ଢାକା: ବାଙ୍ଗଲାଦେଶର ଅନ୍ତରୀଣ ସରକାରର ମୁଖ୍ୟ ପରାମର୍ଶଦାତା ମହମ୍ମଦ ୟୁନୁସ ମଙ୍ଗଳବାର ଢାକାର ପ୍ରସିଦ୍ଧ ଢାକେଶ୍ୱରୀ ଜାତୀୟ ମନ୍ଦିରରେ ପହଞ୍ଚିଥିଲେ। ଆଗକୁ ଶାରଦୀୟ ଦୁର୍ଗାପୂଜା ଉତ୍ସବ ଥିବାରୁ ୟୁନୁସ ଏହି ଗସ୍ତ କରିଥିଲେ ବୋଲି ସୂଚନା ମିଳିଛି। ସେ ମନ୍ଦିରରେ ଦୁର୍ଗାପୂଜାର ପ୍ରସ୍ତୁତିକୁ ପରିଦର୍ଶନ କରିବା ସହ ସେଠାରେ ଥିବା ହିନ୍ଦୁ ଅଳ୍ପସଂଖ୍ୟକ ସମ୍ପ୍ରଦାୟର ସଦସ୍ୟମାନଙ୍କୁ ଭେଟି ଶୁଭେଚ୍ଛା ଜ୍ଞାପନ କରିଥିଲେ।
ଏହି ଅବସରରେ ୟୁନୁସ କହିଥିଲେ ଯେ, "ସମଗ୍ର ଜାତି ଏକ ବଡ଼ ପରିବାର।" ସେ ଜୋର ଦେଇ କହିଥିଲେ ଯେ କୌଣସି ସରକାରଙ୍କର ନାଗରିକମାନଙ୍କର ମୌଳିକ ସାମ୍ୱିଧାନିକ ଅଧିକାରକୁ ବଞ୍ଚିତ କରିବାର ଅଧିକାର ନାହିଁ। ନୂତନ ବାଙ୍ଗଲାଦେଶରେ ସମସ୍ତ ନାଗରିକଙ୍କ ସମାନ ଅଧିକାର ସୁନିଶ୍ଚିତ କରିବାର ଲକ୍ଷ୍ୟରେ ସରକାର କାମ କରୁଛି।
ସେ ଆହୁରି ମଧ୍ୟ କହିଥିଲେ ଯେ ଏକ ପରିପୂର୍ଣ୍ଣ ଦେଶରେ ଲୋକମାନେ ସେମାନଙ୍କର ଧାର୍ମିକ ଉତ୍ସବ ପାଳନ କରିବା ପାଇଁ ଅତିରିକ୍ତ ସୁରକ୍ଷାର ଆବଶ୍ୟକତା ହୋଇନଥିବ। ଦୁର୍ଗାପୂଜା ସମୟରେ ସେ ବିଦେଶରେ ରହିବେ, କିନ୍ତୁ ପୂର୍ବରୁ ସେ ଏହି ଉତ୍ସବର ଆନନ୍ଦ ସହକାରେ ଅଂଶଗ୍ରହଣ କରିବାକୁ ଚାହିଁବାରୁ ସେ ଏହି ଗସ୍ତ କରିଥିଲେ।
ଆପଣଙ୍କୁ ଜଣାଇରଖୁ ଯେ, ଗତ ବର୍ଷ ଅଗଷ୍ଟରୁ ଯୁନୁସଙ୍କ ଅନ୍ତର୍ଗତ ସରକାର କ୍ଷମତାଧରଣ ପରେ ହିନ୍ଦୁ ସମ୍ପ୍ରଦାୟ ଏବଂ ସେମାନଙ୍କର ପୂଜାସ୍ଥଳୀରେ ଆକ୍ରମଣର ଘଟଣା ବଢିବାରେ ଲାଗିଛି। ଯେଉଁଥିପାଇଁ ଭାରତ ସହିତ ସମ୍ପର୍କରେ ଫାଟ ସୃଷ୍ଟି ହୋଇଛି। ଭାରତ ଏହି ଘଟଣା ଉପରେ ଗଭୀର ଚିନ୍ତା ପ୍ରକାଶ କରିଛି।
