ମାଲକାନଗିରି,୨୭/୭ : ମାଲକାନଗିରି ଜିଲ୍ଲା ସୀମାନ୍ତ ବିଜାପୁର ଜିଲ୍ଲା ବାସାଗୁଡ଼ା ଜଙ୍ଗଲରେ ମାଓବାଦୀ ଯବାନଙ୍କ ମଧ୍ୟରେ ଗୁଳି ବିନିମୟ ଘଟିଛି । ଫଳରେ ୧୭ଲକ୍ଷ ପୁରସ୍କାର ଘୋଷିତ ୪ମାଓବାଦୀଙ୍କର ମୃତ୍ୟୁ ଘଟିବା ସହ ଏସଏଲ ଆର, ଇନସାସ ୪ଟି ବନ୍ଧୁକ, ବହୁ ପରିମାଣର ଗୋଳାବାରୁଦ ଜବତ ହୋଇଛି । ବିଜାପୁର ଏସପି ଜିତେନ୍ଦ୍ର ୟାଦବଙ୍କ ସୂଚନା ଅନୁସାରେ ଗତକାଲି ସନ୍ଧ୍ୟାରେ ଡିଆରଜି, ଏସଟିଏଫ ଯବାନମାନେ ବିଜାପୁର ଜିଲ୍ଲା ବାସାଗୁଡା ଜଙ୍ଗଲକୁ କୁମ୍ବିଂ ଅପରେସନରେ ଯାଇଥିଲେ । ସେଠାରେ ମାଓବାଦୀଙ୍କ ସହିତ ଗୁଳି ବିନିମୟ ହୋଇଥିଲା । ଏନକାଉଣ୍ଟରରେ  ଏସିଏମ କ୍ୟାର୍ଡର ମାଓବାଦୀ ହୁଙ୍ଗା, ଲକେଶ, ଭୀମଙ୍କର ମୃତ୍ୟୁ ଘଟିଥିବାବେଳେ ଏମାନଙ୍କ ମୁଣ୍ଡ ଉପରେ ୫ଲକ୍ଷ ଲେଖା ଟଙ୍କା ପୁରସ୍କାର ଘୋଷଣା ହୋଇଛି । ଅନ୍ୟ ଜଣେ ମୃତ ମାଓବାଦୀ ହେଲେ ରାହୁଲ ତାଙ୍କ ମୁଣ୍ଡ ଉପରେ ୨ଲକ୍ଷ ଟଙ୍କାର ପୁରସ୍କାର ଘୋଷଣା ହୋଇଛି ।