ନୂଆଦିଲ୍ଲୀ : ଏଆଇ କାରଣରୁ ବଡ଼ ବଡ଼ ଟେକ୍ କମ୍ପାନୀରେ ହେଉଥିବା ଛଟେଇର ଆଉ ଏକ ଘଟଣାର ଖବର ଆସିଛି। କିନ୍ତୁ ଏହା ପୂର୍ବରୁ ଭାବନ୍ତୁ ତ ଆପଣ ନିଜ ଜୀବନର ୧୮ ବର୍ଷ ଯେଉଁ ସ୍କିଲକୁ ଉପଯୋଗ କରିସାରିଛନ୍ତି , ଯାହାକୁ ନିଜର ଇଚ୍ଛା କରିଛନ୍ତି ,ତାହା ଗୋଟିଏ ଝଟକାରେ କେମିତି ମେସିନ ମସ୍ତିଷ୍କ ଆଗରେ ଛୋଟ ପଡ଼ିଗଲା । ଏହି ଘଟଣା ଏମିତି ହିଁ ଜଣେ ସଫ୍ଟୱେୟାର ଇଞ୍ଜିନିୟରଙ୍କର,ଯାହାଙ୍କ ପାଖରେ ପାଖାପାଖି ଦୁଇ ଦଶନ୍ଧିର ଅଭିଜ୍ଞତା ଥିଲା ,କିନ୍ତୁ ସମୟର ତାଡ଼ନା ଓ ଏଆଇର ଟ୍ରେଣ୍ଡ ବୃଦ୍ଧି ତାଙ୍କୁ କିବୋର୍ଡ ଛାଡ଼ି ମ୍ୟାକଡୋନାଲ୍ଡସର କାଉଣ୍ଟରରେ ଠିଆ କରି ଦେଇଛି।
ସୋସିଆଲ ମିଡ଼ିଆ ପ୍ଲାଟଫର୍ମ ରେଡିଟରେ ଜଣେ ୟୁଜରଙ୍କ ପୋଷ୍ଟ ଭାଇରାଲ ହେଉଛି, ଯେଉଁଥିରେ ସେ ଦାବି କରିଛନ୍ତି ଯେ, ପାଖାପାଖି ୧୮ ବର୍ଷର ଅଭିଜ୍ଞତା ଥିବା ଜଣେ ସଫ୍ଟୱେୟାର ଇଞ୍ଜିନିୟରଙ୍କୁ କମ୍ପାନୀ ଏଆଇ କାରଣରୁ ଚାକିରିରୁ ବାହାର କରିଦେଇଛି। ଏବେ ସେ ନିଜର ଭଡ଼ା ଦେବା ପାଇଁ ସେ ମ୍ୟାକଡୋନାଲ୍ଡସରେ କାମ କରୁଛନ୍ତି । ଏହି ପୋଷ୍ଟ ରେଡିଟ r/ClaudeAI ପୋଷ୍ଟ କରିଛି।
ୟୁଜର ଲେଖିଛନ୍ତି ସେ ୧୮ ବର୍ଷ ଯାଏ ସଫ୍ଟୱେୟାର ଡେଭଲପର ଭାବେ କାମ କରିଥିଲେ , କିନ୍ତୁ ୮ ମାସ ପୂର୍ବେ ତାଙ୍କର ଚାକିରି ଚାଲିଯାଇଛି। ତାଙ୍କ କହିବାନୁସାରେ , କମ୍ପାନୀ ୧୨ଜଣ ଇଞ୍ଜିନିୟରଙ୍କ ଟିମକୁ ହଟେଇ କେବଳ ଦୁଇଟି ଏଆଇ ଏକ୍ସପର୍ଟ ରଖି ଥିଲା, ସେବେଟାରୁ ସେ ୧୦୦ରୁ ଅଧିର ଚାକିରି ପାଇଁ ଆବେଦନ କଲେ , କିନ୍ତୁ ଏବେସୁଦ୍ଧ ତାଙ୍କୁ ନୂଆ ଚାକିରି ମିଳି ନାହିଁ। ବର୍ତ୍ତମାନ ଗୁଜୁରାଣ ମେଣ୍ଟାଇବା ଓ ଭଡ଼ା ଦେବା ପାଇଁ ସେ ମ୍ୟାକଡୋନାଲ୍ଡସରେ କାମ କରୁଛନ୍ତି।
ପୋଷ୍ଟରେ ସେ ଆହୁରି ଲେଖୁଛନ୍ତି ଯେ, କମ୍ପାନୀଗୁଡ଼ିକ ଏବେ AI ଉପକରଣ ବ୍ୟବହାର କରି ଛୋଟ ଟିମ୍ ସହିତ କାମ କରିବାକୁ ପସନ୍ଦ କରୁଛନ୍ତି । AI କୁ ସଠିକ୍ ଭାବରେ ନିର୍ଦ୍ଦେଶ ଦେଇପାରୁଥିବା କିଛି ଲୋକ ଏବେ ଏପରି କାର୍ଯ୍ୟ କରୁଛନ୍ତି, ଯାହା ପୂର୍ବରୁ ବଡ଼ ଇଞ୍ଜିନିୟରିଂ ଦଳ ଆବଶ୍ୟକ କରୁଥିଲେ। ଏହି ନିଷ୍ପତ୍ତି ନେଉଥିବା କାର୍ଯ୍ୟନିର୍ବାହୀମାନେ ନିଜେ ଏହି ଛଟେଇର ପ୍ରଭାବ ଅନୁଭବ କରନ୍ତି ନାହିଁ, ବରଂ କର୍ମଚାରୀମାନେ ଏହାର ଭାର ବହନ କରନ୍ତି।
ଅନେକ ଲୋକ ଇଞ୍ଜିନିୟରଙ୍କ ସହ ସହମତ ହୋଇ କହିଛନ୍ତି ଯେ, କମ୍ପାନୀଗୁଡ଼ିକ ଏବେ କର୍ମଚାରୀମାନଙ୍କୁ ଅଧିକ କାମ କରିବା ପାଇଁ AI ଉପକରଣ ବ୍ୟବହାର କରିବାକୁ ବାଧ୍ଯ କରନ୍ତି। ଏହି ସମୟରେ, କିଛି ଲୋକ ବିଶ୍ବାସ କରୁଛନ୍ତି ଯେ, AI ଶିଖୁଥିବା ଡେଭଲପରମାନେ ଏବେ ବି ଚାହିଦାରେ ଅଛନ୍ତି। ଜଣେ ବ୍ୟବହାରକାରୀ କହିଛନ୍ତି ଯେ AI ଯୋଗୁଁ ଭଲ ଡେଭଲପରମାନଙ୍କ ପାଖରେ ଏବେ ସହାୟକଙ୍କ ଏକ ସମ୍ପୂର୍ଣ୍ଣ ଦଳ ଅଛି । ଅନ୍ୟ ଜଣେ ଲେଖୁଛନ୍ତି ଯେ, ଯେଉଁମାନେ ସାକ୍ଷାତକାରରେ AI ବ୍ୟବହାରକୁ ସଠିକ୍ ଭାବରେ ବୁଝାଇ ପାରିବେ ନାହିଁ ସେମାନେ ପଛରେ ରହି ଯାଆନ୍ତି। କେତେକ ଲୋକ ଏହି ଘଟଣା ବିଷୟରେ ମଧ୍ୟ ସନ୍ଦେହ ପ୍ରକାଶ କରିଥିଲେ, ସେମାନେ ଭାବୁଥିଲେ ଯେ ୧୮ ବର୍ଷର ଅଭିଜ୍ଞତା ଥିବା ଜଣେ ଇଞ୍ଜିନିୟର ଏତେ ଶୀଘ୍ର ଫାଷ୍ଟ-ଫୁଡ୍ ଚାକିରି କରିବାକୁ ବାଧ୍ୟ ହେବେ କି ?
