ମାଲକାନଗିରି,୧୫।୪ (ଆପ୍ର): ମାଲକାନଗିରି ସ୍ପୋର୍ଟସ କମ୍ପ୍ଲେକ୍ସଠାରେ ୧୫ ବର୍ଷରୁ କମ ସି.ଏମ ଟ୍ରଫି ଜିଲ୍ଲାସ୍ତରୀୟ ଫୁଟବଲ ଚାମ୍ପିୟନସିପ ୨୦୨୫ର ଫାଇନାଲ ମ୍ୟାଚ ଅନୁଷ୍ଠିତ ହୋଇଛି। ମାଲକାନଗିରି ଇଲେଭେନ ଷ୍ଟାର କ୍ଳବ ୫-୦ ଗୋଲରେ କୋରୁକୋଣ୍ଡା ସାଇ ସ୍ପୋର୍ଟସ ୟୁଥ କ୍ଳବକୁ ହରାଇ ଚାମ୍ପିୟନ ହୋଇଛି ।
ଏଥିରେ ମୁଖ୍ୟ ଅତିଥି ଭାବେ ଚିତ୍ରକୋଣ୍ଡା ବିଧାୟକ ମଙ୍ଗୁ ଖିଲୋ, ଅତିରିକ୍ତ ଜିଲ୍ଲାପାଳ ସୋମନାଥ ପ୍ରଧାନ, ସାଂସଦ ପ୍ରତିନିଧି ବିଜୟ ମହାରଣା, ମାଲକାନଗିରି ବିଧାୟକ ଜିଲ୍ଲା ପ୍ରତିନିଧି ନିହାର ରାୟ, ପୌର ପରିଷଦ ପ୍ରତିନିଧି ରାହୁଲ ଟାୱାରି,ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ପ୍ରମିଳା ମାଝି, ଜିଲ୍ଲା ଅଥଲେଟିକ ଆସୋସିଏସନ କାର୍ଯ୍ୟକାରୀ ସଭାପତି ଡି. ଭେଙ୍କେଟ ରାଓ, ଜିଲ୍ଲା ଅଥଲେଟିକ ଆସୋସିଏସନ ସମ୍ପାଦକ ରାମହରି ପଣ୍ଡା, ଯୁଗ୍ମ ସମ୍ପାଦକ ଗୋପୀକୃଷ୍ଣ ପଟ୍ଟନାୟକ, ବରିଷ୍ଠ କ୍ରୀଡ଼ାବିତ ଶିବ ପ୍ରସାଦ ପାତ୍ର ଓ ଏସ. ଏରାସ୍ୱାମୀ ଯୋଗ ଦେଇ ଯୁବ ପ୍ରତିଭା ଅନ୍ୱେଷଣ ଏହାର ମୁଖ୍ୟ ଉଦ୍ଦେଶ୍ୟ ବୋଲି କହିଥିଲେ । ଶେଷରେ ଅତିଥିମାନେ ଚମ୍ପିୟନ ଓ ରନର୍ସ ଅଫ ଟ୍ରଫି ପ୍ରଦାନ କରିଥିଲେ । ଏଥିରେ ଜିଲ୍ଲାର ମୋଟ ୮ ଟି ଦଳ ଅଂଶ ଗ୍ରହଣ କରିଥିଲେ ।
