ବେଜିଂ : ରୁଷୀୟ ରାଷ୍ଟ୍ରପତି ଭ୍ଲାଦିମିର ପୁଟିନ ଚୀନ ଗସ୍ତରେ ଯାଇଛନ୍ତି। ବୁଧବାର ଚାଇନା ରାଷ୍ଟ୍ରପତି ଶି ଜିନପିଙ୍ଗଙ୍କ ସହ ହୋଇଥିବା ସାକ୍ଷାତ୍ ବେଳେ ପୁଟିନ ବଡ଼ ବୟାନ ଦେଇଛନ୍ତି। ସେ କହିଛନ୍ତି ଯେ, ଆମେରିକା ସହ କାମ କରିବାକୁ ରୁଷ ପ୍ରସ୍ତୁତ। ଏହାକୁ ନେଇ ଜିନପିଙ୍ଗଙ୍କ ସହ ଆଲୋଚନା ମଧ୍ୟ କରାଯାଇଛି। ପୁଟିନଙ୍କର ଏହି ବିବୃତ୍ତି ଏଥିପାଇଁ ମଧ୍ୟ ପ୍ରମୁଖ ମନେକରାଯାଇଛି , କାରଣ ରୁଷ୍ ଓ ୟୁକ୍ରେନ ଯୁଦ୍ଧ କାରଣରୁ ଆମେରିକା ମସ୍କୋ ଉପରେ ଅନେକ ବର୍ଷରୁ କଡ଼ା ପ୍ରତିବନ୍ଧକ ଲଗାଇ ରଖିଛି। ଡୋନାଲ୍ଡ ଟ୍ରମ୍ପ ନିରନ୍ତର ରୁଷ୍ ସହ କଥାବାର୍ତ୍ତା କରି ଆସୁଛନ୍ତି , ଯାହାକି ଏହି ଯୁଦ୍ଧକୁ ରୋକା ଯାଇ ପାରିବ। ଏବେ ଯେବେ ପୁଟିନ କହିଛନ୍ତି ଯେ, ରୁଷ୍ ଆମେରିକା ସହ ସହଯୋଗ କରିବାକୁ ପ୍ରସ୍ତୁତ ତ ପ୍ରଶ୍ନ ଉଠେ ଯେ, ରୁଷ୍-ୟୁକ୍ରେନ ଯୁଦ୍ଧକୁ ରୋକିବା ଦିଗରେ କାମ ହେଉ ନାହିଁ ତ ?
ଚୀନ ରାଷ୍ଟ୍ରପତି ଶି ଜିନପିଙ୍ଗ ଓ ତାଙ୍କର ରୁଷୀୟ ସମକକ୍ଷ ଭ୍ଲାଦିମିର ପୁଟିନ , ବୁଧବାର ଦ୍ୱିପାକ୍ଷୀୟ ସମ୍ୱନ୍ଧ ଓ ଇରାନ , ୟୁକ୍ରେନ ଯୁଦ୍ଧ ତଥା ବାଣିଜ୍ୟ ସହ ପ୍ରମୁଖ ବିଶ୍ୱ ସ୍ତରୀୟ ପ୍ରସଙ୍ଗ ଉପରେ ବ୍ୟାପକ ଆଲୋଚନା କରିଛନ୍ତି। ଏହା ପୂର୍ବରୁ ୧୪-୧୫ ମେ’ରେ ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବେଜିଂର ଯାତ୍ରାରେ ଆସି ଥିଲେ ଏବଂ ସେ ମଧ୍ୟ ଶି ଜିନପିଙ୍ଗଙ୍କ ସହ ଇରାନ ଓ ୟୁକ୍ରେନ ଯୁଦ୍ଧକୁ ନେଇ ଦ୍ୱିପାକ୍ଷୀୟ ବ୍ୟାପାରିକ ଉତ୍ତେଜନା ଓ କ୍ଷେତ୍ରୀୟ ଘଟଣାକ୍ରମ ଉପରେ ବ୍ୟାପକ ଆଲୋଚନା କରି ଥିଲେ। ‘ ଗ୍ରେଟ୍ ହଲ୍ ଅଫ୍ ଦ ପିପୁଲ’ରେ ଆଲୋଚନା ପୂର୍ବରୁ, ଶି ଜିନପିଙ୍ଗ ପୁଟିନଙ୍କର ଔପଚାରିକ ସ୍ୱାଗତ କରି ଥିଲେ। ଔପଚାରିକ ସ୍ୱାଗତ ପରେ ଦ୍ୱିପାକ୍ଷୀୟ ଆଲୋଚନା ହୋଇଥିଲା। ମଙ୍ଗଳବାର ରାତିରେ ଏଠାରେ ପହଞ୍ଚି ଥିବା ପୁଟିନଙ୍କର ସ୍ୱାଗତ ଚାଇନା ବିଦେଶୀ ମନ୍ତ୍ରୀ ୱାଙ୍ଗ୍ ୟି କରିଥିଲେ।
ନିଜର ଯାତ୍ରା ପୂର୍ବରୁ ମଙ୍ଗଳବାର ଦେଇଥିବା ଏକ ଭିଡ଼ିଓ ସମ୍ୱୋଧନରେ ପୁଟିନ କହିଛନ୍ତି ଯେ, ରୁଷ-ଚୀନ ସମ୍ୱନ୍ଧ ବାସ୍ତବରେ ଅଭୁତପୂର୍ବ ସ୍ତରରେ ପହଞ୍ଚି ଯାଇଛି। ସେ କହିଛନ୍ତି ଯେ, ଦୁଇ ଦେଶ ମଧ୍ୟରେ ନିୟମିତ ଉଚ୍ଚ ସ୍ତରୀୟ ସହଯୋଗ ଦ୍ୱିପାକ୍ଷୀୟ ସମ୍ୱନ୍ଧକୁ ଗଭୀର କରିବା ଓ ତାଙ୍କର ଅସୀମିତ କ୍ଷମତାକୁ ଜାଗ୍ରତ କରିବାର ପ୍ରୟାସର ଏକ ଅଭିନ୍ନ ଅଙ୍ଗ। ଚୀନର ବିଦେଶ ମନ୍ତ୍ରଣାଳୟ କହିଛି ଯେ, ଶି ଓ ପୁଟିନ ଦ୍ୱିପାକ୍ଷୀୟ ସମ୍ୱନ୍ଧ , ବିଭିନ୍ନ କ୍ଷେତ୍ରରେ ସହଯୋଗ ଓ ପାରସ୍ପରିକ ହିତର ଅନ୍ତର୍ଜାତୀୟ ଓ କ୍ଷେତ୍ରୀୟ ପ୍ରସଙ୍ଗ ଉପରେ ବିଚାର କରିବେ।
ଚୀନର ବିଦେଶ ମନ୍ତ୍ରଣାଳୟର ପ୍ରବକ୍ତା ଗୁଓ ଜିୟାକୁନ ସୋମବାର ଏକ ମିଡିଆ ବ୍ରିଫିଂରେ କହିଛନ୍ତି, ଏହା ପୁଟିନଙ୍କ ଚୀନର ୨୫ ତମ ଯାତ୍ରା ଏବଂ ସେ ବେଜିଂ ଓ ମସ୍କୋ ମଧ୍ୟରେ ଘନିଷ୍ଠ ରଣନୀତିକ ସମ୍ୱନ୍ଧକୁ ରେଖାଙ୍କିତ କରିଥିଲେ। ପୁଟିନଙ୍କ ଏହି ଯାତ୍ରା ପଶ୍ଚିମ ଏସିଆରେ ଉତ୍ତେଜନା ବୃଦ୍ଧିକୁ ନେଇ ବିଶ୍ୱସ୍ତରୀୟ ଚିନ୍ତା ମଧ୍ୟରେ ହେଉଛି। ଏହି ଉତ୍ତେଜନା ଇରାନ ଦ୍ୱାରା ହୋର୍ମୁଜକ ନାକାବନ୍ଦୀ ପରେ ସୃଷ୍ଟି ହୋଇଛି। ଇରାନ ରୁଷ ଓ ଚୀନ ଉଭୟର ନିକଟତର ରଣନୀତିକ ପାର୍ଟନର। ଆମେରିକୀୟ ପ୍ରତିବନ୍ଧକ ସତ୍ତ୍ୱେ ଚୀନ ଇରାନ ଠାରୁ ୯୦ ପ୍ରତିଶତ ତୈଳ ଆମଦାନୀ କରିଥାଏ।
୨୦୨୨ ମସିହାରେ ୟୁକ୍ରେନ ଯୁଦ୍ଧ ଆରମ୍ଭ ହେବା ପରେ ଚୀନ ରୁଷର ସବୁଠୁ ବଡ଼ ବ୍ୟାପାରିକ ପାର୍ଟନର ହୋଇ ଯାଇଛି ଏବଂ ରୁଷିଆ ତୈଳ ଏବଂ ଗ୍ୟାସର ସବୁଠୁ ବଡ଼ ଗ୍ରାହକ ମଧ୍ୟ। ରୁଷର ଆଶା ଯେ, ଇରାନରେ ଯୁଦ୍ଧରେ ଡିମାଣ୍ଡ ଆହୁରୁ ବଢିବ। ଚୀନ ତଟସ୍ଥ ଆଭିମୁଖ୍ୟ ଆପଣାଇ ଆମେରିକା ଓ ୟୁରୋପ ଦ୍ୱାରା ଲଗାଯାଇ ଥିବା ଆର୍ଥିକ ଓ ଆର୍ଥିକ ପ୍ରତିବନ୍ଧକ ସତ୍ତ୍ୱେ ରୁଷ୍ ସହ ବ୍ୟାପାରିକ ସମ୍ୱନ୍ଧ ଜାରି ରଖିଛି। ରାଷ୍ଟ୍ରପତିଙ୍କ ସହାୟକ ୟୁରୀ ଉଶାକୋଭ ସୋମବାର କହିଥିଲେ ଯେ, ଟ୍ରମ୍ପ ଓ ପୁଟିନଙ୍କ ଯାତ୍ରା ମଧ୍ୟରେ କୋଣସୀ ସମ୍ୱନ୍ଧ ନାହିଁ। ସେ କହିଛନ୍ତି ଯେ, ରୁଷୀୟ ନେତାଙ୍କ ଏହି ଯାତ୍ରା ପୁଟିନ ଓ ଶି ଜିନପିଙ୍ଗଙ୍କ ମଧ୍ୟରେ ଚାରି ଫେବ୍ରୁଆରୀରେ ଭିଡିଓ କନଫରେନ୍ସ ମାଧ୍ୟମରେ ହୋଇ ଥିବା ଆଲୋଚନା ପରେ ସ୍ଥିର କରାଯାଇ ଥିଲା।
ଆହୁରି ମଧ୍ୟ ପଢନ୍ତୁ : ଆମେରିକାକୁ ଧମକ ଦେଲା ଇରାନ, ହମଲା କଲେ ନୂଆ ତରିକାରେ ଦିଆଯିବ ଜବାବ
