ଶ୍ରୀନଗର,୩୦/୦୭: ଜମ୍ମୁ-କାଶ୍ମୀରରେ ଏକ ବଡ଼ ବସ୍ ଦୁର୍ଘଟଣା ଘଟିଛି । ଆଇଟିବିପି ଯବାନଙ୍କୁ ନେଇ ଯାଉଥିବା ବସ୍ ସିନ୍ଧ୍ ନଦୀରେ ଖସିପଡ଼ିଛି । ସୌଭଗ୍ୟବସତଃ ବଡ଼ ଅଘଟଣ ଟଳିଯାଇଛି । ଡ୍ରାଇଭର ସାମାନ୍ୟ ଆହତ ହୋଇଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଛି । ଉଦ୍ଧାର କାର୍ଯ୍ୟ ଚାଲିଛି । ପ୍ରବଳ ବର୍ଷାରେ ଗାନ୍ଦେରବଲ ଜିଲ୍ଲା କୁଲାନ ବ୍ରିଜ୍ରୁ ଆଇଟିବିପି ଯବାନଙ୍କୁ ନେଇ ଯାଉଥିବା ଏକ ବସ୍ ସିନ୍ଧ୍ ନଦୀରେ ଖସିପଡ଼ିଛି । ସେନାମାନଙ୍କୁ ସୁରକ୍ଷିତ ଉଦ୍ଧାର କାର୍ଯ୍ୟ ଜାରି ରହିଛି ।
ଏନ୍ଡିଆରଏଫ୍ ଓ ଏସ୍ଡିଆରଏଫ ଉଦ୍ଧାରକାର୍ଯ୍ୟରେ ନିୟୋଜିତ ଅଛନ୍ତି । ଏବେ ସୁଦ୍ଧା କୌଣସି ଯବାନଙ୍କ ସନ୍ଧାନ ମିଳିନାହିଁ । ଏସଡିଆରଏଫ ଯୁଦ୍ଧକାଳୀନ ଭିତ୍ତିରେ ଉଦ୍ଧାରକାର୍ଯ୍ୟରେ ନିୟୋଜିତ ହୋଇଛନ୍ତି । ଗାନ୍ଦେରବାଲ୍ ଏସ୍ଏସ୍ପି ଖଲିଲ୍ ଅହମ୍ମଦ ପୋସୱାଲ୍ କହିଛନ୍ତି, "ଆଇଟିବିପିର ଏକ ବସ୍ ସେନାଙ୍କୁ ନେଇ ଯାଉଥିଲା । ବସ୍ ନଦୀକୁ ଖସି ପଡ଼ିଛ । ଡ୍ରାଇଭରଙ୍କୁ ସାମାନ୍ୟ ଆଘାତ ଲାଗିଛି । ଡ୍ରାଇଭରଙ୍କ ଅବସ୍ଥା ସ୍ଥିର ରହିଛି । ଏନଡିଆରଏଫ, ଏସ୍ଡିଆରଏଫ, ପୁଲିସ ବସ୍ଟିକୁ ଉଦ୍ଧାର କରୁଛନ୍ତି । ସୌଭାଗ୍ୟବଶତଃ, ଏକ ବଡ଼ ଅଘଟଣ ଟଳିଗଲା ।"
#WATCH | Ganderbal, J&K | An ITBP bus was on its way to carry the troops when it slipped into the river. The driver, who sustained minor injuries, is now stable. NDRF, SDRF and the police are rescuing the bus. Fortunately, a major incident was averted as there were no troops in… pic.twitter.com/tNsHJUoON2
— ANI (@ANI) July 30, 2025
ସେପଟେ ଉତ୍ତରାଖଣ୍ଡର ଚାମୋଲିରେ ଆଉ ଏକ ଦୁର୍ଘଟଣା ଘଟିଛି । କର୍ଣ୍ଣପ୍ରୟାଗ ଅଭିମୁଖେ ଯାଉଥିବା ଏକ ସେନା ବସ୍ ନିୟନ୍ତ୍ରଣ ହରାଇ ଏକ ପାହାଡ଼ରେ ଧକ୍କା ହୋଇ ରାସ୍ତା ଉପରେ ଓଲଟି ପଡ଼ିଛି । ଏହି ଦୁର୍ଘଟଣାରେ ଅନେକ ସେନା ଆହତ ହୋଇଛନ୍ତି । ପ୍ରାଥମିକ ଚିକିତ୍ସା ପାଇଁ ସେମାନଙ୍କୁ କର୍ଣ୍ଣପ୍ରୟାଗ ସ୍ଥିତ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଯାଇଛି ।
