ମୁମ୍ବାଇ, ୫/୩ : ଭାରତ-ଇଂଲଣ୍ଡ ମଧ୍ୟରେ ଖେଳାଯାଉଛି ହାଇଭୋଲଟେଜ୍ ସେମି ମୁକାବିଲା । ୨୫୩ ରନ ଭାରତ କରିଥିବାବେଳେ ଏହାକୁ ପିଛା କରୁଛି ଇଂଲଣ୍ଡ । ତେବେ ଏହି ମ୍ୟାଚ ଉପରେ ସାରା ବିଶ୍ବର ନଜର ରହିଛି । କେଉଁ ଦଳ ଫାଇନାଲକୁ ଯିବ ଏହାକୁ ନେଇ ସମସ୍ତଙ୍କ ନଜର ରହିଛି । ତେବେ ଓ୍ବାଙ୍ଖଡେରେ ଖେଳା ଯାଉଥିବା ଏହି ମ୍ୟାଚ ଦେଖିବା ପାଇଁ ବହୁ ସେଲିବ୍ରିଟି ମାନେ ପହଞ୍ଚିଥିବା ଦେଖିବାକୁ ମିଳିଛି ।

 

ବଲିଉଡ ସୁପରଷ୍ଟାର ରଣବୀର କପୁର ପତ୍ନୀ ଆଲିଆ ଭଟ୍ଟ ଏବଂ ଝିଅ ସହ ମ୍ୟାଚ ଦେଖିବାକୁ ଷ୍ଟାଡିୟମରେ ପହଞ୍ଚିଛନ୍ତି । ଅଭିନେତା ଅନୀଲ କପୁରଙ୍କ ସହ ବରୁଣ ଧାଓ୍ବନ ମଧ୍ୟ ଷ୍ଟାଡିୟମରେ ଭାରତୀୟ ଖେଳାଳିଙ୍କୁ ଚିୟରଅପ କରୁଥିବା ଦେଖିବାକୁ ମିଳିଛି । ସେପଟେ ଅମ୍ବାନୀ ପରିବାର ମଧ୍ୟ ଉପସ୍ଥିତ ରହିଛନ୍ତି । ଏହାସହ ଭାରତୀୟ କ୍ରିକେଟର ରୋହିତ ଶର୍ମା ମହେନ୍ଦ୍ର ସିଂହ ଧୋନୀ ଏବଂ କେଏଲ ରାହୁଲ ମଧ୍ୟ ମ୍ୟାଚ ଦେଖିବାକୁ ମଇଦାନରେ ଉପସ୍ଥିତ ।