ନୂଆଦିଲ୍ଲୀ, ୧୬/୧ : ଏବେ ଅଷ୍ଟେ୍ରଲିଆରେ ଖେଳାଯାଉଥିବା ବିଗ୍ ବ୍ୟାଶ ଲିଗର ୩୬ତମ ମୁକାବିଲା ସମୟରେ ପଡ଼ିଆରେ ନିଆଁ ଲାଗିଯାଇଛି । ଟୁର୍ଣ୍ଣାମେଣ୍ଟର ଏହି ମ୍ୟାଚ୍ ହୋବାର୍ଟ ହରିକେଂସ ଏବଂ ବ୍ରିସ୍ବେନ ହିଟ୍ ମଧ୍ୟରେ ଖେଳାଯାଉଥିଲା । ଯେଭଳି ଭାବେ ପଡ଼ିଆରେ ନିଆଁ ଲାଗିଲା, ଅମ୍ପାୟର୍ସ ମ୍ୟାଚକୁ ସଙ୍ଗେ ସଙ୍ଗେ ଅଟକାଇଦେଇଥିଲେ । ନିଆଁ ଲାଗିବାର ଭିଡ଼ିଓ ଦ୍ରୁତ ଗତିରେ ଭାଇରାଲ ହେବାରେ ଲାଗିଛି ।
ଏହି ନିଆଁ ଲାଗିବା ଘଟଣା ଦ୍ବିତୀୟ ପାଳିରେ ହୋଇଥିଲା ଯେତେବେଳେ ହୋବାର୍ଟ ହରିକେନ୍ସଙ୍କ ଟିମ୍ ରନ୍ ଚେଜ କରିବା ଲାଗି ପଡ଼ିଆରେ ଥିଲା । ଭିଡ଼ିଓରେ ଦେଖାଯାଉଛି କି ଯେଉଁଠାରେ ଡିଜେ ଲାଗିଥିଲା ସେହିଠାରେ ଅଚାନକ ନିଆଁ ଲାଗିଥିଲା । ନିଆଁକୁ ଦେଖି ମୈଦାନରେ ଥିବା କର୍ମଚାରୀ ତୁରନ୍ତ ଆକ୍ସନରେ ଆସିଥିଲେ ଏବଂ ନିଆଁ ଲିଭାଇବାକୁ ପ୍ରୟାସ କରିଥିଲେ । ଏହି ସମୟରେ ସୁରକ୍ଷା କର୍ମୀ ଷ୍ଟାଫର ଲୋକମାନେ ନିଆଁ ଲାଗିବା ସ୍ଥାନରେ ପହଞ୍ଚିଛନ୍ତି ।
