ମୁମ୍ବାଇ,୦୬/୧୧: ଆଇପିଏଲର ସବୁଠୁ ଲୋକପ୍ରିୟ ଦଳ ତଥା ଡିଫେଣ୍ଡିଂ ଚାମ୍ପିଅନ୍ ରୟାଲ୍ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଖୁବ୍ ଶୀଘ୍ର ବିକ୍ରି ହେବାକୁ ଯାଉଛି । ଏହାର ମାଲିକ ‘ଡାଏଜିଓ’ ଉଭୟ ପୁରୁଷ ଓ ମହିଳା ଦଳକୁ ବିକ୍ରି କରିବାକୁ ନିଷ୍ପତ୍ତି ନେଇଛି । ଇତି ମଧ୍ୟରେ ନୂଆ କ୍ରେତା ଖୋଜା ଚାଲିଛି । ଆସନ୍ତା ବର୍ଷ ମାଚ୍ଚ ୩୧ ତାରିଖ ସୁଦ୍ଧା ରୟାଲ୍ ଚ୍ୟାଲେଞ୍ଜର୍ସକୁ ନୂଆ ମାଲିକ ମିଳିବ ।
ବ୍ରିଟେନର ଏହି ମଦ କମ୍ପାନୀ ରୟାଲ୍ ଚ୍ୟାଲେଞ୍ଜର୍ସ ସ୍ପୋର୍ଟ୍ସ ପ୍ରାଇଭେଟ୍ ଲିମିଟେଡ(ଆରସିଏସପିଲ)ର ମାଲିକାନା ରଖିଛି । ପ୍ରକାଶ ପାଇଥିବା ଏକ ରିପୋର୍ଟରୁ ଯାହା ଜଣା ପଡ଼ିଛି, ଆରସିବିର ବିକ୍ରି ପ୍ରକ୍ରୀୟା ଆରମ୍ଭ ହୋଇ ସାରିଛି । କମ୍ପାନୀ ପକ୍ଷରୁ ବମ୍ବେ ଷ୍ଟକ ଏକ୍ସଚେଞ୍ଜକୁ ଦିଆ ଯାଇଥିବା ରିପୋର୍ଟ ଅନୁଯାୟୀ ଡାଏଜିଓ ଏହାର ସହକାରୀ କମ୍ପାନୀ ୟୁନାଇଟେଡ୍ ସ୍ପିରଟ୍ ଲିମିଟେଡ୍(ୟୁଏସଏଲ) ଅଧିନସ୍ଥ ରୟାଲ୍ ଚ୍ୟାଲେଞ୍ଜର୍ସ ସ୍ପୋର୍ଟ୍ସ ପ୍ରାଇଭେଟ୍ ଲିମିଟେଡ(ଆରସିଏସପିଲ) ରେ ନିବେଶର ସମୀକ୍ଷା କରିବାକୁ ନିଷ୍ପତ୍ତି ନେଇଛି।
