳରେ ଦିଗପହଣ୍ଡି ପୋଲିସ ମଧ୍ୟ ଉପସ୍ଥିତ ରହିଛି । ଏହି ଅଗ୍ନିକାଣ୍ଡରେ ବ୍ୟାପକ କ୍ଷୟକ୍ଷତି ହୋଇଥିବା ସୂଚନା ମିଳିଛି । ତେବେ କେଉଁ କାରଣ ପାଇଁ ଦୋକାନରେ ନିଆଁ ଲାଗିଲା, ତାର ତଦନ୍ତ କରୁଛି ପୋଲିସ ।
