ଛାତରୁ ଖସି ଟ୍ରାଫିକ୍ ହାବିଲଦାରଙ୍କ ମୃତ୍ୟୁ
ଜଗତସିଂହପୁର, ୨୯।୩: ଜଗତସିଂହପୁର ଥାନାରେ କାର୍ଯ୍ୟରତ ଟ୍ରାଫିକ୍ ହାବିଲଦାର କଣ୍ଡୁରୀ ଚରଣ ବେହେରାଙ୍କ ୪୮ ବର୍ଷରେ ମୃତ୍ୟୁ ହୋଇଛି l ସହରର ପାଣିସାଳିଆସ୍ଥିତ ନବନିର୍ମିତ ଘରେ ପାଣି ଦେବା ସମୟରେ ଛାତର ଧାରରୁ ତଳକୁ ଖସି ପଡ଼ିଥିଲେ l ଅସାବଧାନତା ବଶତଃ ଉଚ୍ଚସ୍ଥାନରୁ ଖସି ପଡ଼ିବା ପରେ ତାଙ୍କୁ ତୁରନ୍ତ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା l ଏଠି କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ l କଣ୍ଡୁରୀଙ୍କ ଦେହାନ୍ତରେ ଜିଲ୍ଲା କନେଷ୍ଟବଳ ହାବିଲଦାର ସଙ୍ଘ ପକ୍ଷରୁ ଗଭୀର ଶୋକ ବ୍ୟକ୍ତ କରାଯାଇଛି l
