ନୂଆଦିଲ୍ଲୀ : ଦେଶର ଆଗାମୀ ଚନ୍ଦ୍ର ମିଶନକୁ ନେଇ ଦ୍ୱିତୀୟ ଖୁସି ଖବର ସାମ୍ନାକୁ ଆସିଛି। ଭାରତ ଚନ୍ଦ୍ରଯାନ-୪ ଅନୁସାରେ ଚନ୍ଦ୍ରରୁ ସାମ୍ପଲ ସଂଗ୍ରହ କରି ତାକୁ ପୃଥିବୀକୁ ଆଣିବାରେ ଯୋଜନା କରୁଛି ଏବଂ ଏହି ଚନ୍ଦ୍ରଯାନ-୫ରେ ଅଧିକ ଓଜନର ଲ୍ୟଣ୍ଡର ରହିବ। ଏହାର ମିଶନ ଲାଇଫ୍ ଅଧିକ। ଏହି ସୂଚନା ଇସ୍ରୋ ଚେୟାରମ୍ୟାନ ଭି ନାରାୟଣନ ବୁଧବାର ଦେଇଛନ୍ତି। ସେ ଇସ୍ରୋର ଭବିଷ୍ୟତର ମିଶନ ବିଷୟରେ ମଧ୍ୟ କହିଛନ୍ତି ,ଯେଉଁଥିରେ ଭେନସର ଅଧ୍ୟୟନ ଓ ଦ୍ୱିତୀୟ ମାର୍ସ ଲ୍ୟାଣ୍ଡିଂ ମିଶନ ସାମିଲ ଅଛି। ଇସ୍ରୋର ସ୍ପେସ୍ ସାଇନ୍ସ ଆଣ୍ଡ ଟେକ୍ନୋଲଜି ଆୱେରନେସ୍ ଟ୍ରେନିଂ (START 2026) ପ୍ରୋଗ୍ରାମର ୪ର୍ଥ ଏଡିସର ଉଦଘାଟନ ସମାରୋହରେ ସେ କହିଥିଲେ- ଏବେ ଆମେ ଚନ୍ଦ୍ରଯାନ ପ୍ରୋଗ୍ରାମକୁ ଜାରି ରଖିବା ଉପରେ କାମ କରୁଛୁ । ଚନ୍ଦ୍ରଯାନ-୪ରେ , ଆମେ ସାମ୍ପଲ ସଂଗ୍ରହ କରି ସେଗୁଡ଼ିକୁ ପୃଥିବୀକୁ ଆଣିବାକୁ ଯୋଜନା କରୁଛୁ। ଚନ୍ଦ୍ରଯାନ -୫ରେ ଅଧିକ ଓଜନ ଥିଲା ଲ୍ୟାଣ୍ଡର ରହିବ , ଯାହାର ମିଶନ ଲାଇଫ୍ ଅଧିକ ହେବ।
ସେ ଏହା ମଧ୍ୟ ମନେପକାଇ ଦେଇଛନ୍ତି ଯେ, ଚନ୍ଦ୍ରଯାନ-୩ରେ ଲ୍ୟାଣ୍ଡରର ମିଶନ ଲାଇଫ୍ କେବଳ ୧୪ ଦିନର ଥିଲା। ନାରାୟଣନ କହିଛନ୍ତି – ଆଗାମୀ ମିଶନରେ , ଆମେ ପ୍ରାୟ ୧୦୦ ଦିନର ଲାଇଫର କଥା କହୁଛୁ। ରୋଭର ମଧ୍ୟ ଓଜନିଆ ହେବ। ଚନ୍ଦ୍ରଯାନ-୩ରେ ପ୍ରାୟ ୨୫ କିଲୋର ରୋଭର ଥିଲା, ହେଲେ ଆଗାମୀ ମିଶନରେ ପ୍ରାୟ ୩୫୦ କିଲୋର ରୋଭର ହେବ। ଭେନସ ଅର୍ବିଟର ମିଶନ ଭଳି ଇସ୍ରୋର ଆଗାମୀ ପ୍ରୋଗ୍ରାମର ଉଲ୍ଲେଖ କରି ସେ କହିଛନ୍ତି- ଆମେ ମାର୍ସ ଅର୍ବିଟର ମିଶନ ପୂର୍ବରୁ ହିଁ ପୂରଣ କରିନେଇଛୁ, ଏବଂ ଏବେ ଆମେ ମାର୍ସ ଲ୍ୟାଣ୍ଡିଂ ମିଶନ ଉପରେ କାମ କରୁଛନ୍ତି।
ନାରାୟଣନ କହିଛନ୍ତି , ଭାରତର ସ୍ପେସ୍ ପ୍ରୋଗ୍ରାମ ବର୍ତ୍ତମାନ ସୁଦ୍ଧା ୧୦ଟି ସାଇଣ୍ଟିଫିକ୍ ମିଶନ ପୂରା କରିଛି, ଯେଉଁଥିରେ ଆଷ୍ଟ୍ରୋସାଟ୍ ମଧ୍ୟ ଅନ୍ତର୍ଭୁକ୍ତ, ଯିଏକି ନିକଟରେ ଅର୍ବିଟରେ ଏକ ଦଶନ୍ଧି ପୂରା କରିଛି ଏବଂ ଏବେ ବି ବହୁତ ଭଲ ଭାବେ କାମ କରୁଛି। ସେ ଭାରତର ଭିନ୍ନ ଭିନ୍ନ ଲୁନର ଏକ୍ସପ୍ଲୋରେସନ ମିଶନ – ଚନ୍ଦ୍ରଯାନ -୧, ଚନ୍ଦ୍ରଯାନ-୨ , ଚନ୍ଦ୍ରଯାନ-୩ ବିଷୟରେ ମଧ୍ୟ ଦର୍ଶାଇ ଥିଲେ ଏବଂ କହିଥିଲେ ଏଗୁଡ଼ିକ ଦ୍ୱାରା ଅନେକ ସାଇଣ୍ଟିଫିକ୍ ଆବିଷ୍କାର ହୋଇଛି। ସେ ଆହୁରି କହିଛନ୍ତି , ଆମେ ବହୁତ ଆଗକୁ ବଢୁଛୁ। ୨୦୨୩ରେ ଚନ୍ଦ୍ରଯାନ-୩ ମିଶନର ସଫଳତା ବିଷୟରେ ଦର୍ଶାଇ ଇସ୍ରୋ ଚେୟାରମ୍ୟାନ କହିଥିଲେ, ଭାରତ ଚନ୍ଦ୍ରର ସାଉଥ୍ ପୋଲ୍ ନିକଟରେ ସଫ୍ଟ ଲ୍ୟାଣ୍ଡିଂ କରିବାର ପ୍ରଥମ ଦେଶ ହୋଇ ଯାଇଛି।
