ନୂଆଦିଲ୍ଲୀ : ଆଦାନୀ ଗ୍ରୁପ୍ ସହ ଜଡ଼ିତ ଏକ ବଡ଼ ଡିଲ୍ର ଖବର ସାମ୍ନାକୁ ଆସିଛି। ଆଦାନୀ ଗ୍ରୁପ୍ ପ୍ରସିଦ୍ଧ ଟେକ୍ କମ୍ପାନୀ ଗୁଗଲ ସହ କରିଛି ଡିଲ୍ । ଏହି ଡିଲ୍ କ୍ଲିନ୍ ଏନର୍ଜିକୁ ନେଇ ହୋଇଛି। ଏହି ଚୁକ୍ତି ମାଧ୍ୟମରେ ଆଦାନୀ ଗ୍ରୁପ୍ ଗୁଜରାଟର ଖାୱଡାରେ ବିଶ୍ୱର ସବୁଠୁ ବଡ଼ ରିନ୍ୟୁଏବଲ ଏନର୍ଜୀ ପ୍ଲାଣ୍ଟରେ ଥିବା ଏକ ନୂଆ ସୋଲାର-ୱିଣ୍ଡ ହାଇବ୍ରିଡ୍ ପ୍ରକଳ୍ପରୁ କ୍ଲିନ୍ ଏନର୍ଜୀ ସପ୍ଲାଇ କରିବ। ଏହି ନୂଆ ପ୍ରକଳ୍ପର ୨୦୨୫ର ୩ୟ ତ୍ରୟମାସିକ ଯାଏ କମର୍ସିଆଲ ଅପରେସନ ଆରମ୍ଭ ହେବାର ଆଶା ରହିଛି। ଗୁଗଲ ଏଠାରେ ଗୁଗଲ ଫର୍ ଇଣ୍ଡିଆ କାର୍ଯ୍ୟକ୍ରମରେ ଏହାର ଘୋଷଣା କରିଛି , ଯାହାକି ଆଦାନୀ ଗ୍ରୁପ୍ ବୟାନରେ ଏହା ବିଷୟରେ ବିସ୍ତୃତ ସୂଚନା ଦେଇଛି।
ଆଦାନୀ ଗ୍ରୁପ ନିଜର ବୟାନରେ କହିଛି – ଏହି ଚୁକ୍ତି ମାଧ୍ୟମରେ ଆଦାନୀ ଗୁଜରାଟର ଖାୱଡାରେ ବିଶ୍ୱର ସବୁଠୁ ବଡ଼ ରିନ୍ୟୁଏବଲ ଏନର୍ଜୀ ପ୍ଲାଣ୍ଟ ସ୍ଥିତ ଏକ ନୂଆ ସୌର-ପବନ ବାଇବ୍ରିଡ୍ ପ୍ରକଳ୍ପରେ, ସ୍ୱଚ୍ଛ ଏନର୍ଜୀରେ ସମର୍ଥିତ ଗୁଗଲର ଚବିଶ ଘଣ୍ଟା କାର୍ବନ-ମୁକ୍ତ ଶକ୍ତି ଲକ୍ଷ୍ୟକୁ ବୃଦ୍ଧିରେ ସାହାଯ୍ୟ କରିବ। ଏହାସହ ଏହି ପ୍ରକାରରେ ଭାରତରେ ଗୁଗଲର ସ୍ଥାୟୀ ବୃଦ୍ଧିରେ ଯୋଗଦାନ ଦେବ।
ଆପଣଙ୍କୁ କହି ରଖୁଛୁ କି , ଆଜି (ଗୁରୁବାର) ସେୟାର ବଜାର ୧୫୦୦ ଅଙ୍କ ଯାଏ ହ୍ରାସ ପାଇଛି। ଏହି ସମୟରେ ଆଦାନୀ ଗ୍ରୁପ୍ର ସେୟାରରେ ମଧ୍ୟ ହ୍ରାସ ରେକର୍ଡ କରାଯାଇଛି। ଆଦାନୀ ଗ୍ରୀନ୍ ଏନର୍ଜୀର ସେୟାର ବ୍ୟବସାୟର ଇଣ୍ଟ୍ରା ଡେ’ରେ ପାଖାପାଖି ୫ ପ୍ରତିଶତ ଯାଏ ହ୍ରାସ ପାଇ ୧୮୬୯.୨୫ ଟଙ୍କାରେ ଟ୍ରେଡ୍ କରୁଥିଲା। ସେପଟେ ଆଦାନୀ ଏଣ୍ଟରପ୍ରାଇଜେସ୍ର ସେୟାରରେ ମଧ୍ୟ ୩ ପ୍ରତିଶତ ଯାଏ ହ୍ରାସ ପାଇଛି ଏବଂ ଏହି ସେୟାର ଇଣ୍ଟ୍ରା ଡେ’ରେ ୩୧୦୨.୯୫ ଟଙ୍କାରେ ଟ୍ରେଡ୍ କରୁଛି।
ଆଦାନୀ ପାୱାରର ସେୟାରରେ ୩ ପ୍ରତିଶତରୁ ଅଧିକ ହ୍ରାସ ପାଇଛି ଏବଂ ଏହି ସେୟାର ୬୩୩.୧୦ ଟଙ୍କାରରେ ଟ୍ରେଡ୍ କରୁଛି। ଆଦାନୀ ଏନର୍ଜୀ ସଲ୍ୟୁସନର ସେୟାରରେ ୩ ପ୍ରତିଶତରୁ ଅଧିକ ହ୍ରାସ ଘଟିଛି ଏବଂ କମ୍ପାନୀର ସେୟାର ୧୦୩୯ ଟଙ୍କାରେ ଟ୍ରେଡ୍ କରୁଛି। ଏହା ବ୍ୟତୀତ ଆଦାନୀ ସମୁଦାୟ ଗ୍ୟାସ୍, ଆଦାନୀ ପୋର୍ଟ ଓ ଆଦାନୀ ୱିଲମର ଯାଏ ସେୟାରରେ ୩ ପ୍ରତିଶତ ଯାଏ ହ୍ରାସ ଦେଖିବାକୁ ମିଳିଛି।
