PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରାପଡ଼ା : ସିମେଣ୍ଟ ଇଟାଭାଟି ମାଲିକଙ୍କୁ ବିଭତ୍ସ ଭାବେ ହତ୍ୟା, ରକ୍ତ ଜୁଡୁବୁଡୁ ମୃତଦେହ ଉଦ୍ଧାର
  • ||
  • କେନ୍ଦ୍ରାପଡ଼ା: ବାଲିଆ ବାଣ ବିସ୍ଫୋରଣ ଅଘଟଣ: ଏସ୍‌ସିବିରେ ଆଉ ଜଣଙ୍କ ମୃତ୍ୟୁ, ଆହୁରି ୧୧ ଜଣଙ୍କ ଅବସ୍ଥା ଗୁରୁତର
  • ||
  • କଟକ: ଡିସେମ୍ବର ୯ରୁ ମାଟ୍ରିକ୍‌ ଏସ୍‌ଏ-୧ ଖାତା ଦେଖା, ୫୬ଟି କେନ୍ଦ୍ରରେ ହେବ ମୂଲ୍ୟାୟନ
  • ||
  • ଭୁବନେଶ୍ୱର: ରାଜ୍ୟରେ ଶୀତ ଲହରୀ ଅସମ୍ଭାଳ: ୧୦ ଡିଗ୍ରୀ ତଳେ ୭ ସହର, ସେମିଳିଗୁଡା ସବୁଠୁ ଥଣ୍ଡା
  • ||

ଆଇଏଫଏଫ୍‌ ଆୱାର୍ଡରେ ସମ୍ମାନିତ ହେଲେ ସୁପରଷ୍ଟାର ଚିରଞ୍ଜୀବୀ

ନୂଆଦିଲ୍ଲୀ ୨୧/୧୧: ରବିବାର ଦିନ ୫୩ ତମ ଅନ୍ତର୍ଜାତୀୟ ଫିଲ୍ମ ମହୋତ୍ସବ ଅନୁଷ୍ଠିତ ହୋଇଥିଲା। ଏହି ସମୟରେ ସୁପରଷ୍ଟାର ଚିରଞ୍ଜୀବୀଙ୍କୁ ଇଣ୍ଡିଆନ ଫିଲ୍ମ ପର୍ସନାଲିଟି ଅଫ୍ ଦି ଇୟର ଆୱାର୍ଡ ୨୦୨୨ ରେ ସମ୍ମାନିତ କରାଯାଇଛି। କେନ୍ଦ୍ର ସୂଚନା ଏବଂ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ଟ୍ୱିଟରରେ ଚିରଞ୍ଜୀବୀଙ୍କ ଏକ ଫଟୋ ସେୟାର କରି ଲେଖିଛନ୍ତି, ‘ଜଣେ ଅଭିନେତା, ଡ୍ୟାନ୍ସର ତଥା ନିର୍ମାତା ଭାବରେ ଚିରଞ୍ଜୀବୀ ଜୀ ୧୫୦ ରୁ ଅଧିକ ଫିଲ୍ମ କରିଛନ୍ତି ଏବଂ ଚାରି ଦଶନ୍ଧି ଧରି ତାଙ୍କର ଚମତ୍କାର କ୍ୟାରିୟର ରହିଛି। ସେ ତେଲୁଗୁ ସିନେମାରେ ବହୁତ ଲୋକପ୍ରିୟ ଏବଂ ହୃଦୟକୁ ଛୁଇଁ ଯିବା ଭଳି ଚମତ୍କାର ଅଭିନୟ କରିଛନ୍ତି।’

ଚିରଞ୍ଜୀବୀ ୧୫୦ ରୁ ଅଧିକ ଫିଲ୍ମରେ କାମ କରିଛନ୍ତି। ସେ ତେଲୁଗୁ, ତାମିଲ ଏବଂ ଅନେକ ହିନ୍ଦୀ ଫିଲ୍ମର ଅଂଶବିଶେଷ ହୋଇଛନ୍ତି। ସେ ୧୯୭୮ ମସିହାରେ ‘ପୁନାଧିରାଲୁ’ ଫିଲ୍ମରୁ ନିଜର ଅଭିନୟ ଜୀବନ ଆରମ୍ଭ କରିଥିଲେ, ଯାହା ସୁପର ହିଟ୍ ବୋଲି ହୋଇଥିଲା। ତାଙ୍କର ଅନେକ ତେଲୁଗୁ ଫିଲ୍ମ ବକ୍ସ ଅଫିସରେ ସଫଳ ହୋଇଛି। ଗତ ଚାରି ଦଶନ୍ଧିର କ୍ୟାରିଅରରେ ଚିରଞ୍ଜୀବୀଙ୍କୁ ୧୦ ଟି ଫିଲ୍ମଫେୟାର ପୁରସ୍କାର ଏବଂ ଚାରିଟି ନନ୍ଦୀ ପୁରସ୍କାର ପ୍ରଦାନ କରାଯାଇଛି।

ସୁପରଷ୍ଟାର ଚିରଞ୍ଜୀବୀ ଆଜିକାଲି ତାଙ୍କର ଦୁଇଟି ଫିଲ୍ମ ‘ୱାଲ୍ଟର ଭେରାୟା’ ଏବଂ ‘ଭୋଲା ଶଙ୍କର’ର ରିଲିଜକୁ ଉତ୍ସାହର ସହିତ ଅପେକ୍ଷା କରିଛନ୍ତି। ତାଙ୍କୁ ଶେଷ ଥର ପାଇଁ ‘ଗଡ୍ ଫାଦର’ ଫିଲ୍ମରେ ଦେଖିବାକୁ ମିଳିଥିଲା ​​ଯେଉଁଥିରେ ସେ ସଲମାନ ଖାନଙ୍କ ସହ କାମ କରିଥିଲେ। ଏହାପୂର୍ବରୁ ଚିରଞ୍ଜୀବୀ ‘ଆଚାର୍ଯ୍ୟ’ ଫିଲ୍ମରେ ପୁଅ ରାମ ଚରଣଙ୍କ ସହ କାମ କରିଥିଲେ ମଧ୍ୟ ଫିଲ୍ମଟି ବକ୍ସ ଅଫିସରେ ଫ୍ଲପ୍ ହୋଇଥିଲା।