ମୁମ୍ବାଇ,୨୦/୦୬: 'ସୀତାରେ ଜମିନ ପର' ସହ ୩ ବର୍ଷ ପରେ ପରଦାକୁ ଫେରିଛନ୍ତି ଅଭିନେତା ଆମୀର ଖାନ୍ । ଜୁନ୍ ୨୦ରେ ଅର୍ଥାତ୍ ଆଜି ଏହି ବହୁ ପ୍ରତୀକ୍ଷିତ ଫିଲ୍ମ ରିଲିଜ୍ ହୋଇଯାଇଛି । ଯାହା ସ୍ପାନିସ୍ ଫିଲ୍ମ 'କ୍ୟାମ୍ପେଓନ୍ସ'ର ଏକ ହିନ୍ଦୀ ରୂପାନ୍ତର । ଏହି ଫିଲ୍ମକୁ ର.ଏସ. ପ୍ରସନ୍ନ ନିର୍ଦ୍ଦେଶନା ଦେଇଛନ୍ତି । ତେବେ 'ସୀତାରେ ଜମିନ୍ ପର' ଦେଖିବାକୁ ଯାଇଥିବା ଦର୍ଶକମାନେ ଫିଲ୍ମକୁ ନେଇ 'ଏକ୍ସ' ରେ ସେମାନଙ୍କର ରିଭ୍ୟୁ ସେୟାର କରିଛନ୍ତି ।
ଜଣେ ୟୁଜର୍ ଲେଖିଛନ୍ତି, ସୀତାରେ ଜମିନ୍ ପର ଆପଣଙ୍କ ହୃଦୟକୁ ଛୁଇଁବ । ଏହା ଆପଣଙ୍କୁ ହସାଇବ, କନ୍ଦାଇବ ଏବଂ ନୂଆ ଆଶା ମଧ୍ୟ ଦେବ । ସୁପରଷ୍ଟାର ଆମୀର ଖାନ୍ ଫିଲ୍ମ ପାଇଁ ନିଜର ଟଙ୍କା ଏବଂ ସମୟ ବିନିଯୋଗ କରିଛନ୍ତି । ଆଉ ଜଣେ ଲେଖିଛନ୍ତି, ସୀତାରେ ଜମିନ୍ ପର୍ ଦେଖିଲି, ହଁ ଏହା ଏକ ସ୍ପାନିସ୍ ଫିଲ୍ମର ରିମେକ୍ କିନ୍ତୁ ତଥାପି, ଏହା ଆପଣଙ୍କ ହୃଦୟକୁ ଛୁଇଁବ । ଆମୀର ଏକ ଭଲ ଫିଲ୍ମ ତିଆରି କରିଛନ୍ତି ଏବଂ ଡେବ୍ୟୁ ଅଭିନେତାମାନେ ଏକ ଚମତ୍କାର କାମ କରିଛନ୍ତି । ଏହା ଭାବପ୍ରବଣ ଏବଂ ଦେଖିବାକୁ ପଡ଼ିବ । ସେହିପରି ଅନ୍ୟ ଜଣ ଲେଖିଛନ୍ତି, ଆପଣ ଏହି ଫିଲ୍ମକୁ ଷ୍ଟାର ଦ୍ୱାରା ମାପିପାରିବେ ନାହିଁ, ଆପଣ କୌଣସି ରେଟିଂ ସହିତ ପିଲାମାନଙ୍କର ଭାବନା ଏବଂ କଠିନ ପରିଶ୍ରମକୁ ତୁଳନା କରିପାରିବେ ନାହିଁ। ଏହା ଭାବପ୍ରବଣ, ଶକ୍ତିଶାଳୀ ଏବଂ ବହୁତ ସ୍ୱତନ୍ତ୍ର । ଯାହାବି ହେଉ 'ସୀତାରେ ଜମିନ୍ ପର୍' ଦେଖିବାକୁ ପଡି଼ବ । ଅନ୍ୟ ଜଣେ ଲେଖିଛନ୍ତି, ଆମୀର ଖାନଙ୍କ ଫିଲ୍ମ ମୋ ହୃଦୟକୁ ଛୁଇଁଛି ଏବଂ ମୋତେ ବହୁତ ହସାଇଛି । ତେବେ ଆମୀର ଖାନ୍ ଏକ ରିମେକ୍ ଫିଲ୍ମ ତିଆରି କରିଛନ୍ତି କିନ୍ତୁ ଏହାର କାହାଣୀ ଏବଂ ଫିଲ୍ମରେ ଥିବା ଭାବନା ସମ୍ପୂର୍ଣ୍ଣ ପବିତ୍ର। କାରଣ ଫିଲ୍ମରେ ଅଭିନୟ କରିଥିବା ସମସ୍ତ ସ୍ୱତନ୍ତ୍ର ପିଲାମାନେ ବାସ୍ତବ ଜୀବନର ଚରିତ୍ର । ଏହା ପ୍ରଥମ ଥର ପାଇଁ ସେମାନେ ବଡ଼ ପରଦାରେ ଅଭିନୟ କରୁଛନ୍ତି । ଫିଲ୍ମରେ ନୂତନ ଅଭିନେତା ଆରୁଷ ଦତ୍ତା, ଗୋପୀ କୃଷ୍ଣନ୍ ବର୍ମା, ବେଦାନ୍ତ ଶର୍ମା, ନମନ ମିଶ୍ର, ରିଷି ଶାହାଣୀ ଏବଂ ରିଷଭ ଜୈନ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି । 'ସୀତାରେ ଜମିନ୍ ପର' ଆମିର ଖାନ ପ୍ରଡକ୍ସନ୍ସ ବ୍ୟାନରରେ ନିର୍ମିତ । ଯେଉଁଥିରେ ଆମୀର ଖାନ୍ ଏବଂ ଜେନେଲିଆ ଦେଶମୁଖ ମୁଖ୍ୟ ଭୂମିକାରେ ନଜର ଆସିଛନ୍ତି ।
