ଭୁବନେଶ୍ବର,୨୬/୧୧: ଆସନ୍ତା ଡିସେମ୍ବର ୨୦ ତାରିଖରେ ରାଜ୍ୟସଭା ଉପନିର୍ବାଚନ ଅନୁଷ୍ଠିତ ହେବ । ୪ଟି ରାଜ୍ୟରେ  ଖାଲି ପଡିଥିବା ୬ଟି ରାଜ୍ୟସଭା ଆସନ ପାଇଁ ଉପନିର୍ବାଚନ ହେବ । ଏ ନେଇ ଡିସେମ୍ବର ୩ ତାରିଖରେ ବିଜ୍ଞପ୍ତି ପ୍ରକାଶ ପାଇବ । ଡିସେମ୍ବର ୧୦ ତାରିଖ ନାମାଙ୍କନର ଶେଷ ତାରିଖ ରହିଛି । ଓଡିଶାରେ ଖାଲି ଥିବା ଗୋଟିଏ ଆସନରେ ଉପନିର୍ବାଚନ ହେବ । ସୁଜିତ କୁମାରଙ୍କ ଇସ୍ତଫା ପରେ ଗୋଟିଏ ଆସନ ଖାଲି ପଡିଛି । ଡିସେମ୍ବର ୨୦ ତାରିଖରେ ହିଁ ଫଳାଫଳ ପ୍ରକାଶ ପାଇବ ।

ଭାରତୀୟ ନିର୍ବାଚନ କମିଶନ ଖାଲି ପଡିଥିବା ୬ଟି ରାଜ୍ୟସଭା ଆସନ ପାଇଁ ଉପନିର୍ବାଚନ ତାରିଖ ଘୋଷଣା କରିଛନ୍ତି । ଏଥିରେ ଓଡିଶାର ଗୋଟିଏ ଆସନ ରହିଛି । ଓଡିଶା ସମେତ ଆନ୍ଧ୍ରପ୍ରଦେଶ, ପଶ୍ଚିମବଙ୍ଗ ଓ ହରିୟାଣାରେ ରାଜ୍ୟସଭା ଆସନ ଖାଲି ରହିଛି । ଓଡିଶାର ବିଜେଡି ନେତା ସୁଜିତ କୁମାର ଇସ୍ତଫା ଦେବା ପରେ ଗୋଟିଏ ଆସନ ଖାଲି ପଡିଛି । ଏହା ପରେ ବିଜେଡି ନେତା ମମତା ମହନ୍ତ ମଧ୍ୟ ରାଜ୍ୟସଭାରୁ ଇସ୍ତଫା ଦେଇଥିଲେ । ପରବର୍ତ୍ତୀ ସମୟରେ ବିଜେପିରେ ଯୋଗ ଦେଇଥିଲେ ।

ଇସିଙ୍କ ବିଜ୍ଞପ୍ତି ଅନୁସାରେ, ଡିସେମ୍ବର ୨୦ ତାରିଖରେ ଖାଲି ପଡିଥିବା ରାଜ୍ୟସଭା ଆସନର ଉପନିର୍ବାଚନ ହେବ । ଡିସେମ୍ବର ୩ ତାରିଖରେ ବିଜ୍ଞପ୍ତି ପ୍ରକାଶ ପାଇବ । ଡିସେମ୍ବର ୧୦ ତାରିଖ ନାମାଙ୍କନ ଭରିବାର ଶେଷ ତାରିଖ ରହିଛି । ଡିସେମ୍ବର ୧୧ ତାରିଖରେ ନାମାଙ୍କନ ପ୍ରତ୍ୟାହାର ଓ ଯାଞ୍ଚ ହେବ । ନିର୍ବାଚନ ଦିନ ହିଁ ଫଳାଫଳ ପ୍ରକାଶ ପାଇବ ।