ଭୁବନେଶ୍ଵର, ୧୩/୦୫ : ଭୁବନେଶ୍ଵରରେ ଆମ ବସ୍ ସେବା ଠପ୍। ବିନା କାରଣରେ ବସ୍ କଣ୍ଡକ୍ଟର ଓ ଡ୍ରାଇଭରଙ୍କୁ ମାଡ଼ ଅଭିଯୋଗରେ ଆନ୍ଦୋଳନ। ସବୁ ବସ୍ ଡିପୋରେ ବସ୍ ରଖି ସୁରକ୍ଷା ଦାବିରେ ଆନ୍ଦୋଳନକୁ ଓହ୍ଲାଇଲେ ବସ୍ କଣ୍ଡକ୍ଟର ଓ ଡ୍ରାଇଭର। ସହରରେ ବସ୍ ସେବା ବନ୍ଦ ହୋଇଯିବା ଯୋଗୁଁ ଯାତ୍ରୀ ହନ୍ତସନ୍ତ।
ସେମାନଙ୍କ ଅଭିଯୋଗ ଅନୁଯାୟୀ, ବିଭିନ୍ନ ସମୟରେ ଆମ ବସ୍ କର୍ମଚାରୀଙ୍କୁ ଲୋକମାନେ ମରଣାନ୍ତକ ଆକ୍ରମଣ କରୁଛନ୍ତି। ଗତକାଲି ମଧ୍ୟ ପ୍ରେସ୍ ଛକରେ ଏଭଳି ଏକ ଘଟଣା ଘଟିଥିଲା। ଏନେଇ ବାରମ୍ବାର ଅଭିଯୋଗ କଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ନିଆଯାଉ ନାହିଁ। ତେଣୁ ରାଜ୍ୟ ସରକାର ସୁରକ୍ଷା ଦେଲେ ସେମାନେ ଗାଡି ଚଳାଇବେ, ନହେଲେ ଗାଡି ଗଡିବ ନାହିଁ ବୋଲି ସଫା ସଫା କହିଛନ୍ତି ଡ୍ରାଇଭର୍ ଓ କଣ୍ଡକ୍ଟର। ସେପଟେ କ୍ରୁଟ ପକ୍ଷରୁ ଏନେଇ କୌଣସି ପ୍ରତିକ୍ରିୟା ମିଳିପାରି ନାହିଁ। ଏପର୍ଯ୍ୟନ୍ତ କୌଣସି ସମାଧାନର ବାଟ ବାହାରିପାରି ନାହିଁ। ଲୋକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି।
ଏହି ଖବରଟିକୁ ପଢନ୍ତୁ-ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲା, କଡ଼ା ସୁରକ୍ଷାରେ ହାଜର ହେଲା ପୁଞ୍ଜିଲାଲ, ଆଜି ଶେଷ ପର୍ଯ୍ୟାୟ ଶୁଣାଣି
